ເມືອງຫົງສາກ້າວໜ້າໄວ ດຽວນີ້ລາຍຮັບສະເລ່ຍຕໍ່ຄົນໄດ້ແລ້ວ 12 ລ້ານກີບ, ລະບຸສ່ວນໃຫຍ່ໄດ້ຈາກການຜະລິດ
ກະສິກຳເປັນສິນຄ້າ ແລະ ພວມສຸມໃສ່ຫຼາຍຂະແໜງການ ໃຫ້ປະຊາຊົນມີລາຍຮັບເພີ່ມເທົ່າຕົວໃນປີ 2019.
ທ່ານ ເພັດພິໄຊ ສູນວິໄລ ເຈົ້າເມືອງໆຫົງສາ ແຂວງໄຊຍະບູລີ ໃຫ້ການສຳພາດຕໍ່ນັກຂ່າວເມືອງໃນຕົ້ນອາທິດນີ້
ວ່າ: ການພັດທະນາເສດຖະກິດ - ສັງຄົມຢູ່ພາຍໃນເມືອງຫົງສາ ມາຮອດປະຈຸບັນແມ່ນມີການພັດທະນາຂຶ້ນຢ່າງ
ຕໍ່ເນື່ອງຫຼັງຈາກປີ 2009 ເປັນຕົ້ນມາ ລວມຍອດລາຍຮັບທົ່ວເມືອງບັນລຸໄດ້ 354 ຕື້ກວ່າກີບ ສະເລ່ຍໃສ່ຫົວຄົນ
ໜຶ່ງໄດ້ 12 ລ້ານກວ່າກີບ ຫຼື ເທົ່າກັບ 1.600 ໂດລາຕໍ່ຄົນຕໍ່ປີ, ທຽບໃສ່ແຜນການ 5 ປີ ປະຕິບັດລື່ນຄາດໝາຍ
100 ກວ່າໂດລາຕໍ່ຄົນຕໍ່ປີ ຊຶ່ງລາຍຮັບສ່ວນຫຼາຍໄດ້ຈາກການຜະລິດກະສິກຳ 38% ອຸດສາຫະກຳ 27%, ການບໍລິ
ການ 35% .
ປະຈຸບັນເມືອງຫົງສາແມ່ນເລັ່ງໃສ່ການຈັດຕັ້ງປະຕິບັດໂຄງການ ມີທັງໝົດ 43 ໂຄງການມູນຄ່າທັງໝົດ 114 ຕື້
ກວ່າກີບ ໃນນີ້ລົງທຶນຂອງລັດ 17 ໂຄງການມູນຄ່າ 73 ຕື້ກວ່າກີບ, ທຶນກູ້ຢືມ ແລະ ຊ່ວຍເຫຼືອຫຼ້າ 18 ໂຄງການມູນ
ຄ່າ 37 ຕື້ກວ່າກີບ ແລະ ການລົງທຶນຂອງເອກະຊົນ 8 ໂຄງການ ມູນຄ່າ 4 ຕື້ກວ່າກີບ.
ມາຮອດປະຈຸບັນໄດ້ຈັດຕັ້ງປະຕິບັດສຳເລັດແລ້ວ 26 ໂຄງການມູນຄ່າ 28 ຕື້ກວ່າກີບ ແລະ ໃນແຜນການຕໍ່ໜ້າ
ຈະສູ້ຊົນເຮັດໃຫ້ເສດຖະກິດຂະຫຍາຍຕົວໃນຈັ່ງຫວະບໍ່ໃຫ້ລຸດ 12% ຕໍ່ປີ, ຮອດປີ 2019 ລວມຍອດລາຍຮັບຈະໃຫ້
ບັນລຸ 756 ຕື້ກວ່າກີບສະເລ່ຍໃສ່ຫົວຄົນໜຶ່ງໄດ້ 24 ລ້ານກວ່າກີບ ຫຼື ເທົ່າກັບ 3.000 ໂດລາຕໍ່ຄົນຕໍ່ປີ.
ແຫຼ່ງຂ່າວ: http://www.sedthakid.la/home/khao/19737.html