Homeຂ່າວຕ່າງປະເທດຣັດເຊຍຢືນຢັນ ມີເຮືອບິນຂັບໄລ່ອູແກຣນບິນໃກ້ໆ MH17 ກ່ອນເກີດເຫດ

ຣັດເຊຍຢືນຢັນ ມີເຮືອບິນຂັບໄລ່ອູແກຣນບິນໃກ້ໆ MH17 ກ່ອນເກີດເຫດ

Published on

557000008521901

 

ຣັດເຊຍ ອອກມາຢືນຢັນໃນວັນຈັນ (21 ກໍລະກົດ) ວ່າ ບັນທຶກດ້ານຖ້ຽວບິນຂອງຕົນ ສະແດງໃຫ້ເຫັນຊັດເຈນວ່າ

ມີເຮືອບິນຂັບໄຂ່ຂອງອູແກຣນລຳໜຶ່ງ ກຳລັງບິນຢູ່ໃກ້ໆກັບຖ້ຽວບິນ MH17 ພຽງບໍ່ດົນກ່ອນທີ່ເຮືອບິນໂດຍສານ

ຂອງສາຍການບິນມາເລເຊຍລຳນັ້ນຈະຕົກລົງ, ການເປີດເຜີຍເລື່ອງນີ້ ເປັນຄວາມພະຍາຍາມທີ່ທາງມົດສະກູໂຕ້

ຕອບການກ່າວຫາຂອງຝ່າຍຕາເວັນຕົກ ໂດຍສະເພາະສະຫະລັດອາເມລິກາທີ່ອອກມາຢືນຢັນຕະຫຼອດວ່າ ມີຫຼັກ

ຖານແໜ້ນໜາທີ່ລະບຸເຖິງ ກຸ່ມແບ່ງແຍກດິນແດນໃນອູແກຣນຕາເວັນອອກ ເປັນຜູ້ໃຊ້ຈະຫຼວດທີ່ຣັດເຊຍສົ່ງ

ໃຫ້ ຍິງເຮືອບິນໂບອິ້ງ 777 ຂອງມາເລເຊຍແອຣ໌ລາຍຕົກ.

 

ການຖະແຫຼງຂ່າວດັ່ງກ່າວຖືກຈັດຂຶ້ນເປັນພິເສດທີ່ນະຄອນຫຼວງມົດສະກູ ໂດຍມີນາຍທະຫານລະດັບສູງ 2 ຄົນ

ຈາກຄະນະເສນາທິການໃຫຍ່ກອງທັບຣັດເຊຍ ເປັນຜູ້ຖະແຫຼງ ໂດຍລະບຸວ່າ ເຄືອຂ່າຍສະຖານີຣາດາເຊິ່ງໃຊ້ໃນ

ການປະຕິບັດການຂະບົບຂີປະນາວຸດຂອງອູແກຣນ ມີຄວາມເຄື່ອນໄຫວຜິດປົກກະຕິຫຼາຍໃນຊ່ວງມື້ເກີດເຫດ

ໂດຍທາງຣັດເຊຍກໍປະຕິເສດອີກຄັ້ງວ່າ ບໍ່ໄດ້ກຳລັງສົ່ງລະບົບຂີປະນາວຸດ ບຸກ (Buk) ຫຼື ອາວຸດອື່ນໃດ ໃຫ້ແກ່ກຸ່ມ

ແບ່ງແຍກດິນແດນໃນອູແກຣນ.

 

ພົ.ທ. ອັນເດຼ ຄາໂຕໂປລອບ ຜູ້ຖະແຫຼງຂ່າວຫຼັກຂອງຣັດເຊຍ ໄດ້ລະບຸວ່າ ເຮືອບິນໂດຍສານຂອງມາເລເຊຍລຳ

ດັ່ງກ່າວ ໄດ້ບິນອອກໄປນອກເສັ້ນທາງທີ່ວາງໄວ້ ໂດຍເບນອອກໄປທາງເໜືອ ເຊິ່ງບ່ຽງເບນອອກໄປໄກສຸດຄື

14 ກິໂລແມັດ, ແຕ່ໃນເວລາດຽວກັນນັ້ນ ຕາມບັນທຶກດ້ານຖ້ຽວບິນຂອງຣັດເຊຍ ຈັບໄດ້ວ່າມີເຮືອບິນຂັບໄລ່

ແບບ SU-25 ຂອງກອງທັບອູແກຣນລຳໜຶ່ງ ເຊິ່ງຕາມປົກກະຕິແລ້ວ ຈະຕິດຕັ້ງຂີປະນາວຸດແບບຍິງຈາກອາ

ກາດສູ່ອາກາດດ້ວຍ ກຳລັງບິນຢູ່ໃກ້ໆກັບ MH17.

 

ທ່ານນາຍພົນຍັງໄດ້ກ່າວຕື່ມອີກວ່າ ກະຊວງປ້ອງກັນປະເທດຂອງຣັດເຊຍ ສາມາດກວດຈັບພົບກິດຈະກຳທີ່

ຜິດປົກກະຕິຈາກສະຖານີຣາເດຂອງອູແກຣນ ເຊິ່ງໃຊ້ໃນການດຳເນີນການລະບົບຂີປະນາວຸດ ໃນວັນພະຫັດ

ທີ 17 ກໍລະກົດ ຄວາມເຂັ້ມຂຸ້ນໃນການປະຕິບັດການຂອງພວກສະຖານີຣາດາດັ່ງກ່າວ ໄດ້ເພີ່ມຂຶ້ນສູ່ລະດັບສູງ

ສຸດ.  ເຂົາໄດ້ເວົ້າເຖິງບັນທຶກຂອງຝ່າຍຣັດເຊຍວ່າ ມື້ວັນອັງຄານ (15 ກໍລະກົດ) ມີສະຖານີຣາດາໃນພື້ນທີ່ບໍລິ

ເວນນັ້ນຂອງອູແກຣນພຽງ 4 ແຫ່ງເທົ່ານັ້ນ ທີ່ກຳລັງປະຕິບັດການ ແຕ່ພໍມາເຖິງວັນພຸດ (16 ກໍລະກົດ) ກໍໄດ້

ເພີ່ມຂຶ້ນເປັນ 8 ແຫ່ງ, ແລ້ວໃນມື້ເກີດເຫດຄືວັນພະຫັດ (17 ກໍລະກົດ) ກໍກາຍມາເປັນ 9 ແຫ່ງ ແລະ ຫຼັງຈາກ

ນັ້ນມາໃນມື້ວັນສຸກ (18 ກໍລະກົດ) ມີສະຖານີຣາດາຂອງອູແກຣນທີ່ປະຕິບັດການຢູ່ຫຼຸດລົງເຫຼືອ 4 ແຫ່ງ ແລະ

ເຖິງມື້ວັນເສົາ (19 ກໍລະກົດ) ກໍເຫຼືອພຽງ 2 ແຫ່ງເທົ່ານັ້ນ.

 

ທ່ານຄາໂຕໂປລອບ ຍັງຢືນຢັນວ່າ ຣັດເຊຍບໍ່ໄດ້ຈັດສົ່ງອາວຸດໃດໆ ໃຫ້ພວກແບ່ງແຍກດິນແດນໃນອູແກຣນ

ຕາເວັນອອກ ບໍ່ວ່າຈະເປັນລະບົບຂີປະນາວຸດ ບຸກ ຫຼື ອາວຸດອື່ນໃດທັງສິ້ນ ເນື່ອງຈາກຝ່າຍຕາເວັນຕົກໂດຍສະ

ເພາະສະຫະລັດໄດ້ອ້າງວ່າ ມີຫຼັກຖານທີ່ຢືນຢັນໜັກແໜ້ນ ວ່າກຸ່ມແບ່ງແຍກດິນແດນດັ່ງກ່າວ ໃຊ້ຂີປະນາວຸດ

ບຸກ ທີ່ໄດ້ຮັບຈາກຣັດເຊຍ ຍິງ MH17 ຕົກ.
 

 

ບົດຄວາມຫຼ້າສຸດ

ນາຍົກລັດຖະມົນຕີລາວ ພົບປະກັບ ປະທານສະພາແຫ່ງຊາດຫວຽດນາມ ໃນໂອກາດເດີນທາງຢ້ຽມຢາມ ສສ ຫວຽດນາມ ແລະ ເຂົ້າຮ່ວມກອງປະຊຸມເວທີອະນາຄົດອາຊຽນ ຄັ້ງທີ 3

ໃນຕອນບ່າຍວັນທີ 8 ມິຖຸນາ 2026, ທີ່ ນະຄອນຫຼວງຮ່າໂນ້ຍ ສສ ຫວຽດນາມ, ສະຫາຍ ສອນໄຊ ສີພັນດອນ ກໍາມະການກົມການເມືອງສູນກາງພັກ, ນາຍົກລັດຖະມົນຕີ ແຫ່ງ...

ແຈ້ງການມອດໄຟຟ້າຊົ່ວຄາວ ລັດວິສາຫະກິດໄຟຟ້າລາວ ນວ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ ເລີ່ມແຕ່ວັນທີ 9-14 ມິຖຸນາ 2026

​ລັດວິສາຫະກິດໄຟຟ້າລາວ (EDL) ຝ່າຍຄຸ້ມຄອງລະບົບໄຟຟ້າພາກກາງ ສາຂານະຄອນຫຼວງວຽງຈັນ 2 ໄດ້ອອກແຈ້ງການງົດຈ່າຍກະແສໄຟຟ້າຊົ່ວຄາວ (ມອດໄຟ) ເພື່ອປັບປຸງ, ສ້ອມແປງລະບົບຕາໜ່າງໄຟຟ້າ ແລະ ຕິດຕັ້ງເສົາໄຟຟ້າໃໝ່ ໃຫ້ມີຄວາມປອດໄພ ແລະ ກຽມພ້ອມຮອງຮັບການຊົມໃຊ້ທີ່ດີຂຶ້ນ....

ກຽມໄປແຂ່ງຕໍ່ທີ່ຍີ່ປຸ່ນ MAZDA GB FC U12 ຄວ້າແຊ້ມ ບານເຕະເຍົາວະຊົນທີ່ອິນໂດເນເຊຍ ພ້ອມໄດ້ໄປແຂ່ງຕໍ່ຮອບສຸດທ້າຍທີ່ປະເທດຍີ່ປຸ່ນ

ເກັ່ງຫຼາຍ MAZDA GB FC ຢູ 12 ຄວ້າແຊ້ມບານເຕະເຍົາວະຊົນ ທີ່ອິນໂດເນເຊຍ ພ້ອມໄດ້ສິດບິນລັດຟ້າໄປແຂ່ງຂັນທີ່ປະເທດຍີ່ປຸ່ນ. ນ້ອງໆເຍົາວະຊົນຈາກສະໂມສອນ Mazda Laos GB FC ໂຊຊຟອງເກັ່ງຄວ້າແຊ້ມລາຍການແຂ່ງຂັນບານເຕະເຍົາວະຊົນລະດັບພາກພື້ນ...

ນາຍົກລັດຖະມົນຕີລາວ ສົ່ງຈົດໝາຍເຖິງນາຍົກລັດຖະມົນຕີໄທ ເພື່ອສະແດງຄວາມຂອບໃຈຕໍ່ການຊ່ວຍເຫຼືອຄົ້ນຫາ ແລະ ກອບກູ້ເອົາຊິວິດປະຊາຊົນທີ່ຕິດຄ້າງຢູ່ໃນຖໍ້າ

ວັນທີ 7 ມິຖຸນາ 2026 ທີ່ນະຄອນຫຼວງວຽງຈັນ, ທ່ານ ສອນໄຊ ສີພັນດອນ ນາຍົກລັດຖະມົນຕີລາວ ໄດ້ສົ່ງຈົດໝາຍຂອບໃຈເຖິງທ່ານ ອະນຸທິນ ຊານວີຣະກູນ, ນາຍົກລັດຖະມົນຕີ ແຫ່ງ...