spot_img
Homeຂ່າວຕ່າງປະເທດຂີ່ລົດຖີບກັບບ້ານສະຫຼອງກຸດຈີນ ດົນກວ່າ 1 ເດືອນຫາກໍ່ຮູ້ວ່າຫຼົງທາງ

ຂີ່ລົດຖີບກັບບ້ານສະຫຼອງກຸດຈີນ ດົນກວ່າ 1 ເດືອນຫາກໍ່ຮູ້ວ່າຫຼົງທາງ

Published on

ສຳນັກຂ່າວຕ່າງປະເທດລາຍງານເມື່ອວັນທີ 24 ມັງກອນ 2017 ຜ່ານມາວ່າເຈົ້າໜ້າທີ່ຕຳຫຼວດທາງດ່ວນພົບຊາຍຄົນຈີນຄົນໜຶ່ງ ຂີ່ລົດຖີບຢູ່ເທິງທາງດ່ວນ, ເຊິ່ງເປັນເລື່ອງທີ່ເຮັດໃຫ້ບັນດາເຈົ້າໜ້າທີ່ແປກໃຈຫຼາຍ ຈາກການສອບຖາມຂອງເຈົ້າໜ້າທີ່ຕຳຫຼວດຮູ້ວ່າ ມີຄົນບອກໃຫ້ເຂົາຂີ່ລົດຖີບມາເທິງທາງດ່ວນ

ຕາມການລາຍງານບອກວ່າ ຜູ້ຊາຍຄົນດັ່ງກ່າວ ເຮັດວຽກເປັນລູກຈ້າງຊົ່ວຄາວຢູ່ໃນເມືອງຍື່ຈ້າວ ມົນທົນຊານຕົງ ແລະຂ້ອນຂ້າງຂັດສົນເລື່ອງເງິນ ເພາະການໃຊ້ຈ່າຍເງິນກັບການຈ່າຍຄ່າຫຼິ້ນອິນເຕີເນັດໃນຮ້ານອິນເຕີເນັດເປັນເວລາດົນຈົນໝົດ ແຕ່ກໍຢາກກັບບ້ານໄປສະຫຼອງເທດສະການກຸດຈີນກັບຄອບຄົວ ຈຶ່ງໄດ້ພະຍາຍາມຂີ່ລົດຖີບກັບບ້ານ ຢູ່ເມືອງສີສີຮາ ມົນທົນເຮຍຫຼົງຈຽງ

ລະຫວ່າງທາງກໍໄດ້ແວ່ຖາມທາງກັບຄົນອື່ນໆມາເລື້ອຍໆ ຈົນມາຮອດເມືອງອູ໋ກູ ມົນທົນອັນຮຸຍ ເຊິ່ງລາວຫາກໍ່ຮູ້ວ່າຫຼົງທາງ ຫຼັງຈາກໃຊ້ເວລາຂີ່ລົດຖີບກັບບ້ານດົນກວ່າ 1 ເດືອນ

ແນວໃດກໍຕາມເຈົ້າໜ້າທີ່ຕຳຫຼວດທາງດ່ວນ ຫວັງວ່າລາວຈະກັບຮອດບ້ານໃນໄວໆນີ້ ແລະມີພະນັກງານດ່ານເກັບເງິນຄ່າທາງດ່ວນໃຈດີໄດ້ມອບເງິນໃຫ້ລາວເພື້ອຊື້ປີ້ລົດກັບບ້ານ

ບົດຄວາມຫຼ້າສຸດ

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...