ພະຍາດມະເຮັງເຕົ້ານົມ ເປັນພະຍາດທີ່ຜູ້ຍິງຫຼາຍຄົນຮູ້ດີວ່າ ສ່ວນຫຼາຍຄວາມສ່ຽງທີ່ຈະເກີດພະຍາດນີ້ມາຈາກການກິນອາຫານເປັນສ່ວນໃຫຍ່, ແຕ່ຮູ້ບໍວ່າ ຍັງມີໝາກໄມ້ທີ່ຊ່ວຍຕ້ານມະເຮັງໄດ້ ເຊິ່ງໝາກໄມ້ 8 ຊະນິດນີ້ຊ່ວຍຕ້ານມະເຮັງເຕົ້ານົມໄດ້ ເຊິ່ງສາວໆຫຼາຍຄົນຄວນຮູ້ໄວ້
- ໝາກກ້ຽງ: ນອກຈາກມີວິຕາມິນຊີແລ້ວ ຍັງມີປະໂຫຍດຊ່ວຍຕ້ານມະເຮັງ ໂດຍສະເພາະມະເຮັງເຕົ້ານົມ ເພາະມີສານແຄໂຣທີນນອຍສູງເຖິງ 60-70%
- ໝາກຫຸ່ງ: ເປັນໝາກໄມ້ທີ່ມີວິຕາມິນເອ, ວິຕາມິນຊີ, ຟອສຟໍຣັດ, ແຄວຊຽມ ແລະທາດເຫຼັກ, ນອກນັ້ນຍັງບຳລຸງສາຍຕາ ແລະຊ່ວຍຕ້ານມະເຮັງໄດ້ດີ
- ໝາກແອັບເປິ່ນ: ມີການວິໄຈພົບວ່າ ໝາກແອັບເປິ່ນ ຫາກກິນມື້ລະໜ່ວຍ ຈະຊ່ວຍຫຼຸດການເກີດມະເຮັງໄດ້ ເພາະໃນແອັບເປິ່ນມີສານຕ້ານອະນຸມູນອິດສະລະສູງ, ມີໄຟເບີ ແລະສານອາຫານອື່ນໆອີກຫຼາຍຢ່າງ
- ໝາກໄມ້ຕະກູນເບີລີ່: ເປັນຕົ້ນແມ່ນສະຕໍເບີລີ່, ບູເບີລີ່ ເພາະມີສານຕ້ານອະນຸມູນອິດສະລະ ແລະມີປະໂຫຍດຕ້ານມະເຮັງ ແລະມີການວິໄຈວ່າ ໝາກໄມ້ຕະກູນນີ້ ຈະຊ່ວຍຫຼຸດການເກີດມະເຮັງເຕົ້ານົມ
- ໝາກໝັ້ນ: ມີການວິໄຈພົບວ່າ ໝາກໝັ້ນ ມີສານຕ້ານອະນຸມູນອິດສະລະສູງ ແລະຊ່ວຍປ້ອງກັນເຊວມະເຮັງໄດ້ອີກດ້ວຍ
- ໝາກມັນດ້າງ: ຢູ່ໃນມັນດ້າງມີໄຟເບີ, ວິຕາມິນຊີ ແລະວິຕາມິນເອ, ສານຕ້ານອະນຸມູນອິດສະລະ, ກົດຄາເຟອິກແລ້ວ ຍັງມີການວິໄຈພົບວ່າມີສານຕ້ານມະເຮັງໄດ້ອີກ
- ໝາກມັງຄຸດ: ສານສະກັດຈາກມັງຄຸດ ຊ່ວຍໃຫ້ການສ້າງເມັດເລືອດຂາວ TH1 TH17 ທີ່ມີຄຸນສົມບັດຊ່ວຍຕ້ານມະເຮັງໄດ້ເກືອບທຸກຊະນິດ ລວມເຖິງມະເຮັງເຕົ້ານົມນຳອີກ
- ໝາກພິລາ: ມີສານຕ້ານອະນຸມູນອິດສະລະຫຼາຍຊະນິດທີ່ມີປະສິດທິພາບສູງ ແລະມີໄຟໂຕນິວທຽນ, ກົດເອລລາຈິກ ເຊິ່ງມີຄຸນສົມບັດຊ່ວຍປ້ອງກັນການປ່ຽນແປງຂອງເຊວໃນຮ່າງກາຍ ແລະຊ່ວຍຢັບຢັ້ງການຂະຫຍາຍຕົວຂອງເຊວທີ່ຜິດປົກກະຕິ ເຊິ່ງມັນອາດກໍ່ໃຫ້ເກີດເປັນມະເຮັງໄດ້ ໂດຍສະເພາະມະເຮັງຜິວໜັງ, ມະເຮັງຕັບ, ມະເຮັງເຕົ້ານົມ, ມະເຮັງຕ່ອມລູກໝາກ ແລະມີສານຕ້ານມະເຮັງປາກມົດລູກໄດ້ອຮກດ້ວຍ
ຕິດຕາມນານາສາລະ ກົດໄລຄ໌ເລີຍ!