spot_img
Homeຂ່າວພາຍ​ໃນຮອງນາຍົກ ລົງຊຸກຍູ້ການເກັບລາຍຮັບຢູ່ ແຂວງຄຳມ່ວນ

ຮອງນາຍົກ ລົງຊຸກຍູ້ການເກັບລາຍຮັບຢູ່ ແຂວງຄຳມ່ວນ

Published on

ໃນວັນທີ 1 ທັນວາ 2016 ຜ່ານມາ ທ່ານ ສົມດີ ດວງດີ ຮອງນາຍົກ ລັດຖະມົນຕີ ລັດຖະມົນຕີກະຊວງການເງິນພ້ອມດ້ວຍຄະນະ ໄດ້ເດີນທາງຢ້ຽມຢາມເຄື່ອນໄຫວຊຸກຍູ້ການຈັດເກັບລາຍຮັບເຂົ້າງົບປະມານຢູ່ ແຂວງ ຄຳມ່ວນ, ໂດຍມີ ທ່ານ ໂອໄດ ສຸດາພອນ ເຈົ້າແຂວງໆ ຄຳມ່ວນ, ມີພະແນກການເງິນແຂວງຄຳມ່ວນ ແລະບໍລິຄຳໄຊ, ຂະແໜງການກ່ຽວຂ້ອງອ້ອມຂ້າງແຂວງເຂົ້າຮ່ວມ.
ໃນພິທີຕາງໜ້າພະແນກການເງິນ ຂອງແຂວງຄຳມ່ວນ ແລະແຂວງບໍລິຄຳ ໄຊ ໄດ້ຜັດປ່ຽນກັນຂຶ້ນລາຍງານສະພາບ ການຈັດຕັ້ງປະຕິບັດວຽກງານການຈັດຕັ້ງພະນັກງານ ແລະການປະຕິບັດແຜນງົບປະມານແຫ່ງລັດ ສົກປີ 2015-2016 ແລະທິດທາງ ແຜນການໄລຍະຂ້າມຜ່ານ 3 ເດືອນທ້າຍ ປີ 2016 ແລະທິດທາງແຜນການປີ 2017 ໃຫ້ທ່ານຮອງນາຍົກໄດ້ຮັບຊາບ ສະເພາະແຂວງຄຳມ່ວນ ທ່ານ ຄຳສິງ ໄຊຍະສິດ ຫົວໜ້າຫ້ອງການຈັດ ຕັ້ງບໍລິຫານພະແນກການເງິນແຂວງໄດ້ລາຍງານໂດຍຫຍໍ້ໃຫ້ຮູ້ວ່າ ໃນສົກງົບປະມານປີ 2015-2016 ແຜນງົບປະມານລາຍຮັບຂອງແຂວງຄຳມ່ວນໄດ້ຮັບທັງພູດຂອງ ສູນກາງ ແລະທ້ອງຖິ່ນມີທັງໝົດ 604.7 ຕື້ກວ່າກີບ, ໃນນີ້ ລາຍຮັບສູນກາງ 300 ຕື້ກວ່າກີບ, ທຽບໃສ່ແຜນປີ  2014-2015 ເພີ່ມຂຶ້ນ 10-15% ລາຍຮັບທ້ອງຖິ່ນມີ 294,6 ຕຶ້ກີບ, ທຽບໃສ່ແຜນການປີ 2014-2015 ຫຼຸດລົງ 1,62%, ດ້ານລາຍຈ່າຍງົບປະມານມີ ທັງໝົດ 562,4  ຕື້ກວ່າກີບ, ທຽບໃສ່ປີ  2014-2015 ເພີ່ມຂຶ້ນ 7,66% ຜ່ານການຈັດຕັ້ງປະຕິບັດຕົວຈິງເຫັນວ່າ ແຂວງຄຳມ່ວນມີຄວາມຫຍຸ້ງຍາກຫຼາຍ ພໍສົມຄວນໃນຂອດການຂຸດຄົ້ນລາຍຮັບ ເຂົ້າງົບປະມານທັງລາຍຮັບສູນກາງ ແລະທ້ອງຖິ່ນ ປະຕິບັດໄດ້ພຽງແຕ່ 468,9 ຕື້ກວ່າກີບ ຫຼື ເທົ່າກັບ 83,37% ຂອງແຜນປີ, ທຽບໃສ່ສົກປີ 2014-2015 ເຫັນໄດ້ ວ່າລາຍຮັບມີການຫຼຸດລົງ 3.69% ຫລືເທົ່າກັບ 17,9 ຕື້ກວ່າກີບ.

ສາເຫດທີ່ພາໃຫ້ຫຼຸດລົງແມ່ນມາຈາກລາຍຮັບຈາກການຂາຍໄມ້ຕາມ ໂກຕ້າ, ການຂາຍໄມ້ຢຶດ (ພູດສູນກາງ) ຫຼຸດລົງ, ລາຍຮັບຈາກດ່ານພາສີສາກົນ ຂົວມິດຕະພາບ III, ລາຍຮັບຈາກຄ່າທຳນຽມວີຊາອາກອນ ແລະລາຍຮັບສ່ວຍສາອາກອນກໍ່ມີການຫຼຸດລົງ, ເຊັ່ນດຽວກັນນັ້ນ ດ້ານລາຍຈ່າຍງົບປະມານປະຕິບັດ ໄດ້ 517 ຕື້ກວ່າກີບເທົ່າກັບ 91,93% ຂອງແຜນການປີ.

ໃນໂອກາດດຽວກັນ ທ່ານ ສົມດີ ດວງດີ ຍັງໄດ້ສະແດງຄວາມຍ້ອງຍໍຊົມເຊີຍ ຕໍ່ກັບຜົນງານທີ່ຍາດມາໄດ້ແຕ່ຄຽງຄູ່ກັນນັ້ນ ຍັງຈະໄດ້ເອົາໃຈໃສ່ຕື່ມເບິ່ງຄືນ ໃນການສະຫລຸບປະຕິບັດ ແຜນງົບປະມານສົກປີ 2015-2016 ໃຫ້ສຳເລັດ, ດ້ານລາຍຮັບອາກອນທີ່ຫຼຸດລົງ ຄວນຫາວິທີແກ້ໄຂໃຫ້ຖືກຈຸດດ້ານ ໜີ້ສິນ, ການຈ່າຍເງິນເດືອນພະນັກງານ, ກວດກາຄືນການຊັກຊ້າ, ເມືອງໃດ, ຂົງເຂດໃດທີ່ຍັງບໍ່ທັນໄດ້ໃຊ້ບັດ ATM, ເລື່ອງໄມ້ໃຫ້ຮີບຮ້ອນກວດກາຄືນສ່ວນໃດເປັນຂອງລັດ 100% ແມ່ນຕ້ອງໄດ້ ເປີດປະມູນຂາຍ, ໄມ້ທີ່ລັດອະນຸຍາດຂຸດຄົ້ນຕ້ອງໄດ້ໄລ່ລຽງໃຫ້ເຂົາເຈົ້າມາເສຍພັນທະ ສ່ວນລົດທີ່ນຳເຂົ້າບໍ່ຖືກຕ້ອງ, ຕິດປ້າຍລັດໃຫ້ກວດກາເບິ່ງຄືນຂົງເຂດໃດຮັບຜິດຊອບທະຫານ, ພະນັກງານ ຫຼືປະຊາຊົນໃຫ້ພ້ອມກັນແກ້ໄຂໃຫ້ສຳເລັດ, ທັງນີ້ກໍ່ເພື່ອເປັນການເກັບລາຍຮັບ ເຂົ້າງົບປະມານໃຫ້ໄດ້ຕາມກຳນົດທີ່ລັດຖະບານມອບໝາຍໃຫ້.

ຂ່າວ: ເສດຖະກິດ-ສັງຄົມ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...