spot_img
Homeຂ່າວຕ່າງປະເທດລັດແຄລິຟໍເນຍ ເລັ່ງຮວບຮວມລາຍຊື່ຂໍແຍກຕົວອອກຈາກສະຫະລັດອາເມລິກາ ເພື່ອກໍ່ຕັ້ງເປັນປະເທດ

ລັດແຄລິຟໍເນຍ ເລັ່ງຮວບຮວມລາຍຊື່ຂໍແຍກຕົວອອກຈາກສະຫະລັດອາເມລິກາ ເພື່ອກໍ່ຕັ້ງເປັນປະເທດ

Published on

ເມື່ອວັນທີ 2 ກຸມພາ 2017 ສະຖານີ pptvthailand ຊ່ອງ 36 ແລະ ເວັບໄຊ ໄທລັດ ໄດ້ລາຍງານຂ່າວ ຄວາມແຕກແຍກພາຍໃນປະເທດຂອງສະຫະລັດອາເມລິກາ ປະຊາຊົນໃນລັດແຄລິຟໍເນຍ ກຳລັງຮວບຮວມລາຍຊື່ຂໍແຍກຕົວອອກຈາກສະຫະລັດອາເມລິກາ ແລະ ສະຖາປະນາລັດແຄລິຟໍເນຍຂຶ້ນເປັນປະເທດ ເພາະຂະບວນການທາງກົດໝາຍຂັ້ນຕົ້ນໄດ້ເລີ່ມຕົ້ນຂຶ້ນແລ້ວ ຫຼັງຈາກທີ່ທ່ານ ເລັກຊ໌ ພາດິລຢ່າ ສະມາຊິກສະພາທ້ອງຖິ່ນລັດ ແຄລິຟໍເນຍ ອະນຸຍາດໃຫ້ມີການຮວບຮວມລາຍຊື່ຢ່າງເປັນທາງການແລ້ວ ແລະ ຖ້າສາມາດລວມລາຍຊື່ໄດ້ປະມານ 6 ແສນລາຍຊື່ກໍ່ສາມາດເປີດໃຫ້ມີການລົງປະຊາມັດຕິໄດ້ ເຊິ່ງກຳນົດໄວ້ໃນເດືອນ ພະຈິກ 2018

ລັດແຄລິຟໍເນຍ ເປັນລັດທີ່ມີເຊື້ອຊາດຫຼາກຫຼາຍທີ່ສຸດ ໂດຍສະເພາະຄົນເຊື້ອສາຍ ຮິສແປນິກ, ເອເຊຍ, ຜິວດຳ, ລາຕິນອາເມລິກາ ແລະ ແມັກຊິໂກ ທີ່ ໂດນັລ ທຣັມ ປະທານາທິບໍດີສະຫະລັດອາເມລິກາ ປະກາດຈະສ້າງກຳແພງກີດ ກັນລະຫວ່າງປະເທດສະຫະລັດອາເມລິກາ ກັບ ແມັກຊິໂກ ເພື່ອປ້ອງກັນແຮງງານທີ່ທຸກຍາກເຂົ້າມາເຮັດວຽກໃນສະຫະລັດ

ລັດແຄລິຟໍເນຍ ບໍ່ພຽງແຕ່ມີພື້ນທີ່ທີ່ໃຫຍ່ທີ່ສຸດໃນສະຫະລັດອາເມລິກາເທົ່ານັ້ນ ແຕ່ມີພື່ນຖານເສດຖະກິດທີ່ໃຫຍ່ເປັນອັນດັບ 1 ໃນສະຫະລັດອາເມລິກາ ເພາະທຸກມື້ນີ້ ລັດແຄລິຟໍເນຍເປັນທີ່ຕັ້ງຂອງບໍລິສັດຍັກໃຫຍ່ທີ່ມີລາຍຮັບຫຼາຍທີ່ສຸດໃນໂລກເຖິງ 20 ແຫ່ງ, ດ້ານຄວາມບັນເທີງ ລັດແຄລິຟໍເນຍ ຍັງເປັນແຫຼ່ງກຳເນີດ ແລະ ທີ່ຕັ້ງຂອງເມືອງ ມາຍາ ຢ່າງ ຮໍລິວູດ ທີ່ຜະລິດຮູບເງົາ ແລະ ເພງອອກທົ່ວໂລກ. ຄວາມຈິງແລ້ວ ລັດແຄລິຟໍເນຍ ສາມາດເປັນປະເທດໄດ້ບໍ່ຍາກ ເພາະຈາກຂໍ້ມູນຂອງທະນາຄານໂລກ ແລະ “ໄອເອັມເອຟ” ລະບຸວ່າ ເສດຖະກິດຂອງແຄລິຟໍເນຍ ໃຫຍ່ເປັນອັນດັບ 11 ຂອງໂລກ.

ສົມມຸດວ່າ ຜົນປະຊາມັດຕິອອກມາໃຫ້ແຍກຕົວອອກຈາກສະຫະລັດ ກໍ່ຈະເຂົ້າຂັ້ນຕອນການພິຈາລະນາແກ້ໄຂລັດ ຖະທຳມະນູນ ເຊິ່ງໃນຂັ້ນຕອນນີ້ ຖ້າສະມາຊິກສະພາ ກັບ ສະມາຊິກວຸດທິສະພາ ລົງຄະແນນເຫັນດີເກີນ 2 ໃນ 3 ກໍ່ໝາຍຄວາມວ່າ ອານາຄົດເຮົາອາດຈະໄດ້ເຫັນປະເທດໃໝ່ທີ່ມີຊື່ວ່າ ແຄລິຟໍເນຍ 
ແຫລ່ງຂ່າວຈາກ: https://www.pptvthailand.com/news/%E0%B8%9B%E0%B8%A3%E0%B8%B0%E0%B9%80%E0%B8%94%E0%B9%87%E0%B8%99%E0%B8%A3%E0%B9%89%E0%B8%AD%E0%B8%99/45628
ແລະ http://www.thairath.co.th/content/782611

ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

ເສຍຊີວິດຢ່າງນ້ອຍ 4 ຄົນ ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ

ເກີດເຫດກວດຍິງຢູ່ບາແຫ່ງໜຶ່ງ ໃນລັດເຊົາແຄໂລໄລນາ ສະຫະລັດອາເມລິກາ ສຳນັກຂ່າວຕ່າງປະເທດລາຍງານໃນຊ່ວງຕອນເຊົ້າຂອງວັນອາທິດ 12 ຕຸລາ 2025 ເກີດເຫດເຫດການກວດຍິງ ພາຍໃນ ບາແຫ່ງໜຶ່ງ ເຊິ່ງເປັນບາທີ່ໄດ້ຮັບຄວາມນິຍົມຢູ່ໃນລັດເຊົາແຄໂລໄລນາ ສະຫະລັດອາເມລິກາ ເຊິ່ງເຫດການດັ່ງກ່າວເຮັດໃຫ້ມີຄົນເສຍຊີວິດຢ່າງນ້ອຍ 4 ຄົນ...

ເລີ່ມ! ວັນທີ 1 ພະຈິກ 2025 ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100%

ລາຍງານຈາກສຳນັກຂ່າວຕ່າງປະເທດ ໃນວັນທີ 10/10/2025 ທີ່ຜ່ານມາ ທ່ານ ໂດນັລ ທຣຳ ປະທານນາທິບໍດີ ສະຫະລັດອາເມລິກາ ໄດ້ອອກຄໍາສັ່ງ ຈະຮຽກເກັບພາສີນຳເຂົ້າສິນຄ້າຈາກຈີນ ເພີ່ມອີກ 100% ຈາກທີ່ປັດຈຸບັນສະຫະລັດເກັບພາສີສິນຄ້າຈີນຢູ່ທີ່...

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...