ສຳນັກຂ່າວເອເອຟພີ ລາຍງານຈາກນະຄອນຫຼວງປາຣີສ ປະເທດຝຣັ່ງ ເມືື່ອວັນທີ 4 ມັງກອນ 2017 ວ່າ. ເມກໂມເລກຸນໂອຣຽນເອ ຂະໜາດໃຫຍ່ຄື ໂຮງງານຜະລິດດວງດາວ (Star Factory) ທີ່ຢູ່ໃກ້ກັບໂລກມະນຸດຫຼາຍທີ່ສຸດ ແລະ ເຮັດໃຫ້ບັນດານັກດາລາສາດສາມາດສັງເກດການ ວິທີການກໍ່ຕົວຂອງດາວໄດ້ຢ່າງໃກ້ຊິດ
ກຸ່ມກ໊າຊໂອຣຽນ ຫຼື ທີ່ຮູ້ຈັກນຳກັນໃນອີກຊື່ໜຶ່ງວ່າ ເມສຊີເອີ 42 (Messier 42) ຢູ່ຫ່າງຈາກໂລກອອກໄປປະມານ 1,350 ປີແສງ ແລະ ມີມວນໜາແໜ້ນກວ່າດວງຕະເວັນ 2,000 ເທົ່າ ໂດຍໝວດກຸ່ມດາວອາຍຸນ້ອຍຫຼາຍສາມາດເບິ່ງເຫັນໄດ້ ໂດຍການໃຊ້ກ້ອງໂທທະທັດ VISTA ຂອງຫໍຊົມດາວ (ອີເອສໂອ) ປະເທດຊິລີ ເຊິ່ງເປັນກ່ອງຂະໜາດໃຫຍ່ທີ່ສຸດໃນໂລກສຳລັບການສຳຫຼວດ ກຸ່ມດວງດາວ ດ້ວຍຄວາມຍາວຂອງຄື້ນລັງສີອິນຟາເຣດ
ຖະແຫຼງການຂອງ ອົງການອາວະກາດຢຸໂຣບ (ອີເອສໂອ) ເມື່ອວັນພຸດທີ່ຜ່ານມາ ກ່າວວ່າ ການສຳຫຼວດຄັ້ງໃຫມ່ ເຮັດໃຫ້ວິວັດທະນາການຍຸກເລີ່ມຕົ້ນຂອງກຸ່ມດາວອາຍຸນ້ອຍ ພາຍໃນເມກໂມເລກຸນທີ່ຢູ່ໃກ້ຄຽງ ໄດ້ຮັບການສຶກສາຢ່າງເປັນລະບົບ
ໂຄງການສຳຫຼວດຂອງອີເອສໂອ ຈົນເຖິງປັດຈຸບັນ ຄົ້ນພົບດາວໃໝ່ ມີວັດຖຸຄ້າຍດາວອາຍຸນ້ອຍ ແລະ ກາແລັກຊີທີ່ຢູ່ຫ່າງໄກເກືອບ 800,000 ດວງ. ກຸ່ມກ໊າຊໂອຣຽນທີ່ສາມາດເບິ່ງເຫັນໄດ້ດ້ວຍຕາເປົ່າ ເທິງທ້ອງຟ້າໃນຍາມກາງຄືນ ໄດ້ຮັບການອະທິບາຍທາງວິທະຍາສາດເປັນຄັ້ງທຳອິດ ໃນຊ່ວງຕົ້ນສັດຕະວັດທີ 17
ແຫລ່ງຂ່າວຈາກ: http://www.dailynews.co.th/foreign/546838
ຕິດຕາມເລື່ອງດີດີ ວິທະຍາສຶກສາ ກົດໄລຄ໌ເລີຍ!