spot_img
Homeອຸບັດເຫດແລະປາກົດການຫຍໍ້ທໍ້4 ວັນຜ່ານມາ ຢູ່ນະຄອນຫລວງວຽງຈັນ ມີຜູ້ເສຍຊີວິດຈາກອຸປະຕິເຫດ 3 ຄົນ

4 ວັນຜ່ານມາ ຢູ່ນະຄອນຫລວງວຽງຈັນ ມີຜູ້ເສຍຊີວິດຈາກອຸປະຕິເຫດ 3 ຄົນ

Published on

ນັບແຕ່ວັນທີ 1-4 ທັນວາຜ່ານມານີ້, ທົ່ວນະຄອນຫລວງວຽງຈັນ ມີອຸປະຕິເຫດເກີດຂຶ້ນຫລາຍກວ່າ 30 ກໍລະນີ, ສົ່ງຜົນໃຫ້ມີຜູ້ເສຍຊີວິດ 3 ຄົນ ແລະ ໄດ້ຮັບບາດເຈັບຫລາສິບຄົນ, ຊຶ່ງອຸປະຕິເຫດສ່ວນໃຫຍ່ແມ່ນມັກເກີດໃນຍາມຄ່ຳຄືນ.

ເຈົ້າໜ້າທີ່ຈະລາຈອນ ນະຄອນຫລວງວຽງຈັນໃຫ້ຮູ້ວ່າ: ຄືນວັນທີ 3 ທັນວາຜ່ານມານີ້, ມີອຸປະຕິເຫດເກີດຂຶ້ນຫລາຍກໍລະນີ, ແຕ່ໃນນັ້ນ ມີ 2 ກໍລະນີທີ່ສົ່ງຜົນໃຫ້ມີຜູ້ເສຍຊີວິດຄາທີ່ຄື: ເວລາປະມານ 1:45 ໂມງຂອງວັນດັ່ງກ່າວ, ຢູ່ເຂດບ້ານນ່າງ່າ, ເມືອງນາຊາຍທອງ ໄດ້ເກີດອຸປະຕິເຫດ ລົດໃຫຍ່ຕຳກັບລົດຈັກຢ່າງແຮງ ສົ່ງຜົນໃຫ້ທ້າວ ຄຳຫລ້າ ອາຍຸ 47 ປີ, ຢູ່ບ້ານພັດທະນາ, ເມືອງນາຊາຍທອງ ຜູ້ຂັບຂີ່ລົດຈັກເສຍຊີວິດຄາທີ່ ແລະ ເມື່ອເວລາ 17:00 ໂມງຂອງວັນດຽວກັນ, ຢູ່ເຂດບ້ານດ່ານຊ້າງ, ເມືອງໄຊທານີ, ໄດ້ເກີດເຫດລົດຈັກຕຳກັບລົດຖີບຢ່າງແຮງ ສົ່ງຜົນໃຫ້ນາງ ບູທູຮຽງ (ສັນຊາດຫວຽດນາມ) ອາຍຸ 27 ປີ, ພັກເຊົາຢູ່ບ້ານໂນນສະຫວ່າງ, ເມືອງໄຊເສດຖາ ຜູ້ຂັບຂີ່ລົດຖີບເສຍຊີວິດຄາທີ່ ແລະ ໃນຄືນຂອງວັນທີ 4 ທັນວານີ້, ຢູ່ເຂດບ້ານດົງຄຳຊ້າງ, ເມືອງຫາດຊາຍຟອງ, ໄດ້ເກີດເຫດລົດຈັກຕຳລົດຈັກພາໃຫ້ທ້າວ ບຸນມີ ອາຍຸ 26 ປີ, ຢູ່ບ້ານໂນນຫວາຍ, ເມືອງໄຊເສດຖາ ເສຍຊີວິດໃນທີ່ສຸດ. ເຈົ້າໜ້າທີ່ ເວົ້າວ່າ: ອຸປະຕິເຫດສ່ວນໃຫຍ່ແມ່ນເກີດຈາກນັກຂັບຂີ່ຂາດສະຕິ, ປະໝາດ ແລະ ບໍ່ເຂັ້ມງວດເຄົາລະບຽບຈະລາຈອນ, ໂດຍສະເພາະແມ່ນເກີດຈາກການເມົາແລ້ວຂັບຂີ່ພາຫະນະ ສົ່ງຜົນໃຫ້ມີຜູ້ໄດ້ຮັບບາດເຈັບ ແລະ ເສຍຊີວິດຕາມມາ.

ຂ່າວ: ລາວພັດທະນາ

ບົດຄວາມຫຼ້າສຸດ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ໄດ້ເປີດຂຶ້ນຢ່າງເປັນທາງການ

ກອງປະຊຸມສະໄໝສາມັນ ເທື່ອທີ 9 ຂອງສະພາແຫ່ງຊາດ ຊຸດທີ IX ພ້ອມພິຈາລະນາ ຮັບຮອງບັນຫາສໍາຄັນ ຂອງປະເທດຊາດ ໃນຕອນເຊົ້າວັນທີ 9 ມິຖຸນານີ້ ທີ່ຫໍສະພາແຫ່ງຊາດ, ກອງປະຊຸມສະໄໝສາມັນ ເທື່ອທີ...

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...