spot_img
Homeເກມບົດຄວາມເກມ: ມື້ນີ້ໃນອະດີດ ວັນທີ 6 ພະຈິກ

ບົດຄວາມເກມ: ມື້ນີ້ໃນອະດີດ ວັນທີ 6 ພະຈິກ

Published on

ວັນທີ 6 ພະຈິກ ປີ 1997 ຫຼືມື້ນີ້ເມື່ອ 19 ປີທີ່ແລ້ວ ເປັນມື້ວາງຈຳໜ່າຍຂອງເກມ Bloody Roar ເທິງເຄື່ອງ PS1 ທີ່ປະເທດຍີ່ປຸ່ນ. ໂດຍຊີຣີ Bloody Roar ເປັນເກມແນວໄຟຕິ້ງທີ່ມີຄວາມແຕກຕ່າງຈາກເກມໄຟຕິ້ງຊີຣີອື່ນໆບ່ອນທີ່ໂຕລະຄອນທຸກໂຕຈະສາມາດແປງຮ່າງເປັນສັດປ່າຊະນິດຕ່າງໆໄດ້ ເຊິ່ງເມື່ອຢູ່ໃນຮ່າງສັດປ່າ ຫຼື Beast Mode ແລ້ວກໍຈະມີພະລະກຳລັງແລະຄວາມໄວທີ່ສູງຂຶ້ນ, ມີທ່າໄມ້ຕາຍໃໝ່ໆໃຫ້ໃຊ້ ແລະສາມາດຟື້ນພະລັງຊີວິດໄດ້ບາງສ່ວນ. ສຳລັບເກມ Bloody Roar ນີ້ໄດ້ມີການພັດທະນາລົງໃຫ້ກັບ 2 ແພລັດຟອຣ໌ມໄດ້ແກ່: ຕູ້ອາເຂດແບບຢອດຫຼຽນ ແລະເຄື່ອງ PS1. ໂດຍເວີຊັ່ນ PS1 ຈະເປັນການພັດທະນາໂດຍບໍລິສັດ Hudson Soft (ທີ່ເຄີຍມີຜົນງານພັດທະນາເກມດັງໆມາແລ້ວຄື Bomberman ເປັນຕົ້ນ)

ພລ໋ອດເລື່ອງຂອງ Bloody Roar ຈະກ່າວເຖິງກຸ່ມອາການທີ່ເອີ້ນວ່າ: Zoanthropes ທີ່ໝາຍເຖິງຄົນທີ່ໄດ້ຮັບພະລັງຈາກສັດປ່າແຕ່ຍັງມີສະຕິປັນຍາຂອງມະນຸດຫຼົງເຫຼືອຢູ່ເຊິ່ງ ຢູໂກະ ໂອກາມິ (Yugo Ogami) ພະເອກຂອງເກມທີ່ມີອາການ Zoanthropes ໄດ້ພະຍາຍາມຄົ້ນຫາຄວາມຈິງກ່ຽວກັບການຕາຍຂອງພໍ່ຕົນເອງ, ໂດຍພໍ່ຂອງຢູໂກະນັ້ນເປັນທະຫານຮັບຈ້າງທີ່ຖືກແຈ້ງໃນຕອນທຳອິດວ່າເສຍຊີວິດໃນການຕໍ່ສູ້ທີ່ປະເທດໃນແຖບອາເມຣິກາໃຕ້ ຢູໂກະຈຶ່ງອອກຊອກຫາ ກາໂດ (Gadou) ທີ່ເປັນຜູ້ລອດຊີວິດພຽງຄົນດຽວຈາກການຕໍ່ສູ້ໃນຄັ້ງນັ້ນ ໃນທີ່ສຸດຢູໂກະກໍຮູ້ຄວາມຈິງວ່າພໍ່ຂອງຕົນກໍເປັນ 1 ໃນຜູ້ທີ່ມີອາການ Zoanthropes ທີ່ລຸກຂຶ້ນມາຕໍ່ຕ້ານບໍລິສັດ Tyron ທີ່ຄຶດຫາປະໂຫຍດຈາກກຸ່ມຜູ້ທີ່ເປັນອາການດັ່ງກ່າວ ແລະຖືກສັງຫານແບບໂຫດ ລາວເລີຍຕັ້ງປະຕິຍານວ່າຈະລ້າງບາງຄົນຊົ່ວດ້ວຍພະລັງທີ່ໄດ້ຮັບສືບທອດຈາກພໍ່ໃຫ້ໄດ້. 

Fact ເລັກນ້ອຍກ່ຽວກັບເກມ Bloody Roar

  • Bloody Roar ພາກທຳອິດຂ້ອນຂ້າງໄດ້ຮັບຄະແນນວິຈານຢູ່ໃນເກນລະຫວ່າງພໍໃຊ້ເຖິງດີ ຄ່າສະເລ່ຍຂອງຄະແນນຈາກຫຼາຍໆສຳນັກຈະຢູ່ທີ່ປະມານ 70-75% ເຊິ່ງຄວາມເຫັນຕ່າງໆຂອງນັກຣີວິວຈະແນມວ່ານີ້ເປັນເກມໄຟຕິ້ງທີ່ເໝາະກັບຜູ້ຫຼິ້ນທີ່ບໍ່ແມ່ນແຟນເກມໄຟຕິ້ງມາແຕ່ທຳອິດ ເພາະໂຕເກມແທບບໍ່ມີອົງປະກອບຂອງຄວາມເປັນເກມໄຟຕິ້ງຮາຣ໌ດຄໍເລີຍ (ຊ່ວງນັ້ນສາຍຮາຣ໌ດຄໍຈະໄປທາງ Street Fighter, Tekken ຫຼື The King of Fighters ຫຼາຍກວ່າ)

  • ເກມນີ້ໃນເວີຊັ່ນຕູ້ອາເຂດຢອດຫຼຽນທີ່ເປີດໃຫ້ບໍລິການໃນທະວີບອາເມຣິກາເໜືອຈະໃຊ້ຊື່ເກມວ່າ Beastorizer ເຊິ່ງກໍມີພຽງພາກທຳອິດເທິງແພລັດຟອຣ໌ມດັ່ງກ່າວເທົ່ານັ້ນທີ່ໃຊ້ຊື່ນີ້, ໂດຍທາງ Raizing ແລະ Hudson Soft ທີ່ຮ່ວມພັດທະນາເກມນີ້ໃນຄົນລະແພລັດຟອຣ໌ມໄດ້ຫາຈຸດຮ່ວມກັນວ່າໃຊ້ຊື່ Bloody Roar ໃນການວາງຈຳໜ່າຍທັງແພລັດຟອຣ໌ມຕູ້ອາເຂດແລະ PS1 ໄປເລີຍເພາະຊື່ຈື່ງ່າຍກວ່າ.

  • ພາກສຸດທ້າຍຂອງຊີຣີນີ້ໄປຢຸດຢູ່ທີ່ Bloody Roar 4 ໂດຍວາງຈຳໜ່າຍເທິງເຄື່ອງ PS2 ເມື່ອທ້າຍປີ 2003 ແລະກໍບໍ່ມີການເຮັດພາກຕໍ່ມາອີກເລີຍ ເນື່ອງຈາກຍອດຂາຍມີແຕ່ຫຼຸດລົງນັ້ນເອງ.

  ຈົນສຸດທ້າຍຊີຣີນີ້ກໍດັບສະໜິດໄປເລີຍເມື່ອທາງ Hudson Soft ຖືກເທກໂອເວີ້ໄປໂດຍບໍລິສັດ Konami ຕັ້ງແຕ່ປີ 2013.

ສຳລັບທ່ານໃດທີ່ຮັກໃນການອ່ານຂ່າວໄອທີ, ເກມ ແລະ ອະນິເມະ ສາມາດຕິດຕາມໄດ້ທີ່ນີ້ ກົດຖືກໃຈເລີຍ!

ທີ່ມາ: online station

ບົດຄວາມຫຼ້າສຸດ

ຕຳກາງອາກາດ ເຫດລົດບິນຕໍາກັນກາງອາກາດຢູ່ເມືອງສາງຊຸນ ສປ.ຈີນ ໃນລະຫວ່າງຊ້ອມການສະແດງເປີດໂຕລົດບິນໄດ້

ໃນວັນທີ 18/09/2025 ມີລາຍງານຈາກສຳນັກຂ່າວປະເທດຈີນ ເກີດອຸບປະຕິເຫດ ລົດບິນຕໍາກັນລະຫວ່າງຊ້ອມການສະແດງ ທີ່ເມືອງສາງຊຸນ ຂອງປະເທດຈີນ ລາຍງານມີຜູ້ບາດເຈັບ 1 ຄົນ. ອຸບບັດຕິເຫດດັ່ງກ່າວໄດ້ເກີດຂຶ້ນໃນຕອນທີ່ບໍລິສັດ Xpeng ຂອງປະເທດຈີນ ໄດ້ຈັດງານສະແດງເປີດໂຕລົດບິນ. ສະແດງເຖິງເຕັກໂລໂນຊີທີ່ທັນສະໄໝ...

ຍ້ອນຫຼັບໃນ! ກະບະລີໂວ້ຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ

ກະບະລີໂວ້ຫຼັບໃນຕຳລົດສອງແຖວ ບາດເຈັບ 18 ຄົນ ໃນນັ້ນ 3 ຄົນສາຫັດ ຢູ່ບ້ານດ້ານຊ້າງ ເມືອງໄຊທານີ ນະຄອນຫຼວງວຽງຈັນ ເຈົ້າໜ້າທີ່ ປກສ ເມືອງໄຊທານີ ນະຄອນຫຼວງວຽງຈັນ ໃຫ້ຮູ້ວ່າ:...

ທັງໜ້າຕາດີ ທັງຈິດໃຈດີ Felix Stray kids ໃນ 2 ປີທີ່ (2024-2025) Felix ໄດ້ບໍລິຈາກໃຫ້ປະເທດລາວ ລວມມູນຄ່າທັງໝົດປະມານ 3 ຕື້ກີບ

ທັງໜ້າຕາດີ ທັງຈິດໃຈດີ Felix Stray kids ຂອບໃຈທີ່ໃຫ້ການສະໜັບສະໜູນມາຕະຫຼອດ 2 ປີ (2024-2025) ທີ່ໄດ້ເຂົ້າມາຊ່ວຍເຫຼືອເດັກນ້ອຍໃນປະເທດລາວໃຫ້ມີຊີວິດການເປັນຢູ່ ແລະ ສະພາບເວດລ້ອມທີ່ດີຂຶ້ນ, ໃນ 2...

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...