spot_img
Homeຊີວິດແລະຄວາມຮັກ5 ຂໍ້ຄວນຮູ້! ກຽມຕົວກ່ອນເຮັດ "ພຣີເຊັນເທຊັ່ນງານດອງ"

5 ຂໍ້ຄວນຮູ້! ກຽມຕົວກ່ອນເຮັດ “ພຣີເຊັນເທຊັ່ນງານດອງ”

Published on

ຫຼັງຈາກອອກພັນສາມານີ້ກໍ່ເຂົ້າສູ່ລະດູແຫ່ງຄວາມຮັກ ຄູ່ຮັກຫຼາຍຄູ່ຈູງມືກັນເຂົ້າສູ່ປະຕູວິວາຫວານຊື່ນ ສຳລັບຄູ່ທີ່ກຳລັງກຽມຈະມີຂ່າວດີໃນໄວໆນີ້ ແລະ ກຳລັງຄິດຈະເຮັດບົດພຣີເຊັນເທຊັ່ນຄວາມຮັກຂອງທ່ານ ເພື່ອສະສາຍໃນງານແຕ່ງງານ ມື້ນີ້ແອັດມິນ ເລີຍຄຳແນະນຳດີສຳລັບ ຂັ້ນຕອນການເຮັດພຣີເຊັນເທຊັ່ນງານດອງມາໃຫ້ທ່ານໄດ້ສືກສາ.

1. ກຳນົດຮູບແບບພຣີເຊັນເທຊັ່ນງານດອງ
ກ່ອນອື່ນທ່ານຕ້ອງຮູ້ຄວາມຕ້ອງການຂອງຕົວເອງກ່ອນ ວ່າຢາກເຮັດພຣີເຊັນເທຊັ່ນແຕ່ງງານອອກມາໃນຮູບແບບແນວໃດ ເຊັ່ນ:​ ແບບໃຊ້ກະຕູນເລົ່າເລື່ອງ ຖ່າຍແບບ Cinema ຫຼື ຈະເປັນລັກສະນະສຳພາດຄວາມຮູ້ສຶກເປັນຕົ້ນ ສິ່ງເຫຼົ່ານີ້ຈະແຕກຕ່າງກັນໃນເລື່ອງຂອງລາຍລະອຽດ ແລະ ເມື່ອຕົກລົງເລືອກຮູບແບບໄດ້ແລ້ວ ກໍ່ຄວນເພື່ອເວລາສ້າງໄວ້ປະມານຈັກເດືອນໜຶ່ງ ເພື່ອໃຫ້ງານມັນອອກມາດີ

2. ກຳນົດ Storyboard
ເພາະວ່າການເລົ່າເລື່ອງທີ່ດີເປັນສິ່ງຈຳເປັນຂອງການເຮັດພຣີເຊັນເທຊັ່ນ ດັ່ງນັ້ນເຮົາຄວນສ້າງພາບທີ່ຢູ່ໃນຫົວອອກມາຄ້າວໆກ່ອນ ເພື່ອເຮັດໃຫ້ການສ້າງມີຂັ້ນຕອນເປັນລະບົບຫຼາຍຂຶ້ນ ຢ່າງໜ້ອຍທ່ານກໍ່ມີຈຸດຢືນໃຫ້ຮູ້ວ່າ ສະຖານທີ່ຖ່າຍທຳຈະເລືອກຖ່າຍຢູ່ໃສ, ຖ່າຍຮູບແບບໃດ ແຕ່ລະສາກມີຄວາມສຳພັນກັນ ຫຼື ບໍ່ Storyboard ຈະເປັນຕົວທີ່ຊ່ວຍຈັດການພາບພຣີເຊັນເທຊັ່ນແຕ່ງງານໃຫ້ຊັດເຈນຫຼາຍຂຶ້ນ

3. ກຳນົດເພງໃຫ້ເໝາະສົມ
ເພງຖືເປັນອີກໜຶ່ງອົງປະກອບສຳຄັນທີ່ຊ່ວຍເຮັດໃຫ້ພຣີເຊັນເທຊັ່ນນັ້ນໜ້າສົນໃຈ ເພງທີ່ວາງໃສ່ພຣີເຊັນເທຊັ່ນງານດອງຢ່າງຖືກຈັງຫວະ ແລະ ເໝາະສົມ ຈະສາມາດດຶງອາລົມແຂກທີ່ເຂົ້າຮ່ວມງານໃຫ້ມີຄວາມຮູ້ສຶກຮ່ວມໄດ້ ຈະໃຊ້ເປັນທຳນອງເພງ ຫຼື ເນື້ອເພງທີ່ເຈົ້າສາວເຈົ້າບ່າວມັກຟັງກໍ່ໄດ້

4. ກຳນົດເວລາ
ພຣີເຊັນເທຊັ່ນທີ່ດີມີຄວາມຍາວບໍ່ເກີນ 5 ນາທີ (ຫຼື ເທົ່າກັບ 1 ເພງ) ເພາະຸຖ້າຍາວກວ່ານີ້ນອກຈາກຈະຄືກັບໜັງສັ້ນແລ້ວ ຈະເຮັດໃຫ້ແຂກຮູ້ສຶກເບື່ອໄດ້

5. ສະແດງໃຫ້ເປັນຕົວຂອງຕົວເອງ
ຫາກຄູ່ເຈົ້າບ່າວເຈົ້າສາວຄູ່ໃດທີ່ເລືອກຮູບແບບພຣີເຊັນເທຊັ່ນແຕ່ງງານທີ່ຕ້ອງສະແດງເອງ ສຳຄັນວ່າທ່ານທັງສອງຈະຕ້ອງເລືອກສະແດງໃນສະໄຕລທີ່ເປັນຕົວເອງທີ່ສຸດ ເພື່ອຈະເຮັດໃຫ້ບົດພຣີເຊັນເທຊັ່ນອອກມາແບບທຳມະຊາດທີ່ສຸດ ເຮັດໃຫ້ແຂກຮູ້ສຶກປະທັບໃຈເມື່ອເຫັນບົດບາດໃນພຣີເຊັນເທຊັ່ນຂອງທ່ານ

ທັງໝົດນີ້ເປັນພຽງເທັກນິກຂອງການກຽມພຣີເຊັນເທຊັ່ນເບື້ອງຕົ້ນເທົ່ານັ້ນ ຄວາມຈິງແລ້ວມັນຍັງມີລາຍລະອຽດອີກຫຼາຍຢ່າງ ເຊິ່ງທ່ານຕ້ອງໄດ້ສຶກສາໃຫ້ດີ ຕົກລົງຮູບແບບໃຫ້ຊັດເຈນ ເພື່ອຈະເຮັດໃຫ້ບົດພຣີເຊັນເທຊັ່ນງານແຕ່ງງານຂອງທ່ານຈະໄດ້ອອກມາໜ້າປະທັບໃຈທີ່ສຸດ

ບົດຄວາມຫຼ້າສຸດ

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...

ປະກາດ-ແຕ່ງຕັ້ງ ສະຫາຍ ພົນຈັດຕະວາ ແປ້ນຄໍາ ບຸດຈັດແພງ ຮັກສາການແທນເຈົ້າແຂວງ ແຂວງບໍ່ແກ້ວ (ຜູ້ໃໝ່)

ມອບ-ຮັບ ໜ້າທີ່ ລະຫວ່າງ ເລຂາຄະນະບໍລິຫານງານພັກແຂວງ, ເຈົ້າແຂວງ ແຂວງບໍ່ແກ້ວ (ຜູ້ເກົ່າ) ກັບ ຮັກສາການແທນເລຂາຄະນະບໍລິຫານງານພັກແຂວງ, ຮັກສາການເຈົ້າແຂວງ ແຂວງບໍ່ແກ້ວ (ຜູ້ໃໝ່) ປະກາດ ແລະ ມອບ-ຮັບ...