spot_img
Homeຂ່າວການສຶກສານັກສຶກສາລາວຜູ້ທຳອິດ ເຂົ້າຮ່ວມແຂ່ງຂັນ Microsoft Office ລະດັບໂລກ

ນັກສຶກສາລາວຜູ້ທຳອິດ ເຂົ້າຮ່ວມແຂ່ງຂັນ Microsoft Office ລະດັບໂລກ

Published on

ພວກ​ເຮົາ​ກຽມ​ ລໍຖ້າ​ຟັງ​ຂ່າວດີ​ຈາກ ​ທ້າວ ແສງ​ໄຊ ໄຊ​ຍະ​ຈັກ ທີ່​ເປັນ​ຕົວ​ແທນ​ ໃຫ້​ແກ່​ນັກ​ສຶກ​ສາລາວ​ ຜູ້​ທຳ​ອິດ

​ທີ່​ໄດ້​ເດີນທາງ​ໄປເຂົ້າ​ຮ່ວມ​ ການ​ແຂ່ງຂັນ​ທົດ​ສອບ ໄມ​ໂຄຣ​​ຊອຟ ອ໊ອຟ​ຟີ​​ຊ ລະດັບໂລກ ປະຈຳ​ປີ 2014 ທີ່​ສະຫະ

ລັດ​ອາ​ເມ​ຣິ​ກາ  ຈັດ​ຂຶ້ນ​ລະຫວ່າງ ວັນ​ທີ 27-30 ກໍລະກົດ 2014 ນີ້.

 

ທ່ານ ວັນ​ໄຊ ນໍລະ​ແສງ ຜູ້ອຳນວຍ​ການ​ສູນ​ປະກັນ​ຄຸນ​ນະພາບ​ກະຊວງ​ສຶກ​ສາ​ທິ​ການ ແລະ ກີລາ ໄດ້​ກ່າວ​ວ່າ: ສູນ

​ປະກັນຄຸນ​ນະ​ພາບ​ກະຊວງ​ສຶກ​ສາ​ທິການ ແລະ ກີລາ ແລະ ບໍລິສັດ ໄອ​ໄອ​ຈີ ສຶກ​ສາ​ລາວ ຈຳກັດ ໄດ້ຮ່ວມ​ມື​ກັນ​ຈັດ

ການ​ແຂ່ງຂັນຄວາມ​ສາມາດ​ດ້ານ​ການ​ນຳ​ໃຊ້ໄມ​ໂຄຣ​​ຊອຟ ​ອ໊ອຟ​ຟີ​​ຊ ລະດັບໂລກ ປະຈຳ​ປີ 2014 ຄັ້ງ​ທຳ​ອິດ ໃນ

ສປປ ລາວ ເພື່ອ​ເປັນ​ການ​ທົດສອບ​ຄວາມ​ຮູ້​ຄວາມ​ສາມາດດ້ານ​ໄອ​ທີ Microsoft Office 2010 ເປັນຕົ້ນ​ແມ່ນ

Microsoft Office Word ແລະ Microsoft Office Excel ໂດຍ​ເປົ້າ​ໝາຍ​ຜູ້ເຂົ້າ​ຮ່ວມ​ທົດ​ສອບ​ ແມ່ນ​ນັກຮຽນຊັ້ນ​

ມັດທະຍົມ​ຕອນ​ຕົ້ນ ແລະ ນັກສຶກ​ສາ​ມະຫາວິທະຍາໄລ ທັງພາກ​ລັດ ແລະ ເອກະ​ຊົນ ຜູ້​ມີ​ອາຍຸ​ລະຫວ່າງ 13-22 ປີ

ໂດຍ​ໄດ້ທຳ​ການ​ແຂ່ງຂັນ​ກັນ 3 ຮອບ ເຊິ່ງ​ຮອບ​ທຳ​ອິດ​ໄດ້​ແບ່ງ​ອອກເປັນ 4 ຈຸດຄື: ແຂວງ​ຈຳປາ​ສັກ ສະຫວັນ​ນະ

​ເຂດ ຫຼວງ​ພະ​ບາງ ແລະ ນະຄອນຫຼວງ​ວຽງ​ຈັນ ສຳລັບ​ຂໍ້​ສອບເສັງ​ແມ່ນ​ມາ​ຈາກ​ສະຫະ​ລັດ​ອາ​ເມ​ຣິ​ກາ.

 

ຜ່ານ​ການ​ທົດ​ສອບ 3 ຄັ້ງ ຈຶ່ງສາມາດ​ຄັດ​ເລືອກ​ໄດ້ທ້າວ ແສງໄຊ ໄຊ​ຍະ​ຈັກ ນັກ​ສຶກ​ສາ​ມະຫາວິທະຍາໄລສະ​ຫວັນ​

ນະ​ເຂດ ສາຂາ​ເທັກ​ໂນ​ໂລ​ຊີ​ຂໍ້​ມູນ​ຂ່າວສານ (ໄອ​ທີ) ທີ່​ສາມາດ​ແຂ່ງຂັນ​ທົດສອບ​ໄດ້ 918 ຄະແນນ ສົ່ງ​ຜົນໃຫ້​ລາວ​

ກາຍເປັນ​ນັກ​ສຶກ​ສາ​ຄົນທຳ​ອິດ ​ທີ່​ເປັນ​ຕົວ​ແທນ​ໃຫ້​ແກ່​ນັກສຶກ​ສາ​ລາວ ​ເຂົ້າ​ຮ່ວມ​ແຂ່ງຂັນໄມ​ໂຄຣ​​ຊອຟ ​ອ໊ອຟ​ຟີ​​ຊ

ລະດັບໂລກ ​ທີ່​ສະຫະລັດ​ອາ​ເມ​ຣິ​ກາ.

 

ກ່ອນ​ຈະ​ອອກ​ເດີນທາງ​ໄປ​ເຂົ້າຮ່ວມ​ການ​ແຂ່ງຂັນ​ຄັ້ງ​ນີ້ ທ້າວ ແສງ​ໄຊ ໄຊ​ຍະ​ຈັກ ແລະ ທ່ານ ວັນ​ໄຊ ນໍລະ​ແສງ ຜູ້ນຳ

​ທາງ ກໍ່​ໄດ້​ເຂົ້າ​ພົບ​ເພື່ອ​ໃຫ້​ຄຳ​ໂອວາດຕັກເຕືອນ​ຂອງ​ທ່ານ ​ດຣ. ພັນ​ຄຳ ວິພາ​ວັນ ຮອງ​ນາຍົກລັດຖະມົນຕີ ລັດຖະ

ມົນຕີ​ວ່າການ​ກະຊວງ​ສຶກສາ​ທິ​ການ ແລະ ກີລາ ເມື່ອ​ວັນ​ທີ 25 ກໍລະກົດ 2014 ຜ່ານ​ມາ ທີ່ກະຊວງ​ສຶກ​ສາ​ທິ​ການ ແລະ

ກີລາ ເຊິ່ງ​ການ​ເຂົ້າ​ພົບ​ຄັ້ງ​ນີ້ ທ່ານຮອງ​ນາຍົກລັດຖະມົນຕີ​ກໍ່​ໄດ້​ໃຫ້ຄຳ​ແນະນຳ ແລະ ອວຍພອນ​ໃຫ້ທ້າວ ແສງ​ໄຊ

ໄຊ​ຍະ​ຈັກ ຈົ່ງ​ໃຊ້ຄວາມ​ສາມາດ​ຂອງ​ຕົນ​ທີ່​ຮຽນມາ​ນັ້ນ​ ຍາດ​ເອົາ​ຜົນງານ​ຈາກການ​ແຂ່ງຂັນ​ລະດັບ​ໂລກ​ຄັ້ງ​ນີ້ ເພື່ອ​

ສ້າງ​ຊື່​ສຽງ ແລະ ກຽດ​ສັກສີ​ໃຫ້​ແກ່ ​ສປປ ລາວ ສູ່​ເວທີ​ສາກົນ.

 

ຂອບໃຈຂ່າວຈາກ: http://vientianemai.net/teen/khao/1/12321

ບົດຄວາມຫຼ້າສຸດ

ປະຫວັດຫຍໍ້ຂອງ ສະຫາຍ ພົນເອກ ຄຳໄຕ ສີພັນດອນ

ສະຫາຍ ພົນເອກ ຄຳໄຕ ສີພັນດອນ ເກີດເມື່ອວັນທີ 8 ກຸມພາ 1924 ທີ່ບ້ານຫົວໂຂງພະໃຫຍ່, ເມືອງໂຂງ, ແຂວງສີທັນດອນ (ແຂວງຈຳປາສັກ ໃນປັດຈຸບັນ), ເປັນບຸດ...

ອາຊີບຕ້ອງຫ້າມ! ຕຳຫຼວດໄທວາງແຜນຈັບໜຸ່ມລາວ ຂັບລົດຈັກຮັບຈ້າງ ຍາດອາຊີບຄົນໄທ

ເຈົ້າໜ້າທີ່ຕຳຫຼວດໄທ ວາງແຜນຈັບໜຸ່ມລາວ ຍາດອາຊີບຄົນໄທ ຂັບລົດຈັກຮັບຈ້າງ ບໍລິເວນເຂດຫ້ວຍຂວາງ ກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານໃນວັນທີ 1 ເມສາ 2025 ຜ່ານມາ, ເຈົ້າໜ້າທີ່ຕຳຫຼວດໄທໄດ້ຮັບແຈ້ງຈາກສາຍຂ່າວ ກ່ຽວກັບເບາະແສວ່າ: ມີຊາຍຄ້າຍຄືກັບແຮງງານຕ່າງດ້າວ...

ທຳລາຍໃຫ້ໝົດ! ພະແນກ ອຄ ແຂວງຄຳມ່ວນ ທຳລາຍສິນຄ້າລະເມີດກົົດໝາຍ ມູນຄ່າ ເກືອບ 300 ລ້ານ ກວ່າກີບ

ພະແນກອຸດສາຫະກຳ ແລະ ການຄ້າແຂວງຄຳມ່ວນ ທຳລາຍສິນຄ້າທີ່ລະເມີດກົດໝາຍ, ລະບຽບການດ້ານການຄ້າ ແລະ ສິນຄ້ານອກລະບົບທີ່ອາຍັດມາໄດ້ໃນໄລຍະປີ 2024-2025 ຜ່ານມາ. ໃນຕອນບ່າຍວັນທີ 1 ເມສາ 2025 ຢູ່ທີ່ພະແນກອຸດສາຫະກໍາ ແລະ...

ສະຫະລັດອາເມລິກາ ປະກາດຈະເກັບພາສີນຳເຂົ້າພື້ນຖານ 10%

ທ່ານ ໂດນັລ ທຣຳມ ປະທານາທິບໍດີ ສະຫະລັດອາເມລິກາ ປະກາດຈະເກັບພາສີນຳເຂົ້າ 10% ສຳລັບສິນຄ້ານຳເຂົ້າທັງໝົດທີ່ເຂົ້າສູ່ສະຫະລັດ ສຳນັກຂ່າວຕ່າງປະເທດລາຍງານ ໃນວັນທີ 2 ເມສາ 2025 ນີ້, ທ່ານ...