ສະໝຸນໄພ ແຕ່ລະຊະນິດມີປະໂຫຍດຕໍ່ສຸຂະພາບຫຼາຍ ເຊິ່ງແຕ່ລະຊະນິດກໍມີສັບພະຄຸນທີ່ແຕກຕ່າງກັນ ມີທັງບຳລຸງ, ປ້ອງກັນ ແລະປິ່ນປົວອາການເຈັບປ່ວຍຕ່າງໆໄດ້ດີ, ການກິນສະໝຸນໄພນັ້ນ ມີວິທີການຕ່າງໆ ແລະສາມາດນຳມາເຮັດເປັນເຄື່ອງດື່ມໄດ້ ແລະມີຂໍ້ດີຄືຮ່າງກາຍສາມາດດູດຊຶມໄດ້ງ່າຍ, ແຕ່ຈະດື່ມໃຫ້ໄດ້ປະໂຫຍດນັ້ນ ກໍຄວນດື່ມໃຫ້ຖືກເວລາ

1. ເວລາ 6:00-10:00 ໂມງ ແລະ 18:00-22:00 ໂມງ: ນໍ້າສະໝຸນໄພທີ່ບຳລຸງຮ່າງກາຍ ແລະປັບຄວາມສົມດູນຂອງທາດນໍ້າໄດ້ແກ່: ນໍ້າສະໝຸນໄພທີ່ມີລົດສົ້ມເຊັ່ນ: ນໍ້າສົ້ມ, ນໍ້າໝາກນາວ, ນໍ້າໝາກສີດາ ລົດຊາດສົ້ມຂອງນໍ້າສົ້ມ, ນໍ້າໝາກນາວ ຈະເຮັດໃຫ້ຊຸ່ມຄໍ, ແກ້ໄອ ຂັບຂີ້ກະເທິ, ນໍ້າໝາກສີດາ ມີລົດຊາດຝາດ ຊ່ວຍແກ້ອາການເຈັບທ້ອງ
2. ເວລາ 10:00-14:00 ແລະ 22:00-02:00 ໂມງ: ຄວນດື່ມນໍ້າສະໝຸນໄພທີ່ຊ່ວຍບໍາລຸງຮ່າງກາຍ ແລະປັບຄວາມສົມດູນຂອງທາດໄຟ ໄດ້ແກ່ນໍ້າສະໝຸນໄພທີ່ມີລົດຊາດຂົມເຊັ່ນ: ນໍ້າຜັກໜອກ, ນໍ້າໝາກເດືອຍ, ເພາະນໍ້າຜັກໜອກ ແກ້ອາການຮ້ອນໃນຢາກນໍ້າ ເຮັດໃຫ້ສົດຊື່ນ ແກ້ອາການອັກເສບ ຫຼືຊໍ້າໃນ, ແກ້ເຈັບຫົວເບື້ອງດຽວ, ນໍ້າໝາກເດືອຍ ເປັນຢາເຢັນ ຂັບປັດສະວະ ແກ້ຮ້ອນໃນ ບຳລຸງໝາກໄຂ່ຫຼັງ ກະເພາະອາຫານ, ມ້າມ ລວມເຖິງບຳລຸງເລືອດໃຫ້ແມ່ຍິງຫຼັງຈາກເກີດລູກ, ຮັກສາອາການເຈັບທ້ອງ, ປວດຮາກ, ຮາກໄດ້
3. ເວລາ 14:00-18:00 ແລະ 02:00-06:00 ໂມງ: ຄວນດື່ມນໍ້າສະໝຸນໄພທີ່ມີລົດຊາດເຜັດຮ້ອນເຊັ່ນ: ນໍ້າຂີງ, ນໍ້າຫົວສີໄຄ, ນໍ້າຂີງມີລົດຊາດເຜັດ ບຳລຸງທາດໃນຮ່າງກາຍ, ຂັບລົມ, ແກ້ອາການທ້ອງອືດ, ແໜ້ນທ້ອງ, ແກ້ອາການປວດຮາກ, ຊ່ວຍຈະເລີນອາຫານ, ສຳລັບນໍ້າຫົວສີໄຄ ມີລົດຊາດເຜັດ ບຳລຸງທາດ, ຊ່ວຍແກ້ອາການທ້ອງອືດ, ຈຸກທ້ອງ,​ ຂັບນໍ້າປັດສະວະ, ຂັບເຫື່ອໄດ້ດີ ຊ່ວຍຫຼຸດພິດຂອງສານພິດໃນຮ່າງກາຍໄດ້

ຕິດຕາມນານາສາລະ ກົດໄລຄ໌ເລີຍ!