ສຳນັກຂ່າວຕ່າງປະເທດລາຍງານ ເມື່ອວັນທີ 12 ກຸມພາ 2017 ຜ່ານມາວ່າ ເກົາຫຼີເໜືອໄດ້ປົດປ່ອຍຂີປະນາວຸດ ເມື່ອເວລາ 07:55 ໂມງ ຕາມເວລາທ້ອງຖິ່ນ ຈາກຖານທັບອາກາດ Banghyon ທີ່ຕັ້ງຢູ່ທາງພາກຕາເວັນຕົກສ່ຽງເໜືອຂອງນະຄອນປຽງຢາງ ເຊິ່ງຂີປະນາວຸດທີ່ໄດ້ທົດສອບລູກດັ່ງກ່າວ ໄປຕົກລົງໃນນ່ານນໍ້າປະເທດຍີ່ປຸ່ນ
ເຈົ້າໜ້າທີ່ເກົາຫຼີໃຕ້ ລາຍງານຈາກການວິເຄາະ ແລະຕິດຕາມຮ່ວມມືກັບສະຫະລັດອາເມລິກາ ຂີປະນາວຸດລກຫຼ້າສຸດ ທີ່ເກົາຫຼີເໜືອ ໄດ້ທົດລອງນີ້ ສາມາດເດີນທາງໄປໄດ້ໄກຈາກຈຸດປ່ອຍປະມານ 500 ກິໂລແມັດ ແນວໃດກໍຕາມຂະນະນີ້ຍັງບໍ່າມາດບອກໄດ້ວ່າຂີປະນາວຸດລູກດັ່ງກ່າວເປັນປະເພດໃດ
ການທົດສອບຂີປະນາວຸດຄັ້ງຫຼ້າສຸດນີ້ ຖືເປັນຄັ້ງທຳອິດຫຼັງຈາກ ໂດນັລ ທຣັມ ຂຶ້ນດຳລົງຕຳແໜ່ງປະທານາທິບໍດີຢ່າງເປັນທາງການ ເຊິ່ງທາງເກົາຫຼີໃຕ້ໄດ້ບອກວ່າ ການທົດສອບຄັ້ງຫຼ້າສຸດນີ້ ເປັນຄວາມພະຍາຍາມໃນການສະແດງແສນຍານຸພາບຂອງປະເທດ ຫຼັງຈາກປີຜ່ານມາ ເກົາຫຼີເໜືອ ຫາກໍທົດສອບອາວຸດນິວເຄຣຍ ແລະຂີປະນາວຸດຫຼາຍຄັ້ງ ເຊິ່ງຄວາມພະຍາມຢ່າງຕໍ່ເນື່ອງນັ້ນ ໄດ້ສ້າງຄວາມກັງວົນໃຫ້ແກ່ຫຼາຍໆປະເທດ