spot_img
Homeຂ່າວເຫດການມອບ - ຮັບ​ໜ້າ​ທີ່ ​ຫົວໜ້າ​ຫ້ອງ​ວ່າການ​ສູນ​ກາງ​ພັກ

ມອບ – ຮັບ​ໜ້າ​ທີ່ ​ຫົວໜ້າ​ຫ້ອງ​ວ່າການ​ສູນ​ກາງ​ພັກ

Published on

mop-hup

 

ພິທີ​ມອບ-ຮັບ​ໜ້າ​ທີ່​ຫົວໜ້າ​ຫ້ອງ​ວ່າການ​ສູນ​ກາງ​ພັກ ລະຫວ່າງສະຫາຍ ດຣ ບຸນ​ປອນ ບຸດ​ຕະນະ​ວົງ

ກຳມະການ​ກົມ​ການ​ເມືອງ​ສູນ​ກາງ​ພັກ, ​ເລຂາທິການ​ສູນ​ກາງ​ພັກ, ​ຫົວໜ້າ​ຫ້ອງ​ວ່າການ​ສູນ​ກາງ​ພັກ

(ຜູ້​ເກົ່າ)​ ເຊິ່ງ​ໄປ​ຮັບ​ໜ້າ​ທີ່​ເປັນຮອງນາຍົກລັດຖະມົນຕີ ຢູ່​ຫ້ອງ​ວ່າການ​ລັດຖະບານ ​ແລະ ສະຫາຍ ດຣ

ຄຳ​ພັນ ພົມ​ມະ​ທັດ ກຳມະການ​ສູນ​ກາງ​ພັກ,​ ເລຂາ​ພັກ​ແຂວງ, ​ເຈົ້າ​ແຂວງໆ​ອັດ​ຕະປື ຜູ້​ເກົ່າມາ​ເປັນຫົວ

ໜ້າ​ຫ້ອງວ່າການ​ສູນ​ກາງ​ພັກຜູ້​ໃໝ່,​​ ໄດ້ມີ​ຂຶ້ນ​ໃນ​ວັນ​ທີ 1 ສິງຫາຜ່ານມານີ້, ທີ່​ຫ້ອງ​ວ່າການ​ສູນ​ກາງ​ພັກ

​ໂດຍ​ເປັນ​ກຽດ​ເຂົ້າ​ຮ່ວມ​ຂອງສະຫາຍ ບຸນ​ຍັງ ວໍລະ​ຈິດ ກຳມະການ​ກົມ​ການ​ເມືອງ​ສູນ​ກາງ​ພັກ, ຜູ້​ປະຈຳ

ການ​ຄະນະ​ເລຂາທິການ​ສູນ​ກາງ​ພັກ, ຮອງ​ປະທານ​ປະ​ເທດ​ແຫ່ງ ສ ປປ ລາວ, ມີ​ຜູ້ຕາງໜ້າ​ຄະນະ​ຈັດຕັ້ງ

ສູນ​ກາງ​ພັກ, ຄະນະ​ພັກ, ຄະນະ​ຫ້ອງ​ວ່າການ​ສູນ​ກາງ​ພັກ ແລະ ພະນັກງານ​ພາຍ​ໃນ​ຫ້ອງ​ວ່າການສູນ​ກາງ

​ພັກເຂົ້າຮ່ວມ.

 

ການມອບ-ຮັບໜ້າ​ທີ່​ດັ່ງກ່າວ ​ແມ່ນ​ປະຕິບັດ​ຕາມ​ຄຳ​ສັ່ງ​ຂອງ​ກົມ​ການ​ເມືອງ​ສູນ​ກາງ​ພັກ, ສະ ບັບ​ເລກທີ

05/ກມສພ ລົງ​ວັນ​ທີ 03/07/2014 ວ່າ​ດ້ວຍ​ການ​ໂຍກ​ຍ້າຍ​ພະນັກງານ​ການ​ນຳ​ຂັ້ນສູງ​ຮັບ​ໜ້າ​ທີ່​ໃໝ່ ​ແລະ

ມະຕິ​ຕົກລົງ​ຂອງ​ກົມ​ການ​ເມືອງ​ສູນ​ກາງ​ພັກ, ສະບັບ​ເລກທີ 09/ກມສພ ລົງ​ວັນ​ທີ 03/07/2014 ວ່າ​ດ້ວຍ​

ການ​ແຕ່ງຕັ້ງ​ເລຂາ​ຄະນະ​ບໍລິຫານ​ງານ​ພັກ, ຫົວໜ້າ​ຫ້ອງ​ວ່າການ​ສູນ​ກາງ​ພັກ.

 

ໃນ​ໂອກາດ​ນີ້, ສະຫາຍ ບຸນ​ຍັງ ວໍລະ​ຈິດ ​ໄດ້​​ໃຫ້​ກຽດໂອ້​ລົມ​​ໂດຍມີ​ເນື້ອບາງ​ຕອນ​ໃນ​ວ່າ: ການ​ສັບປ່ຽນ​ໜ້າທີ່

ບ່ອນ​ປະຈຳການ​ຂອງ​ພະນັກງານ​ການ​ນຳ​ຂັ້ນສູງ​ ແມ່ນ​ໄດ້​ປະຕິບັດ​ມາ​ຢ່າງ​ເປັນ​ປົກກະຕິ ບໍ່​ວ່າ​ຢູ່​ສູນ​ກາງ​ກໍ​ຄື​

ຢູ່​ທ້ອງ​ຖິ່ນ ​ເຊິ່ງມັນ​ໄດ້​ກາຍ​ເປັນ​ຫລັກການ, ລະບຽບ​ການ​ຂອງ​ພັກ​ທີ່​ໄດ້​ກຳນົດ​ໄວ້​ເຊິ່ງທຸກ​ຄົນ​ຕ້ອງ​ໄດ້​ປະຕິ

ບັດ ທັງ​ນີ້ກໍ​ເພື່ອ​ໃຫ້​ສອດຄ່ອງ​ກັບ​ຄວາມ​ຮຽກຮ້ອງ​ຕ້ອງການ​ຂອງ​ໜ້າ​ທີ່​ວຽກ​ງານ ແລະ ສະພາບ​ເງື່ອນ​ໄຂ​

ຕົວ​ຈິງ​ຂອງປະ​ເທດ.

 

ພ້ອມ​ນີ້, ສະຫາຍ​ຍັງ​ໄດ້​ເນັ້ນໃຫ້ສະຫາຍ​ຫົວໜ້າ​ຫ້ອງວ່າການ​ສູນ​ກາງ​ພັກ ກໍ​ຄືຄະນະ​ພັກ, ຄະນະ​ຫ້ອງ​ວ່າການ

​ສູນ​ກາງ​ພັກ ສືບຕໍ່​ຊີ້ນຳ​-ນຳພາ​ວຽກ​ງານ​ການ​ເມືອງ​ແນວ​ຄິດໃຫ້​ມີ​ຄວາມ​ສະຫງົບ, ໜັກ​ແໜ້ນ ​ແລະ ອຸ່ນ​ອ່ຽນ

​ທຸ່ນ​ທ່ຽງ​ຕໍ່ໜ້າ​ທີ່​ວຽກ​ງານ​ທີ່​ໄດ້​ຮັບ​ມອບ​ໝາຍ, ​ເສີມ​ຂະຫຍາຍ​ຈຸດ​ດີ,​ ແກ້​ໄຂ້​ຈຸດ​ອ່ອນ​ຂໍ້ຄົງຄ້າງ, ມີ​​ແບບ​ແຜນ

​ວິທີ​ເຮັດ​ວຽກ, ສືບຕໍ່​ນຳພາ​ພະນັກງານ, ສະມາຊິກ​ພັກ​ຈັດຕັ້ງປະຕິບັດ​ວຽກ​ງານ​ເປັນ​ເສນາ​ທິການ​ຂອງ​ສູນ​ກາງ​

ພັກ ກໍ​ຄືກຳມະການ​ກົມ​ການ​ເມືອງ​ສູນ​ກາງ​ພັກ ​ແລະ ຄະນະ​ເລຂາທິການ​ສູນ​ກາງ​ພັກ ​ໃຫ້​ນັບ​ມື້​ໄດ້​ຮັບ​ການ​ປັບ

ປຸງ​ດີ​ຂຶ້ນ,​ເອົາ​ໃຈ​ໃສ່​ຕ້ານ ​ແລະ ສະກັດ​ກັ້ນ​ເລ້ຫລ່ຽມ, ກົນອຸບາຍ​ ​ແລະ ​ຖ້ອຍ​ທຳນອງໃສ່​ຮ້າຍ​ປ້າຍ​ສີ, ປັ່ນ​ປ່ວນ​

ແບ່ງ​ແຍກ​ພາຍ​ໃນ​ການ​ນຳ ກໍ​ຄື​ພາຍ​ໃນ​ພັກຂອງ​ພວກ​ສັດຕູ​, ກຸ່ມ​ຄົນ​ບໍ່​ດີທີ່​ຫວັງ​ທຳລາຍ​ມ້າງ​ເພ​ພວກ​ເຮົາ​ຕະ

ຫລອດ​ມາ.

 

ແຫຼ່ງຂ່າວ: http://laophatthananews.blogspot.com/2014/08/blog-post_61.html

ບົດຄວາມຫຼ້າສຸດ

ຍອດຜູ້ເສຍຊີວິດທະລຸ 1,400 ຄົນ ຈາກເຫດແຜ່ນດິນໄຫວໃນອັບການິສຖານ

ອັບເດດຍອດຜູ້ເສຍຊີວິດຈາກເຫດການແຜ່ນດິນໄຫວໃນອັບການິສຖານ ຄວາມຮຸນແຮງ 6.0 ຣິກເຕີ ຫຼ້າສຸດມີລາຍງານການເສຍຊີວິດເພີ່ມຂຶ້ນເປັນ 1,400 ຄົນ ແລະ ບາດເຈັບອີກຫຼາຍພັນຄົນ. ອີງຕາມສຳນັກຂ່າວຮອຍເຕີລາຍງານໃນວັນທີ 2 ກັນຍາ 2025, ກ່ຽວກັບເຫດການແຜ່ນດິນໄຫວໃນອັບການິສຖານ ເຮັດໃຫ້ມີຍອດຜູ້ເສຍຊີວິດເພີ່ມຂຶ້ນເປັນ...

ຫວຽດນາມ ຈັດພິທີສະຫລອງ 80 ປີ ການປະຕິວັດເດືອນສິງຫາ ແລະ ວັນຊາດ.

ສະເຫຼີມສະຫຼອງຢ່າງຍິ່ງໃຫຍ່! ປະທານປະເທດແຫ່ງ ສປປ ລາວ ເຂົ້າຮ່ວມ ພິທີສະເຫລີມສະຫລອງ 80 ປີ ການປະຕິວັດເດືອນສິງຫາທີ່ສຳເລັດຜົນ ແລະ ວັນຊາດ ສສ ຫວຽດນາມ. ໃນເຊົ້າວັນທີ 2...

ສຕລ ປະກາດລາຍຊື່ 22 ນັກເຕະລາວ ລຸຍບານເຕະຊີງແຊ້ມອາຊີ U23 ຮອບຄັດເລືອກ 2026 ທີ່ປະເທດອິນໂດເນເຊຍ

ປະກາດລາຍຊື່ 22 ນັກເຕະລາວ ເຂົ້າຮ່ວມການແຂ່ງຂັນບານເຕະຊີງແຊ້ມອາຊີ U23 ຮອບຄັດເລືອກ 2026 ທີ່ປະເທດອິນໂດເນເຊຍ. ທີມຊາດລາວຮຸ່ນອາຍຸບໍ່ເກີນ23 ປີ ຫຼື U23 ພາຍໃຕ້ການຄຸມທີມຂອງ ທ່ານ ຮາ...

ລໍ້າໜ້າໄປອີກຂັ້ນ 10G ຈາກຈີນໄວທີ່ສຸດໃນໂລກ ດາວໂຫຼດຂໍ້ມູນ 20GB ໃນເວລາ 20 ວິນາທີ

ເຊິ່ງໃນກ່ອນໜ້ານີ້ປະເທດຍີ່ປຸ່ນໄປເປີດໂຕ 6G ທີ່ໄວທີ່ສຸດໃນໂລກເຊິ່ງມີກຳນົດນນຳໃຊ້ໃນຕົ້ນປີ 2030, ແຕ່ຕອນນີ້ປະເທດຈີນໄດ້ເປີດໂຕບໍລິການອິນເຕີເນັດບຣອດແບນຄວາມໄວ 10 Gbps ຕໍ່ວິນາທີ (10G) ເປັນຄັ້ງທຳອິດຂອງໂລກ. ໂຄງການນີ້ເປັນການຮ່ວມມືລະຫວ່າງບໍລິສັດ China Unicom ແລະ ບໍລິສັດ...