ສຳນັກຂ່າວໄຊນ່າ ນິວສ ຂອງຈີນລາຍງານ ເມື່ອວັນທີ 2 ກຸມພາ 2017 ຜ່ານມາວ່າ ເວລາປະມານ 08:00 ໂມງ ຕາມເວລາທ້ອງຖິ່ນຢູ່ຈີນ ເກີດເຫດອາຄານບ່ອນພັກອາໄສສູງ 5 ຊັ້ນ ຈຳນວນ 3 ຫຼັງຢູ່ຊຸມຊົນໄປ່ຈ້າງຈີ ເມືອງເວິນເຈິງ ທາງພາກຕາເວັນອອກຂອງຈີນ ໄດ້ຖະຫຼົ່ມລົງມາ ເຊິ່ງທາງການໄດ້ສົ່ງກຳລັງເຈົ້າໜ້າທີ່ກູ້ໄພ ເຂົ້າໄປຊ່ວຍເຫຼືອຢ່າງເລັ່ງດ່ວນ ເຊິ່ງຕໍ່ມາເຈົ້າໜ້າທີ່ສາມາດຊ່ວຍຊີວິດຜູ້ປະສົບເຫດອອກມາໄດ້ປອດໄພ 5 ຄົນ ແລະມີຜູ້ເສຍຊີວິດແລ້ວ 5 ຄົນ
ສື່ທ້ອງຖິ່ນເມືອງເວິນໂຈວລາຍງານຕື່ມວ່າ ມີການສົ່ງເຈົ້າໜ້າທີ່ເຂົ້າໄປຊ່ວຍເຫຼືອໃນເຫດການຄັ້ງນີ້ແລ້ວ ຢ່າງໜ້ອຍ 400 ຄົນ ລວມເຖິງລົດໂຮງໝໍອີກ 6 ຄັນ ແລະເຈົ້າໜ້າທີ່ທາງການແພດ 13 ຄົນ ທີ່ເຂົ້າໄປໃນທີ່ເກີດເຫດ
ນອກຈາກນີ້ ຍັງການຈັດເຄື່ອງມືໜັກ ເພື່ອຂຸດເຈາະ ແລະເຄື່ອນຍ້າຍຊາກຫັກພັງຂະໜາດໃຫຍ່ນັ້ນ ເພື່ອຊ່ວຍເຫລືອຜູ້ທີ່ຕິດຢູ່ກ້ອງຊາກອາຄານ