spot_img
Homeຂ່າວການພັດທະນາກະຊວງການເງິນ ຕີລາຄາການຫັນສາຍຕັ້ງວຽກງານພາສີ, ອາກອນ ແລະ ຄັງເງິນ

ກະຊວງການເງິນ ຕີລາຄາການຫັນສາຍຕັ້ງວຽກງານພາສີ, ອາກອນ ແລະ ຄັງເງິນ

Published on

ໃນວັນທີ 28-29 ພະຈິກ 2016ນີ້ ທີ່ໂຮງແຮມຈໍາປາສັກແກຣນ ແຂວງຈໍາປາສັກ ກະຊວງການເງິນໄດ້ຈັດກອງປະຊຸມສະຫຼຸບຕີລາຄາ ການຈັດຕັ້ງປະຕິບັດ ການຫັນສາຍຕັ້ງວຽກງານພາສີ, ສ່ວຍສາອາກອນ ແລະ ຄັງເງິນແຫ່ງຊາດ ໂດຍພາຍໃຕ້ການເປັນປະທານຂອງທ່ານ ສົມດີ ດວງດີ ຮອງນາຍົກລັດຖະມົນຕີ, ລັດຖະມົນຕີກະຊວງການເງິນ, ມີຄະນະຊ່ຽວຊານຈາກ ສສ ຫວຽດນາມ, ຄະນະກົມພະແນກກ່ຽວຂ້ອງຈາກ 4 ແຂວງພາກໃຕ້ເຂົ້າຮ່ວມ.

ໃນໂອກາດກ່າວເປີດກອງປະຊຸມໃນຄັ້ງນີ້ທ່ານ ສົມດີ ດວງດີ ໄດ້ມີຄຳເຫັນບາງຕອນວ່າ: ການຫັນວຽກງານພາສີ, ສ່ວຍສາອາກອນ ແລະ ຄັງເງິນແຫ່ງຊາດຕາມສາຍຕັ້ງຂຶ້ນໂດຍກົງກັບກະຊວງການເງິນ ນັບແຕ່ປີ 2007 ເຖິງປັດຈຸບັນໃກ້ຈະສໍາເລັດ, ການປຶກສາສາຫາລືພິຈາລະນາບັນດາບັນຫາທີ່ໄດ້ກຳນົດໄວ້ໃນວາລະກອງປະຊຸມໄດ້ພ້ອມກັນຄົ້ນຄ້ວາປະກອບຄຳຄິດເຫັນຕໍ່ບົດສະຫຼຸບຕີລາຄາສະພາບການຊີ້ນຳຈັດຕັ້ງປະຕິບັດການຫັນວຽກດັ່ງກ່າວຕາມສາຍຕັ້ງ, ກ່ຽວກັບວຽກງານການເງິນ-ງົບປະມານແມ່ນການຜັນຂະຫຍາຍກົດໝາຍວ່າດ້ວຍອາກອນມູນຄ່າເພີ່ມແມ່ນການຈັດຕັ້ງປະຕິບັດຕາມທິດຊີ້ນຳຂອງກົມການເມືອງສູນກາງພັກ ແລະ ລັດຖະບານ ເພື່ອເຮັດໃຫ້ລາຍຮັບ-ລາຍຈ່າຍງົບປະມານແຫ່ງລັດເຂົ້າສູ່ລະບົບລວມສູນເປັນເອກກະພາບຕາມກົດໝາຍ, ລະບຽບການກ່ຽວກັບຄັງເງິນແຫ່ງຊາດ, ເພື່ອໃຫ້ສອດຄ່ອງກັບທ່າອ່ຽງລວມໃນການຄຸ້ມຄອງລັດ, ຄຸ້ມຄອງເສດຖະກິດ-ສັງຄົມ ຕາມລະບຽບກົດໝາຍຢ່າງເປັນລະບົບ ແລະ ທັງເປັນການກະກຽມເງື່ອນໄຂອັນຈຳເປັນໃຫ້ເກີດການເຊື່ອມໂຍງວຽກງານການເງິນເຂົ້າກັບພາກພື້ນ ແລະ ສາກົນ.

ຮອງນາຍົກລັດຖະມົນຕີ ຍັງເນັ້ນໃຫ້ທຸກພາກສ່ວນສຸມໃສ່ບາງດ້ານຄື: ເພີ່ມທະວີຄວາມສາມະຄີເປັນເອກະພາບຂະແໜງການສາຍຕັ້ງກັບອໍານາດການປົກຄອງທ້ອງຖິ່ນ, ປັບປຸງຄວາມເຂົ້າໃຈບັນຫາຕ່າງໆກ່ຽວກັບວຽກງານຢ່າງເລິກເຊິ່ງ, ເພີ່ມທະວີວຽກງານກວດກາ, ກວດກາຮອບດ້ານຈັດຕັ້ງປະຕິບັດການລົງກວດກາຢ່າງໃກ້ຊິດໂດຍສົບທົບກັບເຈົ້າໜ້າທີ່ ແລະ ອຳນາດການປົກຄອງທ້ອງຖິ່ນ, ກວດກາເກັບກຳຈຳນວນຖານຂໍ້ມູນ ແລະ ການເກັບອາກອນຄືນໃໜ່ເປັນປະຈຳເພື່ອຕິດຕາມບັນດາຫ້າງຮ້ານ, ຫົວໜ່ວຍທຸລະກິດທີ່ເກີດຂື້ນໃໜ່ໃຫ້ຄົບຖ້ວນ.

ພ້ອມນັ້ນ, ຍັງໄດ້ສະເໜີຍ້ອງຍໍພະນັກງານທີ່ມີຜົນງານດີເດັ່ນ, ນັກທຸລະກິດທີ່ປະຕິບັດພັນທະໄດ້ດີ ແລະ ອື່ນໆ, ສົມທົບການປະຕິບັດວິໃນຕໍ່ຜູ້ກະທຳຜິດໃຫ້ທັນເວລາບໍ່ປະປ່ອຍໃຫ້ຍືດເຍື້ອຍາວນານ, ແກ້ໄຂປະກົດການຍໍ້ທໍ້ທີ່ເກີດຂຶ້ນໃນຖັນແຖວສະມາຊິກພັກ, ພະນັກງານໃນຂະແໜງການເງິນພ້ອມກັນປະຕິບັດກົດໝາຍໃຫ້ເຂັ້ມງວດ ແລະ ເດັດຂາດຂຶ້ນຕື່ມ, ຮີບຮ້ອນແກ້ໄຂບັນດາຫ່າງສຽງຂອງສັງຄົມວິພາກວິຈານຜູ້ປະກອບການທີ່ມີຫາງສຽງຈົ່ມວ່າກ່ຽວກັບການປະຕິບັດວຽກງານວິຊາສະເພາະ.

ຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ອຸທາຫອນ! ແມ່ຕູ້ຊາວຈີນມີຄວາມເຊື່ອແປກ ຕັດສິນໃຈກິນກົບສົດໆລົງທ້ອງ ຫວັງໃຫ້ເຊົາເຈັບຫຼັງ ແຕ່ສຸດທ້າຍອາການໜັກ

ເມື່ອປວດຫຼັງຫຼາຍຄົນອາດຈະເລືອກກິນຢາ ຫຼື ໄປຫາແພດ ແມ່ນບໍ່, ແຕ່ມີລາຍງານຂ່າວຈາກເມືອງຫາງໂຈ ປະເທດຈີນ, ເມືອບໍ່ດົນມານີ້ ວ່າ ມີແມ່ຕູ້ຄົນໜຶ່ງ ມີອາການເຈັບຫຼັງ ແລະເລືອກວິທີຮັກສາຕາມຄວາມເຊື່ອຂອງຕົນ ໂດຍການກືນກິນກົບສົດລົງທ້ອງ ຈົນເຮັດໃຫ້ເຊື້ອພະຍາດເຂົ້າສູ່ຮ່າງກາຍ. ເຊິ່ງກ່ອນເກີດເຫດແມ່ຕູ້ໄດ້ຂໍໃຫ້ພີ່ນ້ອງໄປຈັບກົບຂະໜາດນ້ອຍມາໃຫ້ ໂດຍບໍ່ໄດ້ບອກວ່າຈະເອົາໄປເຮັດຫຍັງ,...

ວັນການທູດລາວຄົບຮອບ 80 ປີ ປັດຈຸບັນ ລາວມີສາຍພົວພັນການທູດກັບ 151 ປະເທດ ມີສໍານັກງານຕາງໜ້າການທູດ ຢູ່ຕ່າງປະເທດ 41 ແຫ່ງ

ວັນການທູດລາວຄົບຮອບ 80 ປີ (12/10/1945-12/10/2025) ແມ່ນວັນສຳຄັນທາງປະຫວັດສາດຂອງຊາດ ທີ່ມີຄວາມໝາຍຄວາມສຳຄັນ ເພາະສະແດງອອກພູມປັນຍາຄວາມສະຫລາດສ່ອງໃສຂອງບັນພະບູລຸດ ແລະ ຄວາມສຳເລັດຂອງພາລະກິດຕ່າງໆຕັ້ງແຕ່ອາດີດຮອດປັດຈຸບັນ ແລະ ແນໃສ່ສືບຕໍ່ສ້າງເປັນບົດຮຽນ ເປັນມູນມັງມໍລະດົກຕົກທອດໃຫ້ແກ່ຄົນຮຸ່ນ ໃໝ່ຕໍ່ໆໄປໃນອະນາຄົດ. ເຊິ່ງກົມການເມືອງສູນກາງພັກໄດ້ອອກແຈ້ງການສະບັບເລກທີ...

ພິທີປະກາດຊື່ໂຮງຮຽນມັດທະຍົມສົມບູນມິດຕະພາບລາວ – ສປປ ເກົາຫຼີ ແລະ ປາຖະກະຖາວັນສ້າງຕັ້ງພັກແຮງງານເກົາຫຼີ ຄົບຮອບ 80 ປີ

ສະມາຄົມມິດຕະພາບລາວ - ສປປ ເກົາຫຼີ, ໂຮງຮຽນມັດທະຍົມສົມບູນມິດຕະພາບລາວ - ສປປ ເກົາຫຼີ ຮ່ວມກັບສະຖານເອກອັກຄະລັດຖະທູດແຫ່ງ ສປປ ເກົາຫຼີ ປະຈຳ ສປປ ລາວ...

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ຢ່າງເປັນທາງການ

ໄຂກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025. ກອງປະຊຸມສະໄໝສາມັນຂອງລັດຖະບານ ປະຈຳເດືອນກັນຍາ 2025 ໄດ້ໄຂຂຶ້ນໃນຕອນເຊົ້າ ວັນທີ 9 ຕຸລາ 2025 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານ ຂອງທ່ານ ສອນໄຊ...