ຄວາມເຖົ້າແກ່ຊະລາ ບໍ່ມີໃຜຕ້ອງການ ແຕ່ກໍ່ເປັນສິ່ງທີ່ຫຼີກລ່ຽງບໍ່ໄດ້ທຸກຄົນໃນໂລກນີ້ຕ່າງຕ້ອງໄດ້ພົບ ໂດຍສະເພາະແມ່ບັນດາແມ່ຍິງເຊ່ງຈະມີຄວາມກັງວົນກ່ຽວກັບເລື່ອງນີ້ລາຍກວ່າຜູ້ຊາຍ ສຳລັບຄໍລຳຄວາມງາມມື້ນີ້ ແອັດເລີຍມີ ອາຫານ 6 ປະເພດທີ່ສາມາດທຳລາຍຄວາມເຕັ່ງຕິງຂອງຜິວໜັງໄດ້ ເພາະຖ້າກິນໃນປະລິມານຫຼາຍ ແລະ ກິນເປັນປະຈຳຮັບຮອງວ່າ ສາວຄົນນັ້ນຈະເຖົ້າກ່ອນໄວແນ່ອນ ເຊິ່ງອາຫານທີ່ວ່ານີ້ມີດັ່ງນີ້:
- ເຄື່ອງດື່ມແອລກໍຮໍ ເພາະແອລກໍຮໍສາມາດປ່ຽນເປັນໄຂມັນໄດ້ ແລະ ຫຼຸດການດູດຊຶມແຄລຊ້ຽມ ວິຕະມິນບີ ແລະ ວິຕາມິນຊີ ເຊິ່ງທັງສອງວິຕາມິນ ຊ່ວຍໃນການຕ້ານອະນຸມູນອິດສະຫຼະຂອງຮ່າງກາຍ ຖ້າຫາກໃຜດື່ມແອລກໍຮໍຫຼາຍກໍ່ຍິ່ງເຖົ້າໄວຂຶ້ນ
- ເຄືອງດື່ມທີ່ມີຄາເຟອິນ ໄດ້ແກ່: ຊາ, ກາເຟ, ນ້ຳອັດລົມ ເນື່ອງຈາກຫຼຸດການດູດຊຶມຂອງວິຕາມິນບີ ແລະ ແຄລຊ້ຽມ ເຊິ່ງເປັນສານຕ້ານອະນຸມູນອິດສະຫຼະຄືກັນກັບກໍລະນີທີ່ດື່ມແອລກໍຮໍ
- ອາຫານທີ່ມີໄຂມັນສູງ ໂດຍສະເພາະໄຂມັນອີ່ມຕົວ ເຊັ່ນ: ອາຫານປະເພດຈີນ, ຂົ້ວມັນໆ ເພາະອາຫານດັ່ງກ່າວຈະໄປເພີ່ມອະນຸມູນອິດສະຫຼະໃນຮ່າງກາຍເຮັດໃຫ້ເຖົ້າໄວຂຶ້ນ
- ອາຫານຈີນຈາກນ້ຳມັນເກົ່າ ນ້ຳມັນທີ່ຜ່ານການຈີນຊ້ຳໆ ຈະເຮັດໃຫ້ເກີດການປ່ຽນແປງທາງເຄມີເຮັດໃຫ້ເກີດອະນຸມູນອິດສະຫຼະ ແລະ ສານກໍ່ເຄມີໃນຮ່າງກາຍ ເປັນທັງອັນຕະລາຍ ແລະ ເຮັດໃຫ້ເຖົ້າໄວ
- ອາຫານປິ້ງແກມໄໝ້ ເປັນອາຫານທີ່ມີສານກໍ່ມະເຮັງ ຊື່ ເຍນໄຊໂພຣິນ ສົ່ງຜົນເສຍຕໍ່ຮ່າງກາຍ ແລະ ເຮັດໃຫ້ເຖົ້າໄວ
- ອາຫານດອງ ແລະ ອາຫານທີ່ປົນເປື້ອນສານ ເປັນອາຫານທີ່ມີສານຕະກົ່ວ ແລະ ເຊື້ອແບດທີເຣຍໃນອາຫານ ເຊິ່ງເປັນບໍ່ເກີດຂອງສານອະນຸມູນອິດສະຫຼະ ແລະ ເຮັດໃຫ້ສຸຂະພາບສຸດໂຊມໄດ້ ແຖມຍັງເຖົ້າໄວອີກຕ່າງຫາກ
ເວົ້າມາແລ້ວອາຫານທີ່ກ່າວມາຂ້າງເທິງນີ້ເປັນອາຫານຍອດນິຍົມຂອງຄົນທັງນັ້ນ ແຕ່ຖ້າຈະໃຫ້ເລີກກິນເລີຍນິມັນກໍ່ຄົງຍາກ ແອັດມິນເອງກໍ່ເຮັດໄດ້ຍາກ ແຕ່ເອົາເປັນວ່າເພື່ອສຸຂະພາບ ແລະ ຄວາມງາມ ເຮົາກໍ່ຫຼຸດຜ່ອນປະລິມານການຮັບປະທານອາຫານ ແລະ ເຄື່ອງດື່ມຈຳພວກນີ້ລົງກໍ່ແລ້ວກັນ “ກິນໜ້ອຍໆພໍໃຫ້ຫາຍຫິວ”!