spot_img
Homeປ່ອງຢ້ຽມດວງດາວປະຫວັດ "ໄລກ້າ" ໝາອາວະກາດໂຕທຳອິດຂອງໂລກ ທີ່ຖືກສົ່ງຂື້ນສູ່ອາວະກາດໂຄຈອນຮອບໂລກ

ປະຫວັດ “ໄລກ້າ” ໝາອາວະກາດໂຕທຳອິດຂອງໂລກ ທີ່ຖືກສົ່ງຂື້ນສູ່ອາວະກາດໂຄຈອນຮອບໂລກ

Published on

ຍ້ອນເວລາກັບໄປເມື່ອວັນທີ 3 ພະຈິກ 1957 ໄລກ້າ (Leika ແປວ່າ ເຫົ່າ) ໝາອາວະກາດໂຕທຳອິດຂອງໂລກ ທີ່ຖືກສົ່ງຂຶ້ນສູ່ອາວະກາດເພື່ອເຮັດພາລະກິດໂຄຈອນຮອບໂລກດ້ວຍຍານ ສະປຸດນິດ 2 ຂອງສະຫະພາບໂຊຫວຽດ ຕາມໂຄງການສະປຸດນິດ

ໄລກ້າ ເປັນໝາພັນໄຊບິຣຽນ ຮັສກີ ເພດເມຍ ເບື້ອງຕົ້ນມັນມີຊື່ວ່າ “ດຸດຣາຟກ້າ” ທີ່ແປວ່າ “ຫອຍ” ກ່ອນທີ່ຕໍ່ມາໃນງານຖະແຫຼງຂ່າວກ່ຽວກັບການສົ່ງໝາໄປນອກໂລກ “ດຸດຣາຟກ້າ” ໄດ້ເຫົ່າໃສ່ໄມໂຄໂຟນ ມັນຈິ່ງຖືກປ່ຽນຊື່ມາເປັນ “ໄລກ້າ” ທີ່ແປວ່າ “ເຫົ່າ”

ໃນປະຕິບັດການທົດລອງນຳໝາເດີນທາງສູ່ອາວະກາດຂອງໂຊວຽດນັ້ນ ທຳອິດພວກເຂົາໄດ້ເລືອກໝາຈອນຈັດສານພັນໄຊບິຣຽນ ຮັສກີ ມາ 3 ໂຕ ເຊິ່ງໄລກ້າຄືໜຶ່ງໃນນັ້ນ ໂດຍເຫດຜົນທີ່ເລືອກສາຍພັນນີ້ເພາະພວກເົາຄິດວ່າມັນສາມາດທົນຕໍ່ສະພາບຕ່າງໆໄດ້ດີກວ່າໝາສາຍພັນອື່ນ ຮວມເຖິງຄິດເພື່ອໄປວ່າມັນຈະສາມາດທົນຕໍ່ສະພາບນອກໂລກໄດ້ອີກດ້ວຍ ແລະ ເມື່ອຜ່ານການທົດສອບເບື້ອງຕົ້ນແລ້ວ ໄລກ້າ ກໍ່ໄດ້ຖືກຮັບເລືອກ ເມື່ອຜ່ານການຝຶກຝົນສຳເລັດຮຽບຮ້ອຍ ນັກດາລາສາດຄົນໜຶ່ງເກີດຄວາມຮູ້ສຶກສົງສານໄລກ້າ ທີ່ເວລາຂອງມັນຢູ່ໂລກນີ້ເຫຼືອໜ້ອຍລົງ ເຂົາຈິ່ງນຳມັນກັບເມືອເຮືອນເພື່ອໄປຫຼິ້ນກັບລູກໆຂອງເຂົາ ກ່ອນທີ່ມັນຈະເດີນທາງສູ່ອາວະກາດ.

ເມື່ອເຖິງເວລາທີ່ຈະປ່ອຍຍານ ສະປຸດນິດ 2 ອອກສູ່ນອກໂລກພາຍໃນຍານນັ້ນ ໄລກ້າໄດ້ຢູ່ໃນກະສວາຍນ້ອຍໆ ແລະ ຖືກລ່າມໂຊ້ໄວ້ ໂດຍມີເຈລລີອາຫານໝາໄວ້ໃຫ້ກິນ ໂຊກຮ້າຍທີ່ໄລຍະເລີ່ມຕົ້ນຂອງປະຕິບັດການມີຄວາມຜິດພາດເກີດຂຶ້ນ ກະສວາຍເກີດບັນຫາ ແລະ ມີອາກາດໜາວຫຼາຍ ເຮັດໃຫ້ໄລກ້າຕ້ອງທົນຢູ່ໃນສະພາບນັ້ນເຖິງ 3 ມື້ ກ່ອນຈະພຸ່ງອອກນອກໂລກໃນວັນທີ 3 ພະຈິກ 1957

ຢ່າງໃດກໍ່ຕາມ ຍານສະປຸດນິດ 2 ບໍ່ໄດ້ອອກແບບໃຫ້ກັບສູ່ໂລກຢ່າງສົມບູນ ເລື່ອງລາວຊີວິດຂອງ ໄລກ້າ ຈິ່ງຈົບລົງດ້ວຍຄວາມໂສກເສົ້າ ທີ່ເຮົາບໍ່ອາດຮູ້ສາເຫດທີ່ຊັດເຈນ ຜູ້ຊຽວຊານສ່ວນຫຼາຍປະເມີນວ່າ ໄລກ້າມີຊີວິດຢູ່ໄດ້ ລະ ຫວ່າງ 4-10 ມື້ ໃນວົງໂຄຈອນບາງຄົນກໍ່ບອກວ່າ ອາຫານມື້ທ້າຍຂອງໄລກ້າມີພາວະເປັນພິດ ບາງສ່ວນກໍ່ອ້າງວ່າ ໄລກ້າຂາດອົກຊີເຈນເມື່ອແບັດເຕີລີຂອງລະບົບເກືອຊີວິດໝົດ, ​ຍານສະປິດນິກ 2 ຢູ່ໃນວົງໂຄຈອນດົນເຖິງ 163 ມື້ ໂຄຈອນຮອບໃນເວລາ 1 ຊົ່ວໂມງ 42 ນາທີ/ຮອບ ລວມທັງໝົດ 2,370 ຮອບ ແລະ ໃນທີ່ສຸດໂລງສົບຂອງ ໄລກ້າກໍ່ຕົກລົງສູ່ໂລກ ແລະ ໄໝ້ສະລາຍໝົດໄປໃນອາກາດເມື່ອວັນທີ 14 ເມສາ 1958 ຫຼັງຈາກນັ້ນ 40 ປີຕໍ່ມາ ໄດ້ມີ ການສ້າງ ອານຸສາວະລີຂອງສຸສານອາວະກາດຂຶ້ນທີ່ນອກເມືອງຫຼວງ ມອສກູ ໂດຍມີຮູບປັ້ນໄລກ້າທີ່ໃສ່ຊຸດນັກບິນອາວະກາດຕັ້ງຢູ່ທີ່ນັ້ນ

 

 

ບົດຄວາມຫຼ້າສຸດ

ປັບສູງສຸດ 2,000 ໂດລາ ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ

ສິງກະໂປເຂັ້ມງວດ ຈັດຢາສູບໄຟຟ້າ ຢູ່ໃນໝວດຢາເສບຕິດ ພ້ອມທັງຕັ້ງຄ່າປັບໄໝສູງສຸດ 2,000 ໂດລາ ຫຼື ປະມານ 45 ລ້ານກີບ ສຳນັກຂ່າວຕ່າງປະເທດລາຍງານໃນວັນທີ 18 ສິງຫາ 2025 ຜ່ານມາ,...

ປະຫວັດ “ບຸນຫໍ່ເຂົ້າປະດັບດິນ” ປະເພນີລາວທີ່ສືບທອດມາແຕ່ບູຮານນະການ

ວັນບຸນຫໍ່ເຂົ້າປະດັບດິນ ບຸນປະເພນີທີ່ບູຮານໄດ້ພາກັນປະຕິບັດກັນມາ ເພື່ອເປັນການອຸທິດບຸນກຸສົນ ໃຫ້ກັບຍາດຕິພີ່ນ້ອງ ຜູ້ທີ່ລ່ວງລັບໄປແລ້ວ ລວມທັງສັມພະເວສີ ຜີທີ່ບໍ່ມີຍາດ. ຄວາມ​ໝາຍ​ຄວາມ​ສໍາຄັນ​ຂອງ​ບຸນ​ຫໍ່​ເຂົ້າປະດັບດິນ: ຫໍ່​ເຂົ້າປະດັບດິນ ໝາຍ​ເຖິງ ການ​ນໍາ​ເອົາ​ອາຫານ​ຫວານ​ຄາວ ຊີ້ນ​ແຫ້ງ​ປາ​ຕາຍ, ເຂົ້າຕົ້ມເຂົ້າໜົມ, ໝາກ​ໄມ້​ນານາ​ຊະນິດ ແລະ...

ເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ

ເປີດເງື່ອນໄຂ-ການປະຕິບັດນະໂຍບາຍ ຕໍ່ຄູອາສາສະໝັກ ທີ່ຈະເຂົ້າເປັນລັດຖະກອນປ້ອງກັນຊາດ ໃນລະຫວ່າງວັນທີ 15-19 ສິງຫາ 2025 ນີ້, ຄະນະຮັບຜິດຊອບການບັນຈຸຄູອາສາສະໝັກເຂົ້າເປັນກຳລັງປ້ອງກັນຊາດ ນຳໂດຍ ທ່ານ ນາງ ຄຳພັດ ໄຊຍະລິນຄຳ ຮອງຫົວໜ້າກົມສ້າງຄູ...

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025

ກອງປະຊຸມຄະນະກຳມະການນະໂຍບາຍເງິນຕາ ຂອງສະພາບໍລິຫານທະນາຄານແຫ່ງ ສປປ ລາວ ຄັ້ງທີ III ປະຈຳປີ 2025 ໃນອາທິດຜ່ານມາ, ທະນາຄານແຫ່ງ ສປປ ລາວ (ທຫລ) ໄດ້ຈັດກອງປະຊຸມຄະນະກຳມະການນະໂຍບາຍເງິນຕາ ຄັ້ງທີ...