ໃຜທີ່ມີບັນຫາເລື່ອງຂີ້ໄຄ ຕາມບໍລິເວນຜິວໜັງຕ່າງໆໃນຮ່າງກາຍທີ່ເກາະຕາມຜິວໜັງ ເຊິ່ງຂັດຜິວແນວໃດກໍບໍ່ອອກ, ມື້ນີ້ ລາວໂພສຕ໌ ມີວິທີດີໆ ໃນການກຳຈັດຂີ້ໄຄທີ່ຝັງເລິກໃນຜິວ ໃຫ້ອອກຈາກຮ່າງກາຍເຮົາ
- ຂັດຜິວດ້ວຍຫີນຂັດຕົວ ຫຼືຫີນຊາ: ໃນຂະນະທີ່ອາບນໍ້າຕົນຕົວຈະປຽກ ຂີ້ໄຄກໍຈະຫຼຸດອອກມາງ່າຍດາຍ ແຕ່ຕ້ອງລະວັງ ຢ່າຂັດແຮງຫຼາຍເກີນໄປ ເພາະຈະເຮັດໃຫ້ຜິວເກີດເປັນບາດແຜ ຫຼືເກີດການລະຄາຍເຄືອງໄດ້
- ຂັດຜິວດ້ວຍນໍ້າມັນໝາກກອກ: ໂດຍໃຊ້ນໍ້າມັນໝາກກອກ 4 ບ່ວງ ຫຼືຖ້າບໍ່ມີສາມາດໃຊ້ເບບີ້ອອຍແທນໄດ້ ປະສົມກັບເກືອປົ່ນ 2 ບ່ວງຊາ ແລ້ວເອົາໄປຂັດຜິວເບົາໆ ຈາກນັ້ນລ້າງອອກດ້ວຍນໍ້າສະອາດ
- ນໍ້າໝາກຂາມປຽກມາຂັດຜິວ: ເອົາໝາກຂາມປຽກປະສົມກັບນໍ້າອຸ່ນເລັດໜ້ອຍ ແລ້ວຄັ້ນເອົາແຕ່ນໍ້າ ມາຂັດຖູໃຫ້ທົ່ວຮ່າງກາຍ ປະໄວ້ຈັກ 5 ຫຼື 10 ນາທີແລ້ວລ້າງອອກ ຫຼືອາດໃຊ້ຄີມໝາກຂາມແບບສຳເລັດຮູບ ທີ່ຂາຍທົ່ວໄປແທນໄດ້ ເຊິ່ງໄດ້ຜົນດີຄືກັນ, ການໃຊ້ໝາກຂາມຂັດຜິວ ນອກຈາກຈະຂັດເຊວຜິວ, ກຳຈັດຂີ້ໄຄໄດ້ດີແລ້ວ ຍັງເຮັດໃຫ້ຜິວໃສຂຶ້ນອີກດ້ວຍ
ເມື່ອເຮົາປະຕິບັດການກຳຈັດຂີ້ໄຄຮຽບຮ້ອຍແລ້ວ ກໍຢ່າລືມທານໍ້າມັນທາຜິວ ເພື່ອບຳລຸງຜິວໃຫ້ຊຸ່ມຊື່ນ, ຫຼຸດການລະຄາຍເຄືອງ, ພຽງເທົ່ານີ້ຂີ້ໄຄ ກໍຈະບໍ່ມາລົບກວນອີກຕໍ່ໄປ
ຕິດຕາມນານາສາລະ ກົດໄລຄ໌ເລີຍ!