ສຳນັກຂ່າວຕ່າງປະເທດລາຍງານເມື່ອວັນທີ 6 ກຸມພາ 2017 ນີ້ວ່າ ກາຕາ ແອເວ ກຽມທຸບສະຖິຕິໃໝ່ ສ້າງຖ້ຽວບິນທີ່ຍາວທີ່ສຸດໃນໂລກ ພາຍໃນອາທິດນີ້ ດ້ວຍເປົ້າໝາຍການເດີນທາງຈາກນະຄອນໂດຮາ ເມືອງຫຼວງຂອງກາຕາ ໄປຫາເມືອງອອກແລນ ຢູ່ນິວຊີແລນ ເຊິ່ງບໍ່ໄດ້ຢຸດແວ່ພັກ. ຖ້ຽວບິນດັ່ງກ່າວ ຄືຖ້ຽວບິນ 920 ຄວບຄຸມໄລຍະທາງທັງໝົດຫຼາຍຮອດ 9,032 ໄມ ຫຼືປະມານ 14,535 ກິໂລແມັດ.
ເຄື່ອງບິນລຳດັ່ງກ່າວ ເລີ່ມອອກເດີນທາງ ໃນຕອນເຊົ້າຂອງວັນທີ 5 ກຸມພາ 2017 ເວລາ 05:10 ໂມງ ຕາມເວລາທ້ອງຖິ່ນ ເຊິ່ງຈະບິນຜ່ານນະຄອນດູໄບ, ພື້ນທີ່ທາງພາກເໜືອຂອງໂອມານ ໄປຈົນຮອດທາງພາກໃຕ້ຂອງອິນເດຍ ແລະສີລັງກາ ຂ້າມມະຫາສະໝຸດອິນເດຍ ໄປຫາເວຍເທິນອອສເຕຣເລຍ ແລະຮອດຈຸດໝາຍປາຍທາງອອກແລນ ຢູ່ນິວຊີແລນ ຕາມເວລາທີ່ກຳນົດໄວ້ຄື 07:30 ໂມງ ຕາມເວລາທ້ອງຖິ່ນຂອງວັນຈັນ