spot_img
Homeຊີວິດແລະຄວາມຮັກ9 ນິໄສທີ່ຄວນປ່ຽນ ຖ້າບໍ່ຢາກເລີກກັບແຟນ

9 ນິໄສທີ່ຄວນປ່ຽນ ຖ້າບໍ່ຢາກເລີກກັບແຟນ

Published on

ຄົນເຮົາຮັກກັນ ຕ້ອງໃຫ້ກຽດກັນ, ເຊື່ອໃຈກັນ, ບໍ່ນອກໃຈກັນ ແລະຈິງໃຈຕໍ່ກັນເປັນສິ່ງສຳຄັນ ແລະທີ່ສຳຄັນຖ້າເຈົ້າມີນິໄສແບບລຸ່ມນີ້ ຄວນປ່ຽນນິໄສ ເພື່ອເຮັດໃຫ້ຊີວິດຮັກຍືນຍາວ ແລະຮັກກັນດົນໆ

  1. ລົມກັບແຟນເກົ່າ: ເມື່ອເຈົ້າເລີກກັນ ແລະມີແຟນໃໝ່ແລ້ວ ກໍບໍ່ຄວນກັບໄປລົມກັບແຟນເກົ່າອີກ,​ເຖິງແມ່ນວ່າເຈົ້າຈະວ່າບໍ່ມີຫຍັງກໍຕາມ ແຕ່ຜູ້ຍິງ ຫຼືຜູ້ຊາຍຖ້າພົບສະຖານະການແບບນີ້ກໍຕ້ອງຄິດຫຼາຍແນ່ນອນ
  2. ຂີ້ຕົວະ: ການຕົວະພຽງຄັ້ງດຽວ ກໍຈະບໍ່ມີຄວາມໄວ້ໃຈກັນອີກເລີຍ, ຄົນຮັກກັນ ບໍ່ຄວນປິດບັງຫຍັງກັນ ມີຫຍັງກໍເວົ້າກັນຕົງໆໂລດ
  3. ບອກເລີກເວລາຜິດກັນ: ການຜິດກັນແຕ່ລະຄັ້ງ ແລ້ວບອກເລີກກັນທຸກຄັ້ງນັ້ນ ບໍ່ແມ່ນເລື່ອງດີເລີຍ ເພາະມັນຈະຄ່ອຍໆທຳລາຍຄວາມຮູ້ສຶກຂອງອີກຝ່າຍ ຈົນອີກຝ່າຍທົນບໍ່ໄດ້ ສຸດທ້າຍກໍເລີກກັນແທ້
  4. ໄປໃສບໍ່ບອກກັນ: ເວລາທີ່ເຈົ້າໄປໃສບໍ່ບອກຄົນທີ່ຕົນຮັກ ນັ້ນສະແດງໃຫ້ເຫັນວ່າ ເຈົ້າບໍ່ໄວ້ໃຈ ຫຼືບໍ່ໃຫ້ກຽດຄົນທີ່ຕົນຮັກ ຖ້າເຂົາຮູ້ພາຍຫຼັງຍິ່ງເຮັດໃຫ້ເຂົາເສຍໃຈ
  5. ຄົບເທື່ອດຽວຫຼາຍຄົນ: ບໍ່ມີໃຜຢາກເປັນຕົວເລືອກ ຖ້າຫາກມີຄົນດຽວບໍ່ໄດ້ກໍຕ້ອງໄດ້ຈົບກັນ, ເພາະຜູ້ຍິງ ຫຼືຜູ້ຊາຍ ບໍ່ມີໃຜທີ່ຢາກເປັນຕົວສຳຮອງ ຂອງອີກຝ່າຍ
  6. ຄຽດແລ້ວບໍ່ເວົ້ານຳ: ມີການສຳຫຼວດພົບວ່າ ການເກັບຄວາມຮູ້ສຶກ ຫຼືມີຫຍັງບໍ່ເວົ້າອອກມາ ເປັນຕົ້ນເຫດເຮັດໃຫ້ຄູ່ຮັກເລີກກັນໄດ້ຫຼາຍທີ່ສຸດ
  7. ເອົາແຕ່ໃຈຕົນເອງ: ການເອົາແຕ່ໃຈຕົນເອງ ກໍຄວນມີເຫດ ແລະຜົນ, ບໍ່ດັ່ງນັ້ນ ຈະເຮັດໃຫ້ອີກຝ່າຍເບື່ອ ທີ່ຕ້ອງມານັ່ງຕາມໃຈເຈົ້າຕະຫຼອດເວລາ ເຊິ່ງນີ້ເປັນສາເຫດໜຶ່ງເຮັດໃຫ້ຊີວິດຮັກຕ້ອງຈົບລົງ
  8. ເວົ້າຈາຂົ່ມຕໍ່ໜ້າຄົນອື່ນ: ເວລາຢູ່ຕໍ່ໜ້າຫຼາຍຄົນ ບໍ່ຄວນເວົ້າຂົ່ມເພື່ອເຮັດໃຫ້ເຂົາເບິ່ງແລ້ວດ້ອຍຄ່າ ຕໍ່ໜ້າຄົນອື່ນເດັດຂາດ ເພາະບໍ່ມີໃຜທີ່ຢາກເບິ່ງບໍ່ດີຕໍ່ໜ້າຄົນອື່ນ
  9. ພະຍາຍາມປ່ຽນແປງເຂົາຕະຫຼອດເວລາ: ເຈົ້າຄວນຮັກ ແລະໃຫ້ກຽດເຂົາໃນສິ່ງທີ່ເຂົາເປັນດີທີ່ສຸດ ຢ່າເຮັດໃຫ້ອີກຝ່າຍອຶດອັດຫຼາຍເກີດໄປ

ຕິດຕາມເລື່ອງດີດີເພຈຊີວິດແລະຄວາມຮັກ ກົດໄລຄ໌ເລີຍ!

ifram FB ເພຈທ່ຽວເມືອງລາວ Laotrips

ບົດຄວາມຫຼ້າສຸດ

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...

ຄວາມຫວັງໃໝ່ຂອງເນປານ ແຕ່ງຕັ້ງລັດຖະມົນຕີຄົນໃໝ່ ໂດຍຈະປະຕິບັດໜ້າຮັກສາການ 6 ເດືອນ

ພາຍຫຼັງຄວາມວຸ່ນວາຍຂອງເຫດການປະທ້ວງໃນປະເທດເນປານ ເຮັດໃຫ້ອະດີດນາຍຍົກລັດຖະມົນຕີໄດ້ລາອອກ ພ້ອມທັງເດີນທາງອອກນອກປະເທດ ນຳພາໃຫ້ເນປານບໍ່ມີຄົນດຳລົງຕໍາເເໜ່ງນາຍົກລັດຖະມົນຕີໃນໄລຍະໜຶ່ງ. ເຊິ່ງໃນວັນທີ 12 ກັນຍາ 2025 ທີ່ຜ່ານມາ, ໄດ້ມີການປະກາດແຕ່ງຕັ້ງ ທ່ານ ນາງ  ສຸຊີລາ ກາກີ ຂຶ້ນຮັບຕໍາແໜ່ງຮັກສາການນາຍົກລັດຖະມົນຕີ...

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...