ເຟສບຸກລາຍງານຜົນກຳໄລໃນໄຕມາດທີ 3 ຂອງປີນີ້ເພີ່ມຂຶ້ນຫຼາຍກວ່າ 2 ເທົ່າຈາກລາຍໄດ້ໂຄສະນາມືຖືທີ່ເຕີບໂຕຢ່າງເຂັ້ມແຂງ.
ຕາມການລາຍງານລະບຸວ່າ: ເຟສບຸກປະກາດຜົນປະກອບການປະຈຳໄຕມາດ 3 ປີ 2016 ມີກຳໄລ 2,4 ຕື້ໂດລາສະຫະລັດ ເຕີບໂຕ 166% ເມື່ອທຽບກັບໄລຍະເວລາດຽວກັນຂອງປີທີ່ຜ່ານມາ ຂະນະທີ່ລາຍໄດ້ຢູ່ທີ່ 7 ຕື້ໂດລາເພີ່ມຂຶ້ນຈາກ 4,5 ຕື້ໂດລາໃນປີທີ່ຜ່ານມາ ໂດຍເປັນລາຍໄດ້ຈາກໂຄສະນາມືຖືປະມະມານ 84% ເພີ່ມຂຶ້ນຈາກ 78% ໃນປີທີ່ຜ່ານມາ ນັກວິເຄາະເປີດເຜີຍວ່າ ຜົນປະກອບການຂອງເຟດບຸກໃນໄຕມາດທີ່ 3 ສະແດງໃຫ້ເຫັນເຖິງບໍລິສັດເຕີບໂຕຢ່າງເຂັ້ມແຂງ ແລະ ຄວາມສາມາດທີ່ສ້າງກຳໄລເພີ່ມຂຶ້ນ.
ລາຄາຮຸ້ນຂອງເຟດບຸກປັບຕົວເພີ່ມຂຶ້ນສູ່ລະດັບ 127,26 ໂດລາ ຫຼັງຈາກມີການລາຍງານຜົນກຳໄລດັ່ງກ່າວ ໃນສ່ວນຈຳນວນຜູ້ໃຊ້ເຟສບຸກຜ່ານໂທລະສັບມືຖືສະເລ່ຍຢູ່ທີ່ 1.790 ລ້ານຄົນຕໍ່ເດືອນ ທ້າຍເດືອນກັນຍາທີ່ຜ່ານມາເພີ່ມຂຶ້ນ 20%
ຂ່າວຈາກ: ເອບີຊີລາວ
ຕິດຕາມຂ່າວເສດຖະກິດລາວ ກົດໄລຄ໌ເລີຍ!