ນັກວິທະຍາສາດການເມືອງ ເຕືອນປັນຫາຈໍານວນເຈົ້າໜ້າທີ່ຮັບມືເທດສະການປີໃໝ່ເປີດຊ່ອງໃຫ້ກຸ່ມກໍ່ການຮ້າຍໂຈມຕີຢຸໂຣບຊ່ວງທ້າຍປີ.
ອີງຕາມສໍານັກຂ່າວຕ່າງປະເທດລາຍງານວັນທີ 27 ທັນວາ ທີ່ຜ່ານມາວ່າ: ກຸ່ມກໍ່ການຮ້າຍເລັ່ງກໍ່ເຫດເປົ້າໝາຍມຸ່ງໄປທີ່ຊາດຕະເວັນຕົກໃນຊ່ວງເທດສະການວັນສົ່ງທ້າຍປີເກົ່າ ທີ່ຈະເປີດໂອກາດໃຫ້ກໍ່ເຫດໄດ້ ໂດຍ ໂຄລິນ ຄະລາຣ໌ກ ນັກວິທະສາດການເມືອງ ແລະຜູ້ຊ່ຽວຊານດ້ານການກໍ່ການຮ້າຍ ເຕືອນວ່າ ຈະເກີດເຫດການຮ້າຍຫຼາຍຢ່າງໃນປີນີ້ ໂດຍຄໍາຂູ່ນີ້ມາຈາກກຸ່ມກໍ່ການຮ້າຍລັດອິດສະລາມອິລັກ ແລະຊີເຣຍ ຫຼືກຸ່ມໄອຊິສ ທີ່ມາຈາກປັນຫາເຈົ້າໜ້າທີ່ ອາດນໍາໄປສູ່ການໂຈມຕີໃນເມືອງນີຊ ຫຼືປາຣີດ.
ໂດຍຊີ້ວ່າ ການລວມຕົວກັນຈໍານວນຫຼາຍຂອງປະຊາຊົນໃນຊ່ວງເທດສະການປີໃໝ່ ເຮັດໃຫ້ເຈົ້າໜ້າທີ່ຕ້ອງກະຈາຍກໍາລັງ ເພື່ອການກວດສອບ ລວມເຖິງການຈູດພຸໄຟສະເຫຼີມສະຫຼອງຍິ່ງເຮັດໃຫ້ງ່າຍຕໍ່ການອາໄສຈັງຫວະສໍາຫຼັບການກໍ່ເຫດໄດ້ງ່າຍຂຶ້ນ.
ນອກຈາກນີ້ ຍັງຫວັ່ນວ່າກຸ່ມກໍ່ການຮ້າຍ ແລະກຸ່ມອາຊະຍາກໍາໃນຢຸໂຣບ ອາດຮ່ວມມືກັນກໍ່ເຫດໃນຊ່ວງເທດສະການນີ້ດ້ວຍ ອາດຈະເກີດເຫດທີ່ເບລຢ່ຽມ ຫຼືເຢຍລະມັນ ດ້ວຍກໍເປັນໄດ້.