spot_img
Homeນານາສາລະວິທີຊະນະໃຈຄົນອື່ນ

ວິທີຊະນະໃຈຄົນອື່ນ

Published on

 

  1. ເຮັດໃຫ້ຄົນອື່ນຮູ້ສຶກວ່າເຂົາເປັນຄົນທີ່ສໍາຄັນສະເໝີ: ໂດຍທໍາະຊາດແລ້ວຄວາມປາຖະໜາຂອງມະນຸດ ຢາກເປັນຄົນທີ່ສໍາຄັນນັ້ນ ຈະເປັນຄວາມຕ້ອງການທີ່ຝັງຢູ່ໃຕ້ຈິດສໍານຶກຂອງມະນຸດ ຄວາມຮູ້ສຶກຢາກເປັນຄົນທີ່ສໍາຄັນ ມັນຄືກັບອາຫານທີ່ມະນຸດທຸກຄົນໂຫຍຫາ ຈົ່ງໃຫ້ເຂົາ ແລ້ວພວກເຂົາຈະໃຫ້ທ່ານທຸກຢ່າງ.
  2. ຖະໜອມຖ່ອມຕົວ: ເສັ້ນທາງສູ່ຄວາມສໍາເລັດນັ້ນ ບໍ່ສາມາດຫຼີກເວັ້ນຈາກອຸປະສັກໄດ້ ຈະພົບກັບຄົນທີ່ຮັກ ແລະຄົນທີ່ຊັງ, ມີທັງມິດ ແລະສັດຕູ ດັງນັ້ນ ຖ້າເຮົາເປັນຄົນອວດອົ່ງທະນົງຕົວຫຼາຍເທົ່າໃດແລ້ວ ເຮົາກໍຍິ່ງໄດ້ພົບກັບສັດຕູຫຼາຍເທົ່ານັ້ນເຊັ່ນວ່າ ຖ້າຕ້ອງການສັດຕູແມ່ນຈົ່ງເຮັດໃຫ້ຕົວເຮົາສູງກວ່າຄົນອື່ນ, ແຕ່ຖ້າຕ້ອງການໝູ່ເພື່ອນ ຈົ່ງເຮັດໃຫ້ຄົນອື່ນສູງກວ່າຕົວເຮົາ.
  3. ຟັງຫຼາຍກວ່າເວົ້າ: ເຄີຍສັງເກດບໍວ່າ ໃນວົງສົນທະນາຄົນສ່ວນໃຫຍ່ມັກຍາດກັນເວົ້າ ໂດຍບໍ່ຄ່ອຍມີໃຜມັກເປັນຜູ້ຟັງ ແລະຜູ້ເວົ້າສ່ວນໃຫຍ່ກໍມັກເວົ້າແຕ່ເລື່ອງກ່ຽວກັບຕົນເອງ ບາງທີ່ຕ້ອງໄດ້ເວົ້າແຊກຂຶ້ນຈຶ່ງມີໂອກາດໄດ້ເວົ້າ ໂດຍທໍາມະຊາດຂອງຄົນເຮົາແລ້ວມີເຖິງ 95% ທີ່ມັກເວົ້າແຕ່ເລື່ອງຂອງຕົນເອງໃຫ້ຄົນອື່ນຟັງ ຊຶ່ງມີພຽງແຕ່ 5% ທີ່ເປັນປະເພດມັກຟັງຄົນອື່ນເວົ້າເປັນສ່ວນໃຫຍ່ ສະນັ້ນຖ້າທ່ານເປັນ 1 ໃນຈໍານວນກຸ່ມຄົນຂອງນັກຟັງ 5% ເມື່ອໃດແລ້ວ ພວກນັກເວົ້າ 95% ກໍຈະຮູ້ສຶກວ່າທ່ານເປັນຄົນທີ່ຮູ້ໃຈພວກເຂົາທັນທີ
  4. ເວົ້າແຕ່ໃນສິ່ງທີ່ຄົນອື່ນຢາກຟັງ: ຖ້າມີໂອກາດໄດ້ເວົ້າ ຄວນໃຊ້ຄໍາເວົ້າທີ່ເປັນລັກສະນະທີ່ຈູງໃຈ ແລະສົ່ງເສີມແນວຄິດຂອງຜູ້ຟັງ ຫຼືເວົ້າແຕ່ໃນສິ່ງທີ່ເຂົາຢາກຟັງ ແລະມີຄວາມສຸກທີ່ຈະຮັບຟັງ ໝາຍຄວາມວ່າຖ້າຄົນທີ່ກໍາລັງສົນທະນານໍາຢູ່ນັ້ນສົນໃຈໃນສິ່ງໃດໜຶ່ງ ເຈົ້າກໍຄວນເວົ້າເຖິງແຕ່ສິ່ງນັ້ນ ດ້ວຍການຍ້ອງຍໍຊົມເຊີຍ.
  5. ຍ້ອງຍໍຊົມເຊີຍ ແລະໃຫ້ກໍາລັງໃຈຄົນອື່ນ: ຄົນເຮົາບໍ່ວ່າຈະເປັນຫົວໜ້າ ຫຼືລູກນ້ອງ, ເປັນຄົນເຮັ່ງມີ ຫຼືທຸກຍາກ ກໍລ້ວນແຕ່ຕ້ອງການຢາກໄດ້ຮັບຄໍາຍ້ອງຍໍຊົມເຊີຍຈາກຄົນອື່ນ ເພາະວ່າການຍ້ອງຍໍຊົມເຊີຍ ກໍຄືດັ່ງຢາວິເສດທີ່ຈະຊ່ວຍສ້າງພະລັງ ເພີ່ມຄວາມເຂັ້ມແຂງທາງດ້ານຈິດໃຈ ແລະຄວາມເຊື້ອໝັ້ນໃຫ້ຕົນເອງເຊັ່ນວ່າ “ຍ້ອງຍໍຊົມເຊີຍຄົນອື່ນດ້ວຍວາຈາ ມັນມີຄ່າກວ່າການມອບໄຂ່ມຸກເປັນຂອງຂວັນ ສ່ວນການທໍາລາຍຄົນອື່ນດ້ວຍວາຈາ ມັນເຈັບປວດຍິ່ງກວ່າການຖືກແທງດ້ວຍຫອກທີ່ແຫຼມຄົມ” ແຕ່ການຍ້ອງຍໍຊົມເຊີຍຕ້ອງອອກມາຈາກຄວາມຈິງໃຈ
  6. ເຫັນໃຈ ແລະເຂົ້າໃຈຄວາມຮູ້ສຶກຂອງຄົນອື່ນ: ສິລະປະທີ່ຍິ່ງໃຫຍ່ໃນການສ້າງຄວາມເພິ່ງພໍໃຈໃຫ້ຄົນອື່ນກໍຄື “ການເຫັນໃຈ ແລະເຂົ້າໃຈຄວາມຮູ້ສຶກຂອງຄົນອ້ອມຂ້າງຂອງເຮົາຢູ່ສະເໝີ ເພາະວ່າມັນກໍຄືການສ້າງຄວາພາກພູມໃຈໃນຕົວຂອງເຂົາ ເຊິ່ງມີບາງເທື່ອ ຄົນເຮົາມັກສິ່ງຕ່າງໆບໍ່ຄືກັນ ແລະມັນກໍບໍ່ແມ່ນຄວາມຜິດ, ແຕ່ຖ້າເຮົາຫົວຂວັນພວກເຂົາ ມັນກໍຈະເຮັດໃຫ້ພວກເຂົາຮູ້ສຶກວ່າ ເຮົາກໍາລັງດູຖູກພວກເຂົາກໍເປັນໄດ້ ສະນັ້ນ ຂໍໃຫ້ເຂົ້າໃຈຄວາມຮູ້ສຶກ ແລະເຄົາລົບການເປັນຕົວຕົນຂອງພວກເຂົາ ເພາະວ່າມັນຄືເສັ້ນທາງທີ່ຈະສ້າງມິດຕະພາບອັນປະເສີດ”
  7. ໃຫ້ກ່ອນຮັບ: ເພາະວ່າທໍາມະຊາດຂອງຄົນເຮົາ ເມື່ອໃດທີ່ມີຄົນອື່ນໄດ້ໃຫ້ໄດ້ໃຫ້ສິ່ງຂອງແກ່ເຮົາແລ້ວ ຕົວເຮົາຈະຮູ້ສຶກວ່າ ຕົນເອງມີໜີ້ບຸນຄຸນຕໍ່ຄົນນັ້ນ ແລະມັນກໍມີຄວາມຈໍາເປັນ ເຊິ່ງຄ້າຍຄືການຖືກບັງຂັບໃຫ້ເຮັດຢ່າງໃດຢ່າງໜຶ່ງ ເພື່ອເປັນການຕອບແທນບຸນຄຸນຢູ່ສະເໝີ ເຊິ່ງຫຼັກການດັ່ງກ່າວເອີ້ນວ່າ ການສ້າງຂໍ້ຜູກມັດ ຫຼືຕ່າງຝ່າຍຕ່າງຕອບແທນເຊິ່ງກັນ ແລະກັນ ເຊິ່ງເປັນວິທີຈູງໃຈທີ່ໃຊ້ກັນມາຕັ້ງແຕ່ດົນນານແລ້ວ.
  8. ກົດແຫ່ງການຄິດບວກ 3 ຂໍ້ ເພື່ອເອົາຊະນະໃຈຄົນ: ‘ບໍ່ມີສິ່ງໃດໃນໂລກນີ້ຈະດີໄປໝົດທຸກຢ່າງ ຫຼືຊົ່ວໄປໝົດທຸດຢ່າງ, ມີແຕ່ຄວາມຄິດຂອງຄົນເຮົາເທົ່ານັ້ນທີ່ຈະເຮັດໃຫ້ເກີດຄວາມດີ ແລະຄວາມຊົ່ວໄດ້” ສະນັ້ນຖ້າຕ້ອງການໃຫ້ຄົນອື່ນຮັກ ແລະຢາກຊະນະໃຈພວກເຂົານັ້ນ ກ່ອນອື່ນທ່ານຕ້ອງຮັກ ແລະຊະນະໃຈຕົນເອງໃຫ້ໄດ້ກ່ອນ ຍ້ອນຊະນະໃຈຕົນເອງນັ້ນມັນຍາກຫຼາຍ.
  9. ຈື່ຊື່ຄົນອື່ນ: ນັບແຕ່ອະດີດມາຈົນເຖິງປັດຈຸບັນນີ້ ມະນຸດຈະພະຍາຍາມເຮັດໃຫ້ຊື່ຂອງຕົນເປັນທີ່ຮູ້ຈັກໄປຊົ່ວລູກຊົ່ວຫຼານ ບໍ່ທາງໃດກໍທາງໜຶ່ງຖ້າພວກເຂົາຫາກມີໂອກາດ ເພາະວ່າຢູ່ໃນສ່ວນເລິກໆຂອງຫົວໃຈແລ້ວຄົນເຮົາແລ້ວ ລ້ວນແຕ່ຢາກໃຫ້ຄົນອື່ນຮູ້ຈັກຊື່ສຽງຮຽງນາມຂອງຕົນເອງໄປຕະຫຼອດການ.
  10. ຮອຍຍີ້ມ: ຮອຍຍີ້ມເປັນສິ່ງທີ່ເຮັດໃຫ້ຄົນເຮົາເກີີດຄວາມປະທັບໃຈໃນຄັ້ງທໍາອິດທີ່ພົບເຫັນ, ເປັນວິທີງ່າຍໆ ແລະປອດໄພທີ່ສຸດໃນການເຂົ້າສັງຄົມ ຫຼືການເລີ່ມສ້າງມິດຕະພາບກັບຄົນອື່ນ, ເພາະຮອຍຍີ້ມສະແດງເຖິງຄວາມສຸກຂອງຄົນຜູ້ທີ່ຍີ້ມ, ການຍອມຮັບ ແລະຄວາມໝັ້ນໃຈໃນຕົນເອງ ຮອຍຍີ້ມຂອງທ່ານຍັງເຮັດໃຫ້ຄົນທີ່ຢູ່ອ້ອມຂ້າງຮູ້ສຶກວ່າທ່ານດີໃຈທີ່ໄດ້ພົບກັບພວກເຂົາ ແລະພວກເຂົາກໍຈະພໍໃຈ ແລະດີໃຈທີ່ໄດ້ພົບກັບທ່ານເຊັ່ນກັນ ຄືຄໍາຄົມທີ່ວ່າ “ຍີ້ມຄືພາສາຈັກກະວານ ທີ່ຄົນທົ່ວໂລກເຂົ້າໃຈຄວາມໝາຍຂອງມັນ”
  11. ຈົ່ງຫຼີກເວັ້ນການໂຕ້ຖຽງ: ໃນຊີວິດປະຈໍາວັນຂອງຄົນເຮົາ ຕ້ອງມີການຕິດຕໍ່ສື່ສານກັນ ເຊິ່ງມັນເປັນເລື່ອງຍາກຫຼາຍທີ່ຈະເຮັດໃຫ້ຄົນອື່ນມີຄວາຄິດຄ້າຍຄືກັນກັບເຮົາ ຫຼືເຫັນດີເຫັນພ້ອມນໍາກັນໝົດທຸກຢ່າງ ເພາະວ່າຄົນເຮົາແຕ່ລະຄົນ ລ້ວນແຕ່ມີຫຼັກການ ແລະເຫດຜົນຂອງໃຜລາວ ທີ່ຈະເຊື້ອ ແລະປ້ອງກັນການຕັດສິນໃຈຂອງຕົນເອງ ເຊິ່ງເປັນທີ່ມາຂອງການເກີດມີການໂຕ້ຖຽງກັນ ຫຼືຂໍ້ຂັດແຍ່ງ ເຊິ່ງຜົນຕາມມາກໍຄືຄວາມບໍ່ພໍໃຈ ຈົນເຖິງຂັ້ນມີຄວາມອາຄາດມາດຮ້າຍກັນກໍມີ.
  12. ສຸພາບອ່ອນໂຍນ ແລະເປັນມິດ: ຄືສະເໜ່ທີ່ສໍາຄັນອີກຢ່າງໜຶ່ງທີ່ສາມາດດຶງດູດໃຫ້ຄົນອື່ນສົນໃຈ ແລະຈູງໃຈພວກເຂົາໄດ້ ເພາະວ່າຄົນເຮົາໃຜໆກໍມັກຄວາມອ່ອນໂຍນເຊັ່ນວ່າ: “ນໍ້າເຜີ້ງໜຶ່ງຢາດ ສາມາດຈັບມົດໄດ້ຫຼາຍກວ່ານໍ້າຂົມໜຶ່ງຕຸກ”.
  13. ໃຊ້ການຮ້ອງຂໍແທນອອກຄໍາສັ່ງ: ໃນຊີວິດຈິງຂອງຄົນເຮົາ ຄືຊິບໍ່ມີໃຜຢາກຢູ່ໃຕ້ຄໍາສັ່ງຂອງຄົນອື່ນ ເຖິງວ່າຄົນດັ່ງກ່າວຈະເປັນຫົວໜ້າຂອງຕົນເອງກໍຕາມ ເພາະວ່າການອອກຄໍາສັ່ງ ມັນຄືການສະແດງເຖິງອໍານາດ ຫຼືການບັງຂັບຈິດໃຈແບບໃດໜຶ່ງ ເຊິ່ງຄົນເຮົາສ່ວນຫຼາຍຢູ່ໃນສັງຄົມແມ່ນບໍ່ມັກ ຂະໜາດຄູ່ຮັກທ່ານແທ້ໆ ລາວຍັງບໍ່ມັກທ່ານອອກຄໍາສັ່ງແມ່ນບໍ? ສະນັ້ນ ກ່ອນທີ່ທ່ານຈະອອກຄໍາສັ່ງວຽກ ຫຼືອອກຄໍາສັ່ງໃຫ້ຄົນອື່ນເຮັດສິ່ງໃດໜື່ງເພື່ອທ່ານແລ້ວ ຄວນປ່ຽນວິທີອອກຄໍາສັ່ງມາເປັນການຮ້ອງຂໍ ເຖິງວ່າການຮ້ອງຂໍ ແລະການອອກຄໍາສັ່ງ ແມ່ນມີຈຸດປະສົງດຽວກັນ ກໍຄືການໃຫ້ຄົນອື່ນເຮັດສິ່ງໃດສິ່ງໜຶ່ງໃຫ້ສໍາເລັດເພື່ອເຮົາ ແຕ່ວິທີການ ແລະຄວາມຮູ້ສຶກຂອງຄົນຜູ້ທີ່ຖືກສັ່ງ ຫຼືຮ້ອງຂໍ ແມ່ນຕ່າງກັນຫຼາຍ ຍ້ອນວ່າການອອກຄໍາສັ່ງມັນເໝື່ອນດັງບັງຂັບເຂົາແບບບໍ່ເຕັມໃຈ.
  14. ຢ່າຕໍາໜິ ຫຼືວິຈາກຄົນອື່ນ: ໂດຍທໍາມະຊາດແລ້ວຄົນເຮົາ 99% ແມ່ນບໍ່ມັກການຖືກຕໍາໜິ ຫຼືວິພາກວິຈານຄົນອື່ນ ເຖິງວ່າມັນອາດຈະຖືກ ແລະມີເຫດຜົນຫຼາຍປານໃດກໍຕາມ ສະນັ້ນການຕໍາໜິວ່່າຄົນອື່ນຜິດນັ້ນ ແມ່ນບໍ່ໄດ້ສ້າງຜົນປະໂຫຍດຫຍັງເລີຍໃຫ້ແກ້ທ່ານ, ເພາະວ່າຝ່າຍທີ່ຖືກຕໍາໜິ “ມັກຈະຊອກຫາເຫດຜົນ ຫຼືຂໍ້ແກ້ຕົວ” ຮ້ອຍແປດພັນປະການ ເພື່ອເອົາມາຢັ້ງຢືນ ຫຼືສະໜັບສະໝູນການເຮັດຜິດຂອງຕົນເອງວ່າມັນຖືກຕ້ອງ ແລະມີເຫດຜົນຢູ່ສະເໝີເຊັ່ນວ່າ “ຄົນເຮົາມັກຈະເຫັນຄວາມຜິດຂອງຄົນອື່ນນັ້ນເທົ່າພູເຂົາ, ແຕ່ເຫັນຄວາມຜິດຂອງຕົນເອງເທົ່າເສັ້ນຜົມ”.
  15. ເວົ້າເຖິງຄວາມຜິດຂອງຕົນເອງກ່ອນຕໍາໜຄົນອື່ນ: ດັ່ງທີ່ຮູ້ນໍາກັນແລ້ວວ່າ ບໍ່ມີໃຜຢູ່ໃນໂລກນີ້ ທີ່ຕ້ອງການຖືກຕໍາໜິ ເຊິ່ງລວມເຖິງຕົວທ່ານເອງກໍບໍມັກໃຫ້ຄົນໃດມາຕໍາໜິ ເຖິງວ່າມັນຈະເປັນຄວາມຫວັງດີກໍຕາມ ສະນັ້ນຖ້າທ່ານບໍ່ມັກແລ້ວ ກໍບໍ່ຄວນໄປຕໍາໜິຄົນອື່ນ ເພາະວ່າພວກເຂົາກໍບໍ່ມັກຄືກັນ, ແຕ່ສົມມຸດວ່າທ່ານຈໍາເປັນຕ້ອງຕໍາໜິຄົນອື່ນແທ້ໆ ເພື່ອຕ້ອງການໃຫ້ພວກເຂົາຮູ້ສຶກຜິດ ແລະປ້ອງກັນບໍ່ໃຫ້ພວກເຂົາເຮັດຜິດພາດອີກເທື່ອໃໝ່ ທ່ານຕ້ອງມີສິລະປະໃນການຕໍາໜິ ຫຼືຕໍາໜິໃນແບບທີ່ສ້າງສັນ.
  16. ກ້າທີ່ຈະຍອມຮັບຜິດ: ຄົນສ່ວນຫຼາຍບໍ່ມັກຍອມຮັບວ່າຕົນເອງເປັນຝ່າຍຜິດ ຍ້ອນຄິດວ່າ ຖ້າຍອມຮັບຜິດໄປແລ້ວ ກໍຄືການທີ່ຕົນເອງເປັນຄົນທີ່ພ່າຍແພ້ ແລະເສຍກຽດ ເຖິງວ່າຈະມີຄົນຈໍານວນໜຶ່ງທີ່ຍອມຮັບວ່າຕົນເອງເປັນຝ່າຍຜິດກໍຕາມ ແຕ່ກໍໃຊ້ເວລາຫຼາຍ ເພື່ອທີ່ຈະທໍາໃຈຍອມຮັບຄວາມຈິງທີ່ວ່າຕົນເອງເປັນຝ່າຍຜິດແທ້ ນອກຈາກນີ້ ການທີ່ຄົນເຮົາບໍ່ຍອມຮັບວ່າຕົນເອງເປັນຝ່າຍຜິດ ເພາະວ່າຄົນເຮົາມັກຈະຍຶດຕິດກັບຄວາມເຊື່ອມທີ່ວ່າ “ສິ່ງທີ່ຕົນເອງເຮັດໄປແລ້ວນັ້ນ ມັນເປັນເລື່ອງທີ່ຖືກຕ້ອງ”.
  17. ຄວບຄຸມອາລົມຂອງຕົນເອງ: ຖ້າປ່ອຍໃຫ້ອາລົມ ຄວບຄຸມການກະທໍາຂອງຕົນເອງທ່ານຈະປະລາໄຊ.
  18. ມີຄວາມສັດຊື່, ຈິງໃຈ ແລະກະຕັນຍູຕໍ່ຜູ້ທີ່ມີບຸນຄຸນ: ບັນພະບູລຸດຂອງຈີນມີຄວາມເຊື້ອວ່າ ຄົນທີ່ປະສົບຜົນສໍາເລັດໃນຊີວິດ ຈະຕ້ອງມີຄວາມສັດຊື່, ຈິງໃຈ ແລະກະຕັນຍູຕໍ່ຜູ້ມີພະຄຸນ ເຊິ່ງວ່າຄວາມສັດຊື່, ຈິງໃຈ ແລະກະຕັນຍູ ບໍ່ແມ່ນມີໃຫ້ສະເພາະພໍ່ແມ່ ຫຼືຄູອາຈານເທົ່ານັ້ນ ຄວນມີຄວາມກະຕັນຍູຕໍ່ທຸກຄົນ ແລະທຸກໆສິ່ງທີ່ມີບຸນຄຸນ ລວມເຖິງປະເທດຊາດຂອງຕົນເອງ.
  19. ເປັນແມ່ແບບ: ປະຕິບັດຕົວເປັນແບບຢ່າງທີ່ດີ, ມີຈັນຍາບັນ ແລະສິນທໍາທີ່ດີ, ມີຄວາມຮູ້ເລື່ອງທຸລະກິດ, ມີຄວາມຍຸດຕິທໍາ, ສະຫຼາດ ແລະມີຄວາມສາມາດໂດຍລວແມ່ນດີ ແລະເຫັນຄຸນຄ່າຂອງພະນັກງານ.

ບົດຄວາມຫຼ້າສຸດ

ລົດບັນທຸກແກ່ຫີນ-ຊາຍ ທີ່ເຮັດ ຫີນ,ດິນ,ຊາຍ ເຮ່ຍຕາມຫົນທາງ ເຮັດໃຫ້ຖະໜົນເປິເປື້ອນ ຈະຖືກເຈົ້າໜ້າທີ່ປັບໄໝ

ເຈົ້າໜ້າທີ່ຈະປັບໄໝ ລົດບັນທຸກແກ່ຫີນ-ຊາຍ ທີ່ເຮັດ ຫີນ,ດິນ,ຊາຍ ເຮ່ຍຕາມຫົນທາງ ເຮັດໃຫ້ຖະໜົນເປິເປື້ອນ. ພທ ຄຳພູ ສົມແພງພັນ ຮອງຫົວໜ້າພະແນກຕຳຫຼວດຈາລະຈອນ ຫ້ອງຕຳຫຼວດ ປກສ ນະຄອນຫຼວງວຽງຈັນ ໄດ້ໃຫ້ສຳພາດວ່າ: ອີງຕາມປະກົດການຫຍໍ້ທໍ້ທີ່ເກີດຂຶ້ນໃນສັງຄົມ...

ປຶກສາຫາລື 5 ຫົວຂໍ້ສຳຄັນ ໃນກອງປະຊຸມສະໄໝສາມັນ ຂອງລັດຖະບານ ປະຈຳເດືອນກຸມພາ 2025

ໄຂກອງປະຊຸມສະໄໝສາມັນ ຂອງລັດຖະບານ ປະຈຳເດືອນກຸມພາ 2025 ກອງປະຊຸມສະໄໝສາມັນຂອງລັດຖະບານ ປະຈຳເດືອນກຸມພາ 2025 ໄດ້ໄຂຂຶ້ນໃນຕອນເຊົ້າວັນທີ 27 ກຸມພາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງທ່ານ ສອນໄຊ ສີພັນດອນ,...

ເຮືອບິນກອງທັບຊູດານ ເກີດອຸບັດຕິເຫດຕົກໃສ່ເຂດຊຸມຊົນ ເຮັດໃຫ້ມີຜູ້ເສຍຊີວິດ 46 ຄົນ

ເສຍຊີວິດເພີ່ມ 46 ຄົນ ຈາກເຫດເຮືອບິນກອງທັບຊູດານຕົກໃນເຂດຊຸມຊົນ. ສຳນັກຂ່າວຕ່າງປະເທດລາຍງານໃນວັນທີ 26 ກຸມພາ 2025 ເກີດເຫດເຮືອບິນຂອງກອງທັບຊູດານເກີດອຸບັດຕິເຫດຕົກໃນ ເມືອງອອມດູມານ ພາກກາງຂອງປະເທດ ໃນວັນອັງຄານຜ່ານມາ ເຮັດໃຫ້ມີຜູ້ເສຍຊີວິດຢ່າງນ້ອຍ 46 ຄົນ...

ທຫລ ປະກາດໃຊ້ ຂໍ້ຕົກລົງວ່າດ້ວຍການ ຄຸ້ມຄອງບັນຊີເງິນຝາກເງິນຕາຕ່າງປະເທດຢູ່ ລາວ

ທຫລ ປະກາດໃຊ້ ຂໍ້ຕົກລົງວ່າດ້ວຍການ ຄຸ້ມຄອງບັນຊີເງິນຝາກເງິນຕາຕ່າງປະເທດຢູ່ ລາວ ໃນວັນທີ 26 ກຸມພາ 2025 ນີ້, ທ່ານ ອາລຸນ ບຸນຍົງ ຮອງຜູ້ວ່າການ ທະນາຄານແຫ່ງ...