ອີງຕາມການລາຍງານຂອງສຳນັກຂ່າວຕ່າງປະເທດລາຍງານເມື່ອວັນທີ 15 ພະຈິກວ່າ ໂດນັລ ທຣັມ ທີ່ຊະນະການເລືອກຕັ້ງປະທານາທິິບໍດີ ຂອງສະຫະລັດອາເມລິກາ ໄດ້ປະຕິເສດການຮັບເງິນເດືອນ ເດືອນລະ 4 ແສນດອນລາ ໂດຍໄດ້ບອກວ່າ ກົດໝາຍກຳນົດໃຫ້ມີເງິນເດືອນ, ດັ່ງນັ້ນ ຈຶ່ງໄດ້ຍອມຮັບເງິນເດືອນປີລະ 1 ດອນລາ ແລະໄດ້ບອກວ່າ ເງິນເດືອນບໍ່ສຳຄັນສຳລັບຕົນເອງ
ທຣັມ ເຄີຍບອກຕອນຫາສຽງ 2 ຄັ້ງກ່ອນແລ້ວວ່າ ຈະບໍ່ຂໍຮັບເງິນເດືອນ ທັງທີ່ເປັນຈຳນວນເງິນມະຫາສານ ແລະຍັງບອກອີກວ່າ ຈະປົກປ້ອງສິດ ການຄອບຄອງ ອາວຸດປືນ ຂອງພົນລະເມືອງ ແລະຈະບໍ່ພະຍາຍາມຍົກເລີກກົດໝາຍການແຕ່ງງານລະຫວ່າງເພດດຽວກັນ ເພາະໄດ້ຖືກກຳນົດເປັນກົດໝາຍແລ້ວ