spot_img
Homeເກມລວມ 10 ອາວຸດແປກໆໃນເກມທີ່ມີໃນຊີວິດແທ້

ລວມ 10 ອາວຸດແປກໆໃນເກມທີ່ມີໃນຊີວິດແທ້

Published on

ຫຼາຍໆຄົນທີ່ມັກຫຼິ້ນເກມແນວຕ່າງໆໂດຍສະເພາະແມ່ນເກມແນວຍິງສັດຕູຫຼື FPS ມັກຈະເຫັນອາວຸດສຸດແປກແຫວກແນວໃຫ້ເຫັນກັນຢູ່ເລື້ອຍ ແລະແນ່ນອນວ່າໃນຊີວິດແທ້ນີ້ກໍມີອາວຸດທີ່ຄ້າຍໆໃນເກມນຳຈະມີຫຍັງແດ່ໄປເບິ່ງນຳກັນເລີຍ

Gauss Rifle ຈາກ Fallout 3


ປືນແມ່ເຫຼັກທີ່ເຮົາມັກຈະໄດ້ເຫັນໃນເກມ Sci-fi ເຊິ່ງໃນຊີວິດແທ້ນັ້ນກໍມີປືນທີ່ຄ້າຍໆໃນເກມທີ່ເອີ້ນວ່າ: Coilgun ເຊິ່ງກໍໄດ້ມີການບອກວິທີສ້າງໄວ້ນຳ ວິທີສ້າງ ໂດຍໃນຄລິບວີດີໂອຂ້າງເທິງນີ້ກໍເປັນອຸປະກອນທີ່ມີຄົນລອງສ້າງມັນຂຶ້ນມານຳ ເວົ້າໄດ້ວ່າອາດຈະບໍ່ຮຸນແຮງເທົ່າໃນເກມແຕ່ຖ້າໃຜຖືກຍິງແລ້ວບອກຄຳດຽວວ່າ “ເຈັບ” 

 

Gunblade ຈາກ Final Fantasy 8

https://youtu.be/4sO9pwMsnuY
ປືນສຸດແນວທີ່ປະສົມປືນກັບດາບໄວ້ນຳກັນ ເຊິ່ງອ້າງອີງຈາກ Firearm History ວ່າອາວຸດນີ້ມີມາກ່ອນແລ້ວໃນຊ່ວງປີ 1500 ແຕ່ບໍ່ໄດ້ຮັບຄວາມນິຍົມເນື່ອງຈາກຄວາມສົມດຸນຂອງນ້ຳໜັກແລະຮູບຮ່າງເຮັດໃຫ້ບໍ່ເໝາະກັບການໃຊ້ງານ, ບໍ່ຄືປືນໄຮເຟິນຕິດດາບທີ່ເບິ່ງແລ້ວເໝາະແກ່ການໃຊ້ງານຫຼາຍກວ່າ ແຕ່ຢ່າງໃດກໍຕາມຮູບຮ່າງນີ້ກໍເທ້ຢູ່ໃດ໋. 

 

Ringblade ຈາກ Soul Calibur 4


ອາວຸດທີ່ມີຮູບຮ່າງຄືກົງຈັກນີ້ມີຢູ່ແທ້ໆໃນຊີວິດຈິງໂດຍເປັນຂອງພວກ Sikhs ອ້າງອີງຈາກວີດີໂອ History Channel ເຊິ່ງຄວາມຮຸນແຮງຂອງມັນນັ້ນອັນຕະລາຍແບບສຸດໆເລີຍ ຖ້າເອົາໄປໂຍນໃສ່ໃຜນິບໍ່ຢາກຈະຄຶດສະພາບ. 

 

Demon Sword of Paracelsus ຈາກ Resident Evil 3 :Nemesis


ອາວຸດທີ່ມີຊື່ຄືດາບ ແຕ່ຄວາມຈິງແລ້ວແມ່ນ Railgun ທີ່ກອງທັບສະຫະລັດໄດ້ມີການພັດທະນາຂຶ້ນມາແທ້ໆ ເວົ້າໄດ້ວ່າເປັນອາວຸດທີ່ລ້ຳສະໄໝສຸດໆກັນເລີຍ.

 

C.Vipers Stun Glove ຈາກ Street Fighter 4


ຖົງມືຊ໋ອດໄຟຟ້າທີ່ມີການລອງເຮັດຂຶ້ນມາແທ້ໆ ແບບ DIY ແຕ່ວ່າບໍ່ແນະນຳໃຫ້ໄປເຮັດເອງເດີ້ເພາະອັນຕະລາຍຫຼາຍ.

 

Mei Freeze Gun ຈາກ Overwatch


ປືນແຊ່ແຂງຂອງຮີໂຣ້ທີ່ຫຼາຍໆຄົນຊັງໃນ Overwatch ນັ້ນໃນຊີວິດແທ້ກໍໄດ້ມີການລອງເຮັດອັນສີດໄນໂຕຣເຈນແຫຼວທີ່ແຊ່ແຂງສິ່ງຂອງໄດ້ ຫຼືເອົາໄປສີດໃສ່ໄຟກະຍັງໄດ້ ເວົ້າໄດ້ວ່າອັນຕະລາຍຫຼາຍ. 

 

Bouncing Betties ຈາກ Borderland 2


ອາວຸດທີ່ເປັນລະເບີດໃນ Borderlands 2 ທີ່ຈະລອຍຂຶ້ນມາສົ່ງສະເກັດລະເບີດອອກມາທຸກທິດທາງນັ້ນ, ໃນຊ່ວງສົງຄາມໂລກກໍມີ ກັບດັກລະເບີດສັງຫານບຸກຄົນຂອງເຢຍຣະມັນທີ່ມີຫຼັກການທີ່ຄ້າຍໆກັນເລີຍ. 

 

Clond’s Buster Sword ຈາກ Final Fantasy 7


ດາບຍັກທີ່ໃນຊີວິດແທ້ອາດຈະບໍ່ມີດາບທີ່ຂະໜາດຊ່ຳກັນ ແຕ່ວ່າດາບ Zweihander ທີ່ຕ້ອງໃຊ້ສອງມືຈັບນັ້ນເວົ້າໄດ້ວ່າໃກ້ຄຽງເຊິ່ງໃນຊີວິດແທ້ການຈັບມືດຽວແລ້ວໃຊ້ສູ້ນິເປັນບໍ່ໄດ້ແນ່ນອນ ເພາະນ້ຳໜັກຂອງດາບທີ່ໜັກຫຼາຍ. 

 

Medic Gun ຈາກ Team Fortress 2

https://youtu.be/jWQ93ChvQxg
ປືນຍິງເຂັມສັກຢາທີ່ໃນຊີວິດແທ້ບໍ່ໄດ້ຍິງເຂັມສັກຢາໄປ, ແຕ່ວ່າຈະຍິງວັກຊີນຢາເຂົ້າໄປໃນຄົນເລີຍໂດຍບໍ່ຕ້ອງໃຊ້ເຂັມຫຼືອີ່ຫຍັງທັງນັ້ນ, ຄົນຢ້ານເຂັມສັກຢາຄົງຈະມັກແນ່ນອນ. 

 

Bridget’s Yo-Yo ຈາກ Guilty Gear

https://youtu.be/05bbAr27WF4
ໂຢໂຢ້ທີ່ໃນຊີວິດແທ້ບໍ່ໜ້າຈະເອົາມາໃຊ້ເປັນອາວຸດໄດ້ນັ້ນ ກໍເຄີຍມີການບັນທຶກໄວ້ວ່າຊາວຟິລິບປິນໃນປີ 1600 ເຄີຍມີອາວຸດແບບນີ້ໄວ້ໃຊ້ໃນການລ່າສັດ ເວົ້າໄດ້ວ່າບໍ່ທຳມະດາເລີຍ. 

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: online station

ບົດຄວາມຫຼ້າສຸດ

ຈັບສາຍປາຕີ້ຄໍລະເຈັ້້ນ 9 ຄົນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ.

ປກສ ແຂວງບໍ່ແກ້ວ ມ້າງຄະດີແກ້ງມົ້ວສຸ່ມຢາເສບຕິດ ຈຳນວນ 9 ຄົນ ຈັດປາຕີ້ຄໍລະເຈັ້ນ ຢູ່ບ້ານອຸດົມ ເມືອງຫ້ວຍຊາຍ ແຂວງບໍ່ແກ້ວ. ໃນຄັ້ງວັນທີ 26 ມີນາ 2025 ຜ່່ານມາ,...

ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ໃນການອຳນວຍຄວາມສະດວກ ໃນໄລຍະປີໃໝ່ລາວ 2025

ເພື່ອສະກັດກັ້ນອຸບັດເຫດ ກົມຕຳຫຼວດຈະລາຈອນ ຈະນໍາໃຊ້ຕຳຫຼວດຈະລາຈອນ 1,172 ສະຫາຍ ຕັ້ງຈຸດກວດກາ 143 ຈຸດ ຕາມແຕ່ລະເສັ້ນທາງ ໄລຍະປີໃໝ່ລາວ. ທ່ານ ພັອ ຄໍາສອນ ສີດາວົງ ຫົວໜ້າກົມຕຳຫລວດຈະລາຈອນ,...

ລະທຶກ! ເຮືອສະປີດໂບ໊ດເກີດໄຟໄໝ້ກາງທະເລອັນດາມັນ ປະເທດໄທ

ເລັ່ງອົບພະຍົບຜູ້ໂດຍສານ ຈາກເຫດໄຟໄໝ້ເຮືອສະປີດໂບ໊ດ ບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ. ສຳນັກຂ່າວຕ່າງປະເທດລາຍງານ ເຫດໄຟໄໝ້ເຮືອສະປີດໂບ໊ດບໍລິເວນເກາະໄມ້ທ່ອນ ຈັງຫວັດພູເກັດ ປະເທດໄທ ໃນເວລາປະມານ 09:10 ນາທີ ຂອງວັນທີ 1 ເມສາ...

ເພີ່ມຂຶ້ນຕໍ່ເນື່ອງເຫຍື່ອແຜ່ນດິນໄຫວທີ່ມຽນມາ ຫຼ້າສຸດມີຜູ້ເສຍຊີວິດກວ່າ 2,056 ຄົນ

ສະຖານະການແຜ່ນດິນໄຫວໃນມຽນມາຍັງໜ້າເປັນຫ່ວງ ເຈົ້ານ້າທີ່ຕ້ອງເລັ່ງທຳການຄົ້ນຫາ ແລະ ຊ່ວຍຜູ້ລອດຊີວິດອອກມາຈາກໃຕ້ຊາກອາຄານ ຫຼັງຈາກ້າວເຂົ້າສູ່ມື້ທີ 4 ນັບຕັ້ງແຕ່ເກີດເຫດເມື່ອວັນທີ 28 ມີນາ 2025. ສຳນັກຂ່າວຕ່າງປະເທດລາຍນງານໃນວັນທີ 1 ເມສາ 2025 ນີ້,...