spot_img
Homeຂ່າວເຫດການແຈ້ງເຕືອນກະຊວງການຕ່າງປະເທດ ເລື່ອງເຂັ້ມງວດຕໍ່ຜູ້ທີ່ຈະເດີນທາງໄປເຮັດວຽກຢູ່ໄທ

ແຈ້ງເຕືອນກະຊວງການຕ່າງປະເທດ ເລື່ອງເຂັ້ມງວດຕໍ່ຜູ້ທີ່ຈະເດີນທາງໄປເຮັດວຽກຢູ່ໄທ

Published on

1398332275-1397609989-o
(ພາບປະກອບຂ່າວ)

 

ກົມ​ກົງ​ສູນກະຊວງ​ການ​ຕ່າງປະເທດ ​ຂໍ​ຖື​ເປັນ​ກຽດ​ແຈ້ງ​ມາ​ຍັງທ່ານ ​ທີ່​ມີ​ຈຸດປະສົງ​ຈະ​ເດີນທາງ

​ໄປ​ປະກອບ​ທຸລະ​ກິດ ແລະ ອອກແຮງ​ງານ​ໃນ​ປະເທດ​ໄທຊາບ​ວ່າ: ໂດຍ​ອີງ​ຕາມ​ແຈ້ງ​ການ​ຂອງ

​ສະຖານ​ເອກ​ອັກຄະລາຊະທູດແຫ່ງ​ຣາ​ຊະ​ອານາຈັກ​ໄທ ສະບັບ​ເລກ​ທີ 29001/707 ລົງ​ວັນ​ທີ 23

ກໍລະກົດ 2014 ຄື: ນັບ​ແຕ່​ວັນ​ທີ 12 ສິງຫາ 2014 ເປັນຕົ້ນ​ໄປ ທາງ​ການ​ໄທຈະ​ເພີ່ມ​ມາດ​ຕະການ​

ກວດກາ​ເຂັ້ມ​ງວດ​ຕໍ່​ຊາວ​ຕ່າງປະເທດ ​ທີ່​ລັກລອບ​ເຂົ້າ​ໄປ​ເຮັດ​ວຽກ​ຢູ່​ປະເທດໄທ.

 

ສະນັ້ນ ເພື່ອ​ໃຫ້ການ​ເດີນທາງ​ເຂົ້າ​ໄປ​ເຮັດ​ວຽກ​ຢູ່​ປະເທດ​ໄທຂອງ​ທ່ານ ​ຖືກຕ້ອງ​ຕາມ​ລະບຽບ

ຂໍ​ໃຫ້​ຜູ້​ເດີນທາງ​ກວດກາ​ເອກະສານ​ຂອງ​ຕົນ​ໃຫ້​ຄົບ​ຖ້ວນ ໜັງສືຜ່ານ​ແດນ​ຕ້ອງ​ມີ​ອາຍຸ​ນຳ​ໃຊ້​ບໍ່

​ໃຫ້ຫຼຸດ 6 ເດືອນ ​ມີ​ວິຊາ​ອະນຸຍາດ​ໃຫ້ເຮັດ​ວຽກ​ໄດ້ ສຳລັບ​ຜູ້​ທີ່​ເຄີຍ​ເຂົ້າໄທ​ໂດຍ​ຍົກເວັ້ນ​ວີ​ຊາ ແລະ

ຢູ່ເກີນ​ກຳນົດ 30 ວັນ​ມາ​ແລ້ວ ທາງ​ການ​ໄທ​ຈະ​ບໍ່​ອະນຸຍາດ​ໃຫ້ເຂົ້າ​ໄທ​ແບບ​ນັກ​ທ່ອງ​ທ່ຽວ​ເປັນຄັ້ງ​

ທີ 2 ແຕ່​ຈະ​ໃຫ້​ໄປ​ຂໍ​ວີ​ຊາ (VISA) ເຂົ້າ​ໄທ ເພື່ອ​ໃຫ້​ລະບຸຖືກຕ້ອງ​ກັບ​ຈຸດປະສົງ​ຂອງ​ຕົນ ​ໃນການ​

ເຂົ້າ​ໄປ​ຍັງ​ປະເທດ​ໄທ ສຳລັບ​ປະຊາຊົນ​ຜູ້​ທີ່​ໄປ​ທ່ອງ​ທ່ຽວຢ້ຽມຢາມ​ປົກກະຕິ​ນັ້ນ ແມ່ນ​ຍັງສືບຕໍ່​ປະ

ຕິບັດ​ຕາມ​ສັນຍາ​ຍົກເວັ້ນວີ​ຊາສະບັບ​ລົງ​ວັນ​ທີ 28 ຕຸລາ 2004 ຄື: ສາມາດ​ເຂົ້າ​ໄທ​ໂດຍ​ບໍ່ມີ​ວີ​ຊາ

ແລະ ສາມາດ​ຢູ່​ໄດ້​ບໍ່​ເກີນ 30 ວັນ.

 

ດັ່ງນັ້ນ ກົມ​ກົງ​ສູນ ກະຊວງການ​ຕ່າງປະເທດ ຈຶ່ງ​ຂໍ​ແຈ້ງ​ມາຍັງ​ບັນດາ​ທ່ານ​ເພື່ອ​ຊາບ.

 

ທີ່ ນະຄອນຫຼວງ​ວຽງ​ຈັນ

ວັນ​ທີ 24 ກໍລະກົດ 2014

(ກົມ​ກົງ​ສູນກະຊວງ​ການ​ຕ່າງປະເທດ)

 

ແຫຼ່ງຂ່າວ: Vientiane Mai Online

ບົດຄວາມຫຼ້າສຸດ

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...

ເກີດຂຶ້ນ 1 ໃນ 8 ລ້ານ ຕ້ອງໄດ້ທຳການຜ່າອອກດ່ວນ ຍິງຊາວອິນເດຍພົບໂຕອ່ອນມາຢູ່ໃນຕັບ

ຍິງຊາວອິນເດຍມີອາການເຈັບທ້ອງ ຜົນສະແກນ MRI ພົບວ່າມີໂຕອ່ອນມາຢູ່ໃນຕັບ ເຊິ່ງເກີດຂຶ້ນໄດ້ຍາກມີພຽງ 45 ກໍລະນີ ໃນທົ່ວໂລກ ຈາກກໍລະນີຍິງຊາວອິນເດຍ ອາຍຸ 35 ປີ, ທີ່ກຳລັງຖືພາ 12 ອາທິດ...