spot_img
Homeຂ່າວພາຍ​ໃນສສຊ ສຸມໃສ່ປະກອບຄໍາເຫັນ ຕໍ່ຮ່າງປະມວນກົດໝາຍອາຍາ

ສສຊ ສຸມໃສ່ປະກອບຄໍາເຫັນ ຕໍ່ຮ່າງປະມວນກົດໝາຍອາຍາ

Published on

ໃນວັນທີ 16 ພະຈິກຜ່ານມານີ້ ບັນດາສະມາຊິກສະພາແຫ່ງຊາດ ໄດ້ສຸມໃສ່ປະກອບ ຄໍາຄິດ,ຄໍາເຫັນໃສ່ຮ່າງປະມວນ ກົດໝາຍອາຍາ ເຊິ່ງສະເໜີໂດຍ ທ່ານ ໄຊສີ ສັນຕິວົງ ລັດຖະມົນຕີກະຊວງຍຸຕິທໍາ. ຮ່າງກົດໝາຍດັ່ງກ່າວ ປະກອບມີ: 2 ພາກໃຫຍ່ ແລະ 1 ພາກນ້ອຍ, 23 ໝວດ ແລະ 420 ມາດຕາ. ພາກທົ່ວໄປປະກອບມີ 11 ໝວດ, 109 ມາດຕາ; ພາກສະເພາະມີ 12 ໝວດ 309 ມາດຕາ ແລະ ພາກບົດບັນຍັດສຸດທ້າຍມີ 2 ມາດຕາ.

%e0%ba%aa%e0%ba%9b%e0%ba%8a%e0%ba%8a
ທ່ານລັດຖະມົນຕີກະຊວງຍຸຕິທໍາ ໄດ້ຍົກໃຫ້ເຫັນເຫດຜົນ ແລະ ຄວາມຈໍາເປັນໃນການສ້າງຮ່າງກົດໝາຍ ສະບັບນີ້ວ່າ:ຜ່ານການຈັດຕັ້ງປະຕິບັດນັບແຕ່ສະພາແຫ່ງຊາດໄດ້ຮັບຮອງ ເອົາໃນປີ 1989 ແລະ ໄດ້ມີການປັບປຸງໃນປີ 2005 ຍັງມີບາງບັນຫາ, ບາງບົດບັນຍັດຂອງກົດໝາຍອາຍາ ທີ່ກໍານົດບໍ່ທັນລະອຽດ, ຄົບຖ້ວນ ບວກກັບສະພາບທາງດ້ານເສດຖະກິດ ແລະ ສັງຄົມຂອງປະເທດເຮົາ ໄດ້ນັບມື້ໄດ້ຂະຫຍາຍຕົວ, ພ້ອມນັ້ນ ສປປ ລາວ ກໍໄດ້ເຂົ້າເປັນພາຄີສົນທິສັນຍາ ສາກົນຈໍານວນໜຶ່ງ ທີ່ພົວພັນກັບກົດໝາຍອາຍາເປັນຕົ້ນ ສົນທິສັນຍາ ກ່ຽວກັບສິດທິມະນຸດ, ສົນທິສັນຍາກ່ຽວກັບ ການຕ້ານການສໍ້ລາດ ບັງຫລວງ,ກ່ຽວກັບການຕ້ານການຟອກເງິນ ແລະ ການສະໜອງທຶນໃຫ້ແກ່ການກໍ່ການຮ້າຍ, ສົນທິສັນຍາ ກ່ຽວກັບການຕ້ານການຄ້າມະນຸດ.

%e0%ba%aa%e0%ba%9b%e0%ba%8a%e0%ba%8a%e0%ba%8a
ການປະກອບຄໍາເຫັນໃສ່ຮ່າງກົດໝາຍສະບັບນີ້, ບັນດາ ສສຊ ໄດ້ຄົ້ນຄ້ວາ ແລະ ລົງເລິກໃນຫລາຍໝວດ ຫລາຍ ມາດຕາທີ່ເຫັນວ່າຍັງບໍ່ທັນສອດຄ່ອງ, ຊັນເຈນ ແລະຈະແຈ້ງ ທັງນີ້ເພື່ອໃຫ້ມີຄວາມຖືກຕ້ອງສອດຄ່ອງ ແລະ ແທດ ເໝາະກັບສະພາບພັດທະນາທາງດ້ານເສດຖະກິດ ແລະ ສັງຄົມຂອງປະເທດເຮົາ, ສອດຄ່ອງກັບແນວທາງນະໂຍ ບາຍ ຂອງພັກ-ລັດ ແລະ ສອດຄ່ອງກັບສົນທິສັນຍາສາກົນທີ່ ສປປ ລາວ ເປັນພາຄີ.

ຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...