spot_img
Homeຂ່າວການພັດທະນາປະທານສະຫະພັນກາແດງສາກົນ ຢ້ຽມຢາມລາວ ພ້ອມຈະເພີ່ມທະວີຊ່ວຍເຫລືອລາວຫລາຍຂຶ້ນ

ປະທານສະຫະພັນກາແດງສາກົນ ຢ້ຽມຢາມລາວ ພ້ອມຈະເພີ່ມທະວີຊ່ວຍເຫລືອລາວຫລາຍຂຶ້ນ

Published on

ໃນວັນທີ 21 ພະຈິກນີ້, ຄະນະຜູ້ແທນຂັ້ນສູງຂອງ ສະຫະພັນກາແດງ ແລະ ຊີກວົງເດືອນແດງສາກົນ ນຳໂດຍ ທ່ານ ຄາດາເຕຣູ ໂຄໂນ້ (Kadateru Konoe) ປະທານສະຫະພັນກາແດງ ແລະ ຊີກວົງເດືອນແດງສາກົນ (IFRC), ທັງເປັນປະທານອົງການກາແດງຍີ່ປຸ່ນ, ພ້ອມຄະນະ ໄດ້ເດີນທາງມາຢ້ຽມຢາມ ສປປ ລາວ ເປັນຄັ້ງທຳອິດ, ຊຶ່ງການຢ້ຽມຢາມຄັ້ງນີ້ ໄດ້ພົບປະກັບອົງການກາ ແດງລາວ, ໂດຍການຕ້ອນຮັບຂອງ ທ່ານ ຄຳຮຸ່ງ ເຮືອງວົງສີ ປະທານອົງການແດງລາວ, ຊຶ່ງທັງສອງຝ່າຍໄດ້ລາຍງານສະພາບການຈັດຕັ້ງປະຕິບັດ ໜ້າທີ່ວຽກງານມະນຸດສະທຳ, ພ້ອມທັງປຶກສາຫາລືບາງວຽກງານຄື: ວຽກງານຊ່ວຍເຫລືອບັນເທົາທຸກ, ລະບົບສາງ ແລະ ການຂົນສົ່ງ, ປະຖົມພະຍາບານ, ຊ່ວຍເຫລືອອຸປະຕິໄພຕ່າງໆ, ວຽກງານເລືອດ ແລະ ວຽກງານລະດົມຂົນຂວາຍແຫລ່ງທຶນ ເພື່ອໃຫ້ບໍລິການປະຊາຊົນບັນດາເຜົ່າ ໄດ້ທົ່ວເຖິງ ແລະ ສອດຄ່ອງກັບຈິດໃຈມະນຸດສະທຳຕາມ 7 ຫລັກການຂອງຂະບວນການກາແດງສາກົນ.

ປະທານສະຫະພັນກາແດງ ແລະ ຊີກວົງເດືອນແດງສາກົນ ຍັງຈະໄດ້ເຂົ້າຢ້ຽມຂ່ຳນັບ ການນຳຂັ້ນສູງຂອງປະເທດ ເພື່ອຫາລືເຖິງວຽກງານມະນຸດສະທຳ ແລະ ການຊ່ວຍເຫລືອສະໜັບສະໜູນຂອງຕົນຕໍ່ ສປປ ລາວ. ຫລັງຈາກນັ້ນ ກໍຈະໄດ້ສືບຕໍ່ຢ້ຽມຢາມອົງການກາແດງແຂວງຫລວງພະບາງ, ພ້ອມທັງສະໜັບສະໜູນ ແລະ ໃຫ້ການຊ່ວຍເຫລືອປະຊາຊົນຜູ້ດ້ອຍໂອກາດອື່ນໆອີກ.

 

ແຫລ່ງຂ່າວ:

ລພນ

 
ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ຜູ້ນຳຄົນໃໝ່ ອີ ແຈມະຢອງ ຄວ້າຕຳແໜ່ງປະທານາທິບໍດີ ຄົນທີ 14 ສ.ເກົາຫຼີ

ອີ ແຈມະຢອງ ຄວ້າໄຊຊະນະການເລືອກຕັ້ງປະທານາທິບໍດີ ສ.ເກົາຫຼີ ພາຍຫຼັງ ຍຸນຊ໋ອກຍອນ ຖືກຖອດອກກຈາກຕໍາແໜ່ງ. ສຳນັກຂ່າວຕ່າງປະເທດລາຍງານໃນວັນທີ 3 ມິຖຸນາ 2025 ຜ່ານມານີ້ວ່າ: ເກົາຫຼີໃຕ້ຈັດການເລືອກຕັ້ງປະທານາທິບໍດິຄັ້ງພິເສດ ເພື່ອຫາຜູ້ນຳຄົນໃໝ່ແທນ ທ່ານ...

ຈີນປະກາດ ເປີດບໍລິການວີຊາພິເສດ “ASEAN visa”

ຈີນປະກາດເປີດຕົວ ວີຊ່າອາຊຽນ ໄຟຂຽວນັກທຸລະກິດ 10 ບັນປະເທດອາຊຽນລວມເຖິງ ຕີມໍແລັດສະແຕ ເດີນທາງເຂົ້າອອກສະດວກ ສຳນັກຂ່າວຕ່າງປະເທດລາຍງານໃນວັນທີ 4 ມິຖຸນາ 2025, ຈີນປະກາດເປີດຕົວ  "ASEAN Visa" ຫຼື...

ມອບ-ຮັບໜ້າທີ່ລະຫວ່າງເຈົ້ານະຄອນຫຼວງພະບາງ ຜູ້ເກົ່າ ແລະ ຮັກສາການເຈົ້ານະຄອນຫຼວງພະບາງ ຜູ້ໃໝ່

ແຕ່ງຕັ້ງທ່ານ ທ່ານ ສະເຫວີຍ ສີລາວັນ ຮັກສາການເຈົ້ານະຄອນ ຫຼວງພະບາງ ຜູ້ໃໝ່ ໃນວັນທີ 4 ມິຖຸນາ 2025 ທີ່ຫ້ອງປະຊຸມໃຫຍ່ຫ້ອງວ່າການນະຄອນຫຼວງພະບາງ ບ້ານຄອຍ ໄດ້ຈັດພິທີ ມອບ-ຮັບໜ້າທີ່ລະ...

ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່

ປະກາດແຕ່ງຕັ້ງ ທ່ານ ອານຸພາບ ວົງໜໍ່ແກ້ວ ເປັນຮອງລັດຖະມົນຕີກະຊວງການຕ່າງປະເທດຄົນໃໝ່ ຢ່າງເປັນທາງການ ວັນທີ 4 ມິຖຸນາ 2025 ຢູ່ກະຊວງການຕ່າງປະເທດ ໄດ້ຈັດພິທີປະກາດການ ຈັດຕັ້ງຕຳແໜ່ງບໍລິຫານຮອງລັດຖະມົນຕີ, ຫົວໜ້າກົມ ແລະ...