spot_img
Homeຂ່າວເຫດການໂຍທາອ້າງເສັ້ນທາງ 450 ປີລົດ ສັນຈອນໜ້ອຍບໍ່ຄຸ້ມຄ່າຕໍ່ການຕິດຕັ້ງໄຟອຳນາດ

ໂຍທາອ້າງເສັ້ນທາງ 450 ປີລົດ ສັນຈອນໜ້ອຍບໍ່ຄຸ້ມຄ່າຕໍ່ການຕິດຕັ້ງໄຟອຳນາດ

Published on

450 year lao

 

ພາຍຫລັງເສັ້ນທາງ 450 ປີໄດ້ກໍ່ສ້າງສຳເລັດ, ໄດ້ອຳນວຍຄວາມສະດວກບໍ່ໜ້ອຍໃຫ້ແກ່ການສັນຈອນ

ໄປມາບົນເສັ້ນທາງດັ່ງກ່າວໃນແຕ່ລະມື້ ໂດຍສະເພາະແມ່ນລົດຂົນສົ່ງ, ແຕ່ການບໍ່ມີສິ່ງອຳນວຍຄວາມ

ສະດວກໃຫ້ແກ່ການແລ່ນລົດ ໂດຍສະເພາະໄຟແດງໃນຈຸດສີ່ແຍກສຳຄັນຕ່າງໆ ອັນໄດ້ກໍໃຫ້ເກີດອຸປະຕິ

ເຫດມາຫລາຍຄັ້ງ ຈົນນັບບໍ່ຖ້ວນເປັນຕົ້ນແມ່ນຈຸດສີ່ແຍກລະຫວ່າງເສັ້ນທາງບ້ານນາຄວາຍ ແລະ ມີຜູ້

ເສຍຊີວິດມາແລ້ວຫລາຍສີບສົບ ຈົນປະຊາຊົນຜູ້ຢູ່ໃກ້ຄຽງ ເອີ້ນສີ່ແຍກດັ່ງກ່າວ ວ່າເປັນສີ່ແຍກມໍລະນະ

ເນື່ອງຈາກອຸປະຕິເຫດເກີດຂຶ້ນເກືອບທຸກຄັ້ງ ແມ່ນມີຜູ້ເສຍຊີວິດ.

 

ຕໍ່ສະພາບດັ່ງກ່າວໄດ້ມີປະຊາຊົນກໍຄືຜູ້ຂັບຂີ່ ໄດ້ສະເໜີຫາພາກສ່ວນກ່ຽວຂ້ອງຫລາຍຄັ້ງ ໃຫ້ມາຕິດຕັ້ງ

ໄຟອຳນາດຢູ່ສີ່ແຍກດັ່ງກ່າວ ເພື່ອໃຫ້ການສັນຈອນມີຄວາມເປັນລະບຽບ ແລະ ຫລຸດຜ່ອນການເກີດອຸ

ປະຕິເຫດ ແລະ ມີໄລຍະໜຶ່ງພາກສ່ວນກ່ຽວຂ້ອງໄດ້ນຳໃຊ້ວິທີສ້າງຄັນຄູເປັນຄື້ນ ເພື່ອໃຫ້ຜູ້ຂັບຂີ່ຫລຸດ

ຜ່ອນຄວາມໄວ ແຕ່ປາກົດວ່າຍິ່ງສ້າງຄວາມຫຍຸ້ງຍາກລຳບາກ ແລະ ເກີດອຸປະຕິເຫດຫລາຍກວ່າເກົ່າ

ຍ້ອນຄັນຄູມີຄວາມສູງເກີນຂອບເຂດຍິ່ງສົ່ງຜົນໃຫ້ເກີດອຸປະຕິເຫດຜູ້ຂັບຂີ່ລົດຈັກຫລາຍຄົນ ໄດ້ຮັບ

ບາດເຈັບຍ້ອນຄັນຄູດັ່ງກ່າວ ຈຶ່ງໄດ້ມີການທັບມ້າງຄັນຄູອອກ ແລະ ປະຊາຊົນຍັງເຊື່ອວ່າການຕິດຕັ້ງໄຟ

ອຳນາດຄືວິທີແກ້ໄຂທີ່ດີສຸດ ແລະ ພວກເຂົາກໍພະຍາຍາມສະເໜີຫາພາກສ່ວນກ່ຽວຂ້ອງ ແລະ ສ່ອງແສງ

ຜ່ານສື່ຫລາຍຄັ້ງແຕ່ກໍບໍ່ມີຫຍັງເກີດຂຶ້ນ.

 

ຈົນກອງປະຊຸມສະໄໝສາມັນເທື່ອທີ 7 ຂອງສະພາແຫ່ງຊາດຊຸດທີ VII ໄຂຂຶ້ນໃນເດືອນກໍລະກົດນີ້, ຈຶ່ງມີ

ປະຊາຊົນສະເໜີບັນຫາດັ່ງກ່າວຫາສະພາຕື່ມ ເພື່ອໃຫ້ພາກສ່ວນກ່ຽວຂ້ອງມາຊີ້ແຈ້ງ ແລະ ໃນທີ່ສຸດກໍໄດ້

ຮັບຄຳຕອບຈາກທ່ານ ດຣ ສັນຕິສຸກ ສິມມາລາວົງ ຫົວໜ້າ ຫ້ອງການກະຊວງໂຍທາທິການ ແລະ ຂົນສົ່ງ

ວ່າ: ຜ່ານມາ ກະຊວງໂຍທາທິການ ແລະ ຂົນສົ່ງ ໄດ້ສົ່ງພະນັກງານວິຊາການກ່ຽວຂ້ອງລົງສຳຫລວດ ແລະ

ຊອກຫາວິທີແກ້ໄຂບັນຫາຢູ່ສີ່ແຍກດັ່ງກ່າວແລ້ວ ແລະ ຜ່ານການຄົ້ນຄວ້າເຫັນວ່າການຕິດຕັ້ງລະບົບໄຟ

ອຳນາດຢູ່ຈຸດດັ່ງກ່າວແມ່ນບໍ່ເໝາະສົມ ເນື່ອງຈາກປະລິມານການສັນຈອນຂອງລົດມີໜ້ອຍ ເຊິ່ງບໍ່ຄຸ້ມ

ກັບຄ່າໃຊ້ຈ່າຍໃນການກໍ່ສ້າງຕິດຕັ້ງ ແລະ ການບຳລຸງຮັກສາມີມູນຄ່າສູງ, ດັ່ງນັ້ນກະຊວງໂຍທາ ຈຶ່ງມີ

ແຜນຈະກໍ່ສ້າງວົງວຽນຢູ່ຈຸດດັ່ງກ່າວແທນ ແລະ ຕິດຕັ້ງ ລະບົບໄຟເຍືອງທາງຕື່ມອີກ ຄາດວ່າຈະສາມາດ

ຫລຸດຜ່ອນສະພາບການເກີດອຸປະຕິເຫດໃນເສັ້ນທາງດັ່ງກ່າວລົງໄດ້.

 

ທີ່ມາ: http://laophatthananews.blogspot.com/2014/07/450_22.html

ບົດຄວາມຫຼ້າສຸດ

ຮັບຮອງເປັນມໍຣະດົກແຫ່ງຊາດ ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ ມີຄວາມສຳຄັນໃນລະດັບພູມິພາກອາຊີຕາເວັນອອກສ່ຽງໃຕ້

ສະຖານບູຮານໜອງດິນຈີ່ ເມືອງໂພນທອງ ແຂວງຈຳປາສັກ, ຖືກຮັບຮອງເປັນມໍຣະດົກແຫ່ງຊາດ ຕາມຂໍ້ຕົກລົງຂອງທ່ານລັດຖະມົນຕີກະຊວງວັດທະນະທຳ ແລະ ການທ່ອງທ່ຽວ. ເມື່ອວັນທີ 11 ສິງຫາ 2025 ທີ່ຜ່ານມາ, ວ່າດ້ວຍການຮັບຮອງເອົາມໍຣະດົກແຫ່ງຊາດລະດັບຊາດ ດ້ານວັດທະນະທຳ, ປະຫວັດສາດ...

ລາວເປັນປະເທດທີ່ມີຄວາມສະຫງົບ ໂດຍຖືກຈັດຢູ່ອັນດັບທີ 10 ປະເທດທີ່ສະຫງົບສຸກ ແລະ ສັນຕິພາບທີ່ສຸດໃນອາຊີ ປະຈຳປີ 2025

ລາວຖືກຈັດຢູ່ ອັນດັບທີ່ 10 ປະເທດທີ່ສັນຕິພາບທີ່ສຸດໃນອາຊີ ຕາມລາຍງານ ດັດຊະນີສັນຕິພາບໂລກ (GPI) 2025 ສະບັບລ້າສຸດ ທີ່ອອກໂດຍ ສະຖາບັນເສດຖະກິດແລະສັນຕິພາບ (IEP). (GPI) 2025 ສະບັບລ້າສຸດ...

ສາຍກິນດິບໃຫ້ລະວັງ! ພະຍາດໃບໄມ້ໃນປອດທີ່ເກີດຈາກການກິນດິບ ໂດຍສະເພາະເມນູກຸ້ງເຕັ້ນ ແລະ ປູດິບຈາກແຫຼ່ງນໍ້າຈືດ

ພະຍາດໃບໄມ້ໃນປອດ ເກີດຈາກການກິນອາຫານດິບ ແລະ ສຸຂະອະນາໄມໃນການປຸງແຕ່ງອາຫານ ສາຍກິນດິບຄວນລະວັງ, ເມື່ອບໍ່ດົນມານີ້,ມີກໍລະນີເດັກນ້ອຍອາຍຸ 14 ປີ ຈາກ ສ.ເກົາຫຼີ ທີ່ມັກກິນກຸ້ງສົດ ແລະ ປູສົດນໍ້າຈືດ ມີອາການຫາຍໃຈລໍາບາກ, ໄອມີເສມຫະ...

ເກີດຂຶ້ນ 1 ໃນ 8 ລ້ານ ຕ້ອງໄດ້ທຳການຜ່າອອກດ່ວນ ຍິງຊາວອິນເດຍພົບໂຕອ່ອນມາຢູ່ໃນຕັບ

ຍິງຊາວອິນເດຍມີອາການເຈັບທ້ອງ ຜົນສະແກນ MRI ພົບວ່າມີໂຕອ່ອນມາຢູ່ໃນຕັບ ເຊິ່ງເກີດຂຶ້ນໄດ້ຍາກມີພຽງ 45 ກໍລະນີ ໃນທົ່ວໂລກ ຈາກກໍລະນີຍິງຊາວອິນເດຍ ອາຍຸ 35 ປີ, ທີ່ກຳລັງຖືພາ 12 ອາທິດ...