ບັນຫາດ້ານໂພຊະນາການນ້ຳສະອາດ ແລະ ວິດຖ່າຍ ໄດ້ກາຍເປັນບັນຫາທ້າທາຍຕໍ່ ສປປ ລາວ ທີ່ອາດຈະເຮັດໃຫ້
ເປົ້າໝາຍສະຫັດສະວັດໃນປີ 2020 ແກ່ຍາວອອກໄປ, ຫຼ້າສຸດສະພາແຫ່ງຊາດ ໄດ້ອະນຸມັດງົບປະມານປະຈຳສົກປີ
ນີ້ ໃຫ້ກັບລັດຖະບານຈຳນວນ 2.015 ຕື້ກີບ ລວມທັງທຶນຊ່ວຍເຫຼືອລ້າຈາກສາກົນນຳອີກ ເພື່ອສຸມໃສ່ຂະແໜງສາ
ທາລະນະສຸກ ພ້ອມກັບຈັດສັນງົບປະມານດັ່ງກ່າວ ໃຫ້ມີຄວາມດຸນດ່ຽງກັນລະຫວ່າງສູນກາງ ແລະ ທ້ອງຖິ່ນ.
ທ່ານ ສຈ.ດຣ. ເອກສະຫວ່າງ ວົງວິຈິດ ລັດຖະມົນຕີວ່າການກະຊວງສາທາລະນະສຸກ ໄດ້ລາຍງານຢູ່ໃນກອງປະຊຸມ
ສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ VII ເມື່ອວັນທີ 11 ກໍລະກົດ 2014 ໄດ້ຮູ້ວ່າ: ອັດຕາສ່ວນເດັກນ້ອຍ
ລຸ່ມ 5 ປີ ທີ່ມີນ້ຳໜັກຕ່ຳກວ່າມາດຖານ ເຫັນວ່າມີຄວາມຄືບໜ້າຊ້າ ແລະ ມີຄວາມສ່ຽງທີ່ຈະບໍ່ບັນລຸໄດ້ຢ່າງເຕັມອັດ
ຕາ ເພາະຈຳນວນເດັກນ້ອຍທີ່ຂາດອາຫານຊຳເຮື້ອ (ເຕ້ຍ ມີນ້ຳໜັກຕ່ຳກວ່າມາດຖານ) ໃນປີ 2012 ບັນລຸພຽງແຕ່
44% ເທົ່ານັ້ນ ຄາດວ່າໃນປີ 2015 ຈະໃຫ້ບັນລຸ 34% ເຊິ່ງສາເຫດທີ່ຈະບໍ່ບັນລຸ ເນື່ອງຈາກວຽກງານດັ່ງກ່າວ ຕ້ອງໃຊ້
ເວລາພໍສົມຄວນ ໃນການຈັດຕັ້ງປະຕິບັດດ້ານງົບປະມານ ແລະ ປະສານກັບກະຊວງທີ່ກ່ຽວຂ້ອງ.
ທັງນີ້ ຈຳນວນງົບປະມານ 2.015 ຕື້ກີບຈະເທົ່າກັບ 8,8% ຂອງງົບປະມານລາຍຈ່າຍແຫ່ງຊາດທັງໝົດ ເຊິ່ງທ້ອງຖິ່ນ
ຈະໄດ້ສ່ວນແບ່ງ 58% ສູນກາງຈະໄດ້ 42% ເພື່ອສະໜອງເຂົ້າໃນບັນດາໂຄງການຕ່າງໆ ທີ່ຕິດພັນກັບສາທາລະນະສຸກ
ທັງໃນສູນກາງ ແລະ ທ້ອງຖິ່ນ ໃຫ້ໄດ້ຮັບປະສິດທິຜົນ.
ແຫຼ່ງຂ່າວ: http://vientianemai.net/teen/khao/1/12334