spot_img
Homeມຸມຂ່າວ AECລາວ – ໄທ ຮ່ວມເປັນເຈົ້າພາບ ຈັດກອງປະຊຸມຫາລື ພັດທະນາວົງການແພດຕາ ໃນຂົງເຂດອາຊຽນ

ລາວ – ໄທ ຮ່ວມເປັນເຈົ້າພາບ ຈັດກອງປະຊຸມຫາລື ພັດທະນາວົງການແພດຕາ ໃນຂົງເຂດອາຊຽນ

Published on

ສູນປິ່ນປົວ ແລະ ຮັກສາສຸຂະພາບຕາ ກະຊວງສາທາລະນະສຸກ ສປປ ລາວ ຮ່ວມກັບ ຄະນະແພດສາດ ມະຫາວິທະຍາໄລທໍາມະສາດ ແຫ່ງ ຣາຊະອານາຈັກໄທ ເປັນເຈົ້າພາບຈັດກອງປະຊຸມ AECOM ຄັ້ງທີ 4 ແລະ ກອງປະຊຸມ ICOISG ພ້ອມດ້ວຍກອງປະຊຸມປະຈໍາປີຂອງສະມາຄົມແພດຕາລາວ ເຊິ່ງຈະຈັດຂຶ້ນເປັນເວລາ 2 ວັນ (ວັນທີ 11-12 ທັນວາ 2016) ໂດຍມີຊ່ຽວຊານ ແລະ ຄະນະຜູ້ແທນຈາກບັນດາປະເທດສະມາຊິກອາຊຽນ ພ້ອມພະນັກງານວິຊາການທີ່ກ່ຽວຂ້ອງຫຼາຍກວ່າ 50 ທ່ານ.

ສໍາລັບພິທີໄຂກອງປະຊຸມ AECOM ຄັ້ງທີ 4 ໄດ້ຈັດຂຶ້ນໃນຕອນເຊົ້າວັນທີ 11 ທັນວາ 2016 ໂຮງແຮມດອນຈັນພາເລດ ນະຄອນຫຼວງວຽງຈັນ ໂດຍການເຂົ້າຮ່ວມຂອງ ທ່ານ ບຸນກອງ ສີຫາວົງ ລັດຖະມົນຕີກະຊວງສາທາລະນະສຸກ ແຫ່ງ ສປປ ລາວ ມີທ່ານ ຄໍາພົ້ວ ສຸດທິສົມບັດ ອໍານວຍການສູນປິ່ນປົວ ແລະ ຮັກສາສຸຂະພາບຕາ ກະຊວງສາທາລະນະສຸກ ມີບັນດາຊ່ຽວຊານ ຄະນະຜູ້ແທນປະເທດສະມາຊິກອາຊຽນເຂົ້າຮ່ວມ.

ທ່ານລັດຖະມົນຕີກະຊວງສາທາລະນະສຸກ ແຫ່ງ ສປປ ລາວ ກ່າວວ່າ ໃນທ້າຍເດືອນທັນວາ 2015 ຜ່ານມາ ບັນດາປະຊາຄົມເສດຖະກິດອາຊຽນ ໄດ້ຮັບຮອງເອົາຖະແຫຼງການ ວ່າດ້ວຍການສ້າງປະຊາຄົມເສດຖະກິດ ໃຫ້ເປັນໜຶ່ງດຽວ ສ້າງປະຊາຄົມອາຊຽນໃຫ້ມີຄວາມເຂັ້ມແຂງ ແລະ ເດີນໜ້າໄປພ້ອມໆກັນທຸກດ້ານ ເຊິ່ງໄດ້ເປັນຂີດໝາຍສໍາຄັນໃນການພັດທະນາຮ່ວມກັນ ສໍາລັບກອງປະຊຸມໃນຄັ້ງນີ້ມີຄວາມໝາຍ ແລະ ຄວາມສໍາຄັນຫຼາຍ ເພື່ອຊ່ອຍເຫຼືອເຊິ່ງກັນແລະກັນ ພັດທະນາດ້ານວິຊາການໃນບັນດາປະເທດອາຊຽນໃຫ້ມີຄວາມກ້າວໜ້າ ແລະ ແຂງແກ່ນເທົ່າທຽມກັນກັບພາກພື້ນ ແລະ ສາກົນ ເຊິ່ງບໍ່ພຽງແຕ່ລົງເລິກຄົ້ນຄວ້າ ແລກປ່ຽນ ຖອດຖອນບົດຮຽນ ແລະ ປະສົບການດ້ານວິຊາການເທົ່ານັ້ນ ແຕ່ກໍເປັນການເສີມສ້າງຄວາມເຂົ້າໃຈ ເພື່ອເພີ່ມທະວີການຊ່ອຍເຫຼືອເຊິ່ງກັນ ແລະ ກັນ ສ້າງສາຍສໍາພັນທີ່ດີ ແລະ ເປັນເພື່ອມິດທີ່ດີຮ່ວມກັນ.

ສ່ວນຜົນຂອງກອງປະຊຸມໃນເທື່ອນີ້ຈະເກີດປະໂຫຽດສູງສຸດໃນການຍົກສູງຄຸນະພາບການບໍລິການຕາ ການພັດທະນາບຸກຄະລາກອນດ້ານການແພດຕາໃນບັນດາປະເທດອາຊຽນໃຫ້ກ້າວສູ່ມາດຕະຖານດຽວກັນໃນອະນາຄົດ ທັງນີ້ກໍເພື່ອເຮັດໃຫ້ສະມາຄົມແພດຕາອາຊຽນພ້ອມກັນກ້າວຂຶ້ນຢ່າງບໍ່ຢຸດຢັ້ງ.

 

ແຫລ່ງຂ່າວ:

ວຈທດ
ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...