spot_img
Homeເກມບົດຄວາມເກມ: ມື້ນີ້ໃນອະດີດ ວັນທີ 1 ກຸມພາ ຫຼືມື້ວາງຈຳໜ່າຍເກມ Ehrgeiz: God Bless the Ring

ບົດຄວາມເກມ: ມື້ນີ້ໃນອະດີດ ວັນທີ 1 ກຸມພາ ຫຼືມື້ວາງຈຳໜ່າຍເກມ Ehrgeiz: God Bless the Ring

Published on

ວັນທີ 1 ກຸມພາ ປີ 2000 ຫຼືມື້ນີ້ເມື່ອ 17 ປີກ່ອນ ເຊິ່ງເປັນມື້ວາງຈຳໜ່າຍຂອງເກມ Ehrgeiz: God Bless the Ring ຫຼືທີ່ເກມເມີ້ໃນສະໄໝນັ້ນເອີ້ນກັນສັ້ນໆວ່າ: Ehrgeiz ເທິງເຄື່ອງ PlayStation (PS1) ທີ່ສະຫະລາຊະອານາຈັກ (ຄຳວ່າ Ehrgeiz ເປັນພາສາເຢຍຣະມັນ ອ່ານວ່າ ແອຣ໌ໄກ ມີຄວາມໝາຍວ່າ ຈຸດມຸ່ງໝາຍ ຫຼືຄວາມທະເຍີທະຍານ)

ສຳລັບ Ehrgeiz ເປັນເກມແນວໄຟຕິ້ງແບບ 3D ທີ່ພັດທະນາໂດຍທີມ DreamFactory ເຊິ່ງເຄີຍພັດທະນາເກມ Tobal No.1 ແລະ Tobal 2 ໃຫ້ກັບ Squaresoft (ຫຼື Square Enix ໃນປັດຈຸບັນ) ມາກ່ອນ. 

ແຕ່ວ່າ Ehrgeiz ຈະແຕກຕ່າງຈາກເກມໄຟຕິ້ງແບບ 3D ທົ່ວໄປ ເນື່ອງຈາກໃຊ້ຄອນເຊັບຂອງເກມແນວມວຍປ້ຳເປັນຫຼັກ ແລະທາງ DreamFactory ເອງກໍໄດ້ນຳແນວທາງການພັດທະນາຂອງຊີຣີ Tobal ມາປັບໃຊ້ໃນເກມ Ehrgeiz ນຳ ນັ້ນກໍຄືການບັງຄັບແບບທີ່ໂຕລະຄອນສາມາດແລ່ນໄປມາໂດຍອ້ອມໄດ້ແບບ 360° ດັ່ງນັ້ນໂຕລະຄອນທັງສອງຝ່າຍຈຶ່ງບໍ່ຈຳເປັນທີ່ຈະຕ້ອງຢູ່ໃນສະຖານະທີ່ຫັນເຂົ້າໜ້າຫາກັນອີກຕໍ່ໄປ ພ້ອມທັງເປີດໂອກາດໃຫ້ຜູ້ຫຼິ້ນໄດ້ເລືອກໃຊ້ພື້ນທີ່ຕ່າງລະດັບ ລວມເຖິງໄອເທັມແລະອາວຸດທີ່ວາງຢູ່ໃນສາກໃຫ້ເປັນປະໂຫຍດໃນການຕໍ່ສູ້ອີກນຳ. 

ສຳລັບເວີຊັ່ນທີ່ລົງໃຫ້ກັບເຄື່ອງ PS1 ໂຕເກມໄດ້ມີເພີ່ມ Quest Mode ທີ່ຕ້ອງເຂົ້າໄປລຸຍຕາມດັນຈ້ຽນຕ່າງໆຄ້າຍເກມ RPG ຕະຫຼອດຈົນມີໂຕລະຄອນ Final Fantasy VII ມາໃຫ້ເລືອກໃຊ້ນຳ ເຊິ່ງເປັນປະກົດການທີ່ບໍ່ດຸຫຼາຍທີ່ຈະເຫັນໂຕລະຄອນຈາກເກມແນວ RPG ໂດດຂ້າມມາໃຫ້ຫຼິ້ນໃນເກມແນວປະເພດນີ້.

Fact ເລັກນ້ອຍກ່ຽວກັບເກມ Ehrgeiz: God Bless the Ring

  • ໂຕລະຄອນຈາກຝັ່ງເກມ Final Fantasy VII ທີ່ປະກົດໃນເກມ Ehrgeiz ຈະມີຢູ່ທັງໝົດ 6 ໂຕໄດ້ແກ່: Cloud, Tifa, Sephiroth, Vincent, Yuffie ແລະ Zack. ໂດຍ Cloud, Tifa ແລະ Sephiroth ຈະເປັນໂຕລະຄອນທີ່ໃຊ້ໄດ້ຕັ້ງແຕ່ຕົ້ນ ສ່ວນ Vincent, Yuffie ແລະ Zack ນັ້ນຕ້ອງຫຼິ້ນຕາມເງື່ອນໄຂໃນເກມເພື່ອປົດລ໋ອກອອກມາກ່ອນ. 

  • Ehrgeiz ເປັນຜົນງານທີ່ຢູ່ພາຍໃຕ້ການຄວບຄຸມເບິ່ງແຍງຂອງທ່ານ Seiichi Ishii ຜູ້ທີ່ເຄີຍຝາກຜົນງານອອກແບບເກມ Virtua Fighter ແລະ Tekken ມາກ່ອນ. 
  • ເກມ Ehrgeiz ເຄີຍລົງໃຫ້ກັບເຄື່ອງຕູ້ອາເຂດແບບຢອດຫຼຽນມາກ່ອນໃນປີ 1998 ເຊິ່ງຕອນນັ້ນເປັນການພັດທະນາຮ່ວມກັນລະຫວ່າງຄ່າຍ Squaresoft (Square Enix ໃນປັດຈຸບັນ) ແລະ Namco

  • ຫຼັງຈາກທີ່ໂຕເກມໄດ້ລົງໃຫ້ກັບເຄື່ອງ PlayStation (PS1) ໃນສະຫະລັດອາເມຣິກາແລ້ວ ທາງ Squaresoft ກໍໄດ້ຈັດການແຂ່ງຂັນເກມນີ້ພາຍໃຕ້ຊື່ວ່າ:  Ehrgeiz Championship Tour ເຊິ່ງເປັນການປະລອງຝີມືເພື່ອຊິງລາງວັນ ໂດຍທົວນາເມັ້ນດັ່ງກ່າວໄດ້ເລີ່ມຂຶ້ນເມື່ອວັນທີ 10 ກໍລະກົດ 1999 ທີ່ກຸງນິວຢອຣ໌ກ

  • Ehrgeiz ສາມາດເຮັດຍອດຂາຍສະເພາະຍີ່ປຸ່ນໄປໄດ້ 340,937 ຊຸດ (ນັບຮອດເດືອນທັນວາ 2004)

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: online station

ບົດຄວາມຫຼ້າສຸດ

ເຮືອໂດຍສານຫຼົ້ມ ທີ່ປະເທດໄນຈີເຣຍ ເສຍຊີວິດ 60 ຄົນ ເຊິ່ງມີການບັນຈຸຜູ້ໂດຍສານຫຼາຍກວ່າ 100 ຄົນ

ເສຍຊີວິດ 60 ຄົນ ເຫດການເຮືອໂດນສານຫຼົ້ມທີ່ປະເທດໄນຈີເຣຍ ຜູ້ເສຍຊີວິດສ່ວນຫຼາຍແມ່ນຜູ້ຍິງ ແລະ ເດັກນ້ອຍ. ໃນວັນທີ 02 ກັນຍາ 2025 ທີ່ຜ່ານມາ, ເກີດເຫດເຮືອໂດຍສານຫຼົ້ມ ປະເທດໄນຈີເຣຍ, ເນື່ອງຈາກເຮືອໄດ້ຕໍາກັບຕໍໄມ້ທີ່ຢູ່ໃນນ້ໍ້າ...

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...