spot_img
Homeຂ່າວທ້ອງຖິ່ນທາດແທ້ ແລະ ມູນເຊື້ອອັນສະຫງ່າງາມຂອງກອງທັບປະຊາຊົນລາວ

ທາດແທ້ ແລະ ມູນເຊື້ອອັນສະຫງ່າງາມຂອງກອງທັບປະຊາຊົນລາວ

Published on

un2

ທາດແທ້ຂອງກອງທັບປະຊາຊົນລາວ

ກອງທັບປະຊາຊົນລາວໂດຍແມ່ນພັກເປັນຜູ້ສ້າງຕັ້ງ ແລະ ສຶກສາອົບຮົມ, ເຝິກຝົນຫລໍ່ຫລອມ, ແມ່ນກອງທັບຂອງປະຊາຊົນ, ເກີດມາຈາກປະຊາຊົນ, ສູ້ຮົບເພື່ອສິດຜົນປະໂຫຍດຂອງປະຊາຊົນຜູ້ອອກແຮງ ງານບັນດາເຜົ່າ, ແມ່ນພາຫະນະອັນແຫລມຄົມ ຂອງພັກ, ຂອງຊົນຊັ້ນກຳມະກອນລາວໃນ ການຕໍ່ສູ້ປະຕິວັດ, ຍ້ອນແນວນັ້ນທາດແທ້ທາງການເມືອງຂອງກອງທັບປະຊາຊົນລາວແມ່ນທາດແທ້ຊົນຊັ້ນກຳມະກອນເຊິ່ງເປັນທາດແທ້ທີ່ປະຕິວັດກວ່າເພີ່ນຫມົດ.

8366

ມູນເຊື້ອອັນສະຫງ່າງາມຂອງກອງທັບປະຊາຊົນລາວ

ມູນເຊື້ອອັນສະຫງ່າງາມຂອງກອງທັບເຮົາ ແມ່ນຄວາມສະຫລຽວສະ ຫລາດ, ສາມາດປະດິດສ້າງໃນການສູ້ຮົບ ແລະ ເຮັດວຽກທີ່ໄດ້ຮັບການ ທົດສອບຈາກພຶດຕິກຳແຫ່ງການຕໍ່ສູ້ປະຕິວັດອັນຍາວນານ, ມູນເຊື້ອດັ່ງ ກ່າວໄດ້ສະແດງອອກຄື:
1. ມີຄວາມຈົງຮັກພັກດີຕໍ່ປະເທດຊາດ, ຕໍ່ພັກ ແລະ ຕໍ່ປະຊາຊົນຜູ້ ອອກແຮງງານບັນດາເຜົ່າຢ່າງຫນັກແຫນ້ນໃນທຸກກໍລະນີ.
2. ມີນ້ຳໃຈຕໍ່ສູ້ພິລະອາດຫານກ້າແກ່ນແຫນ້ນຫນຽວ ແລະ ພິກໄຫວ ປະດິດສ້າງດີຕະຫລອດມາ.
3. ມີນ້ຳໃຈດຸຫມັ່ນຂະຫຍັນພຽນໃນວຽກງານ ແລະ ການເພີ່ມພູນຜະ ລິດຜົນ, ຫາລ້ຽງກຸ້ມຕົນເອງ, ເພິ່ງຕົນເອງ, ສ້າງຄວາມເຂັ້ມແຂງດ້ວຍ ຕົນເອງ.
4. ກອງທັບປະຊາຊົນລາວຍາມໃດກໍ່ຮັກສາຄວາມສາມັກຄີ ລະຫວ່າງ ກອງທັບກັບປະຊາຊົນບັນດາເຜົ່າຢ່າງແຫນ້ນແຟ້ນ.
5. ໄລຍະຜ່ານມາ ກອງທັບປະຊາຊົນລາວ ໄດ້ສາມັກຄີກັບກອງທັບປະ ຊາຊົນບັນດາປະເທດອ້າຍນ້ອງ ແລະ ບັນດາປະເທດເພື່ອນມິດ ທີ່ກ້າວ ຫນ້າຢູ່ໃນໂລກ ໂດຍສະເພາະແມ່ນສາມັກຄີຮ່ວມສຳພັນສູ້ຮົບ ກັບກອງ ທັບປະຊາຊົນຫວຽດນາມ ແລະ ກຳປູເຈຍ.
6. ກອງທັບປະຊາຊົນລາວ, ເວລາໃດກໍ່ຮັກສາມຸນເຊື້ອທີ່ດີງາມ, ປະຊາ ທິປະໄຕ, ລະບຽບວິໄນ, ຕື່ນຕົວ, ເຂັ້ມງວດ.

 

ແຫລ່ງຂໍ້ມູນຈາກ: http://www.kongthap.gov.la/
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

 

ບົດຄວາມຫຼ້າສຸດ

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...

ສປປ ລາວ ສົ່ງອອກໝາກມ່ວງສົດ ຂະບວນທໍາອິດ ໄປສູ່ ສປ ຈີນ ຈຳນວນ 90 ໂຕນ

ສົ່ງອອກສູ່ຕະຫຼາດສາກົນ ສປປ ລາວ ສົ່ງອອກໝາກມ່ວງສົດຂະບວນທຳອິດ ໄປສູ່ ສປ ຈີນ ຈຳນວນ 90 ໂຕນ ວັນທີ 30 ພຶດສະພາ 2025 ໄດ້ມີພິທີເປີດຂະບວນສົ່ງຫມາກມ່ວງສົດຂະບວນທຳອິດຈາກສປປ...

ຂ່າວດີ! ເປີດບໍລິການຄືນໃໝ່ແລ້ວ ຖ້ຽວບິນນະຄອນຫຼວງວຽງຈັນ-ຊຽງຂວາງ

ຖ້ຽວບິນນະຄອນຫຼວງວຽງຈັນ-ຊຽງຂວາງ ເປີດບໍລິການຄືນໃໝ່ແລ້ວ ເລີ່ມ 1 ມິຖຸນາ 2025 ເປັນຕົ້ນໄປ. ລັດວິສາຫະກິດການບິນລາວໄດ້ເປີດຖ້ຽວບິນລະຫວ່າງນະຄອນຫຼວງວຽງຈັນ ແລະ ແຂວງຊຽງຂວາງຄືນໃໝ່ ເລີ່ມແຕ່ວັນທີ 1 ມິຖຸນາເປັນຕົ້ນໄປດ້ວຍເຮືອບິນ ATR 72...