spot_img
Homeຂ່າວເຫດການກະຊວງ ຖວທ ຜັນຂະຫຍາຍວຽກງານ ຕິດຕາມກວດກາ-ຕ້ານການສໍ້ລາດບັງຫລວງ

ກະຊວງ ຖວທ ຜັນຂະຫຍາຍວຽກງານ ຕິດຕາມກວດກາ-ຕ້ານການສໍ້ລາດບັງຫລວງ

Published on

ໃນ​ວັນ​ທີ 7 ພະຈິກນີ້ ຢູ່ນະຄອນຫລວງ​ວຽງ​ຈັນ,​ ທ່ານ ນາງ ສຸພາ​ລັກ ທິລາ​ວົງ ຫົວໜ້າ​ກົມ​ກວດກາ ກະຊວງ​​ ຖວທ ​ໄດ້ຮຽກຮ້ອງ​ໃຫ້ ບັນດາ​ຜູ້​ແທນ​​ເຂົ້າຮ່ວມ ກອງ​ປະຊຸມ​​ເຜີຍ​ແຜ່ ​ແລະ ຜັນ​ຂະຫຍາຍ​ເນື້ອ​ໃນ​ ກອງ​ປະຊຸມ​ວຽກ​ງານ​ກວດກາ​ ທົ່ວ​ປະ​ເທດ ຄັ້ງທີ່ III ​ແລະ ກອງ​ປະຊຸມ​ ຝຶກອົບຮົມ​ວຽກງານ​ກວດກາ, ກະຊວງ​ຖະ​ແຫລ​ງຂ່າວ​,​ ວັດທະນະທຳ ​ແລະ ທ່ອງ​ທ່ຽວ (ຖວທ) ​ຈົ່ງ​ພ້ອມ​ກັນສຸມ​ສະຕິ​ປັນຍາ ແລະ ຍົກ​ສູງ​ຄວາມ​ຮັບຜິດຊອບ​ຂອງ​ຕົນ​ ເຂົ້າ​ໃນ​ການ​ຮັບ​ຟັງ, ​ປະກອບ​ຄວາມ​ຄິດ​ເຫັນ​ ຢ່າງ​ຕັ້ງໜ້າ-​ເລິກ​ເຊິ່ງ ກົງ​ໄປ​ກົງ​ມາ​ ຕໍ່​ເນື້ອ​ໃນ​ຕ່າງໆຂອງ​ກອງ​ປະຊຸມ ​​ເພື່ອ​ເຮັດ​ໃຫ້​ຄະນະ​ພັກ, ຄະນະ​ກວດກາ​ແຕ່ລະ​ຂັ້ນ ມີ​ການ​ຫັນປ່ຽນ​ຢ່າງ​ຕັ້ງໜ້າ​.

ໃນ​ການ​ຊີ້​ນຳໆພາ ຕໍ່ວຽກ​ງານ​ຕິດຕາມ​ກວດກາ ​ແລະ ຕ້ານ​ການ​ສໍ້​ລາດ​ບັງ​ຫລວງ ສະ​ແດງ​ອອກ​ເມື່ອ​ເຫັນ​ຈຸດ​ອ່ອນ ຕ້ອງ​ໄດ້ຄົ້ນຄວ້າ ​ຊອກ​ຫາ​ວິທີທາງ​​ແກ້​ໄຂ​ ເພື່ອ​ເຮັດ​ໃຫ້​ວຽກ​ງານ​ ຕິດຕາມກວດກາ​ ແລະ ຕ້ານ​ການ​ສໍ້​ລາດ​ບັງ​ຫລວງ ​ໄດ້​ດຳ​ເນີນ​​ໄປ​ຢ່າງ​ແຂງ​ແຮງ, ກາຍ​ເປັນຄວາມ​ຮັບ​ຜິດຊອບ​ ໂດຍ​ກົງ​ຂອງ​ຄະນະ​ພັກ ແລະ ການ​ນຳ​ທຸກຂັ້ນ. ພ້ອມ​ນີ້, ຍັງ​ໄດ້​ຮຽກ​ຮ້ອງ​ໃຫ້ ບັນດາ​ນັກ​ສຳ​ມະ​ນາກອນ ​ທີ່​ເຂົ້າຮ່ວມ​​ຝຶກອົບຮົມ​​ ກ່ຽວ​ກັບ​ວຽກ​ງານ​ກວດກາໃນ​ຄັ້ງນີ້ ຈົ່ງ​ຕັ້ງໜ້າ​ສຸມ​ຈິດ​ໃຈ​ເຂົ້າຮ່ວມ ​ຄົ້ນຄວ້າ​ຮ່ຳຮຽນ​ໃຫ້​ສຸດ​ກົກ​ສຸດ​ປາຍ ​ເພື່ອ​ນຳ​ເອົາ​ບົດຮຽນ ​ຈາກ​ການ​​ຝຶກອົບຮົມ​ນີ້ ​ໄປ​ໃຊ້​ເຂົ້າ​ໃນ​ການ ​ຕິດຕາມກວດກາ ການ​ພັດທະນາ ​ແລະ ຄຸ້ມ​ຄອງ​ວຽກ​ງານ​ ທີ່​ພັກ-​ລັດ​ມອບ​ໝາຍ​ ​​ໂດຍສະ​ເພາະ ວຽກ​ງານ​ຖະ​ແຫລ​ງຂ່າວ, ວັດທະນະທຳ ​ແລະ ທ່ອງ​ທ່ຽວ.

ກອງ​ປະຊຸມ​-​ຝຶກອົບຮົມ​ດັ່ງກ່າວ, ຈະ​ດຳ​ເນີນ​ໄປ​ເປັນ​ເວລາ 4 ວັນ ​ເພື່ອ​ຮັບ​ຟັງ​ເຜີຍ​​ແຜ່ ບົດ​ສະຫລຸບ​ ຕີ​ລາຄາ​ການ​ເຄື່ອນ​ໄຫວ ​ວຽກ​ງານ​ກວດກາ ​ແຕ່​ປີ 2011-2015, ທິດ​ທາງ​ແຜນການ ​ແຕ່​ປີ 2016-2020 ຂອງ​ຄະນະ​ກວດກາ​ສູນ​ກາງ​ພັກ, ສະຫລຸບ​ການ​ເຄື່ອນໄຫວວຽກ​ງານ​ກວດກາ ແຕ່​ປີ 2011-2015​, ທິດ​ທາງ​ແຜນການ​​ແຕ່​ ປີ 2016-2020 ຂອງ​ກະຊວງ ຖວທ ກໍ​ຄື ຈະ​ໄດ້​ຮັບ​ການ​​ຝຶກອົບຮົມ​ກ່ຽວ​ກັບ ​ວຽກ​ງານ​ກວດກາຈາກຄະນະ​ກວດກາ​ສູນ​ກາງພັກ.

kasuang1

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

5 ນັກກິລາບານສົ່ງໄທຕິດຢູ່ໃນເນປານ ທ່າມກາງການປະທ້ວງຮຸນແຮງ ພ້ອມເຜີຍສະຖານະການຫຼ້າສຸດ

ຈາກສະຖານະການຄວາມຮຸງແຮງ ຂອງການປະທ້ວງທີ່ເກີດຂຶ້ນທີ່ປະເທດເນປານ ໃນວັນທີ 09 ກັນຍາ 2025 ທີ່ຜ່ານມາ ສົ່ງຜົນໃຫ້ນັກກິລາບານສົ່ງຍິງຈາກປະເທດໄປ ຈຳນວນ 5 ຄົນ, ທີ່ເດີນທາງໄປແຂ່ງຂັນກິລາບານສົ່ງທີ່ປະເທດເນປານ ລະຫວ່າງ ວັນທີ 05-13...

ອອກມາແລ້ວ ກົດໝາຍວ່າດ້ວຍລັດຖະກອນສະບັບປັບປຸງໃໝ່ ລົງວັນທີ 7 ພຶດສະພາ 2025

ແຈ້ງການອອກມາແລ້ວ ກົດໝາຍວ່າດ້ວຍພະນັກງານ-ລັດຖະກອນ ສະບັບປັບປຸງ ເລກທີ 046/ປປທ ລົງວັນທີ 07/09/2025 ມີເນື້ອໃນດັ່ງນີ້:

ອັບດັບ 13 ຂອງໂລກ ລາວຕິດອັນດັບເປັນໜຶ່ງໃນປະເທດ ຈຸດໝາຍປາຍທາງການທ່ອງທ່ຽວທີ່ຂະຫຍາຍຕົວສູງສຸດໃນປີ 2024

ອົງການທ່ອງທ່ຽວໂລກ ແຫ່ງສະຫະປະຊາຊາດ ລາຍງານກ່ຽວກັບ ການຈັດອັນດັບປະເທດຈຸດໝາຍປາຍທາງການທ່ອງທ່ຽວ ທີ່ຂະຫຍາຍໂຕສູງທີ່ສຸດ ໃນນັ້ນ ສປປ ລາວ ສາມາດຕິດຢູ່ໃນ ອັນດັບທີ່ 13 ຂອງໂລກ ຈາກການຈັດອັນດັບໃນປີ 2024...

ເຫດການປະທ້ວງຄັ້ງໃຫຍ່ ຄົນລຸ້ນໃໝ່ລວມກຸ່ມປະທ້ວງໃນເນປານ ເນື່ອງຈາກປິດກັ້ນສື່ອອນລາຍ ແລະ ບັນຫາສໍ້ລາດບັງຫຼວງ

ໃນວັນທີ 09 ກັນຍາ 2025ທ່ານ ເຄພີ ຊາມາໂອລີ, ນາຍົກລັດຖະມົນຕີປະເທດເນປານໄດ້ປະກາດລາອອກຈາກຕໍາແໜ່ງ ເນື່ອງຈາກມີການປະທ້ວງຂອງປະຊາຊົນໂດຍສະເພາະກຸ່ມເດັກລຸ້ນໃໝ່ ເຊິ່ງສາເຫດແມ່ນເກີດຈາກ - ການອອກມາດຕະການຫ້າມນໍາໃຊ້ສື່ອອນລາຍ ເຊິ່ງກ່ອນໜ້ານີ້ໄດ້ມີການແຈ້ງການປິດກັນ 26 ແອັບພຣິເຄຊັນເຊັ່ນ: ເຟສບຸກ,...