spot_img
Homeຂ່າວພາຍ​ໃນຕະຫຼາດກາງຄືນ ຫຼວງພະບາງ ຈັດສັນຄືນໃໝ່ ຫ້າມຂາຍເຄື່ອງຢູ່ເສັ້ນທາງກາງ

ຕະຫຼາດກາງຄືນ ຫຼວງພະບາງ ຈັດສັນຄືນໃໝ່ ຫ້າມຂາຍເຄື່ອງຢູ່ເສັ້ນທາງກາງ

Published on

ຕະຫຼາດກາງຄືນຫຼວງພະບາງ ຕັ້ງຢູ່ຖະໜົນສີສະຫວ່າງວົງ ເຂດບ້ານ ປ່າຂາມ ໃຈກາງເມືອງມໍລະດົກໂລກ ທີ່ພໍ່ແມ່ປະຊາຊົນຊາວຫຼວງພະບາງພາກັນນໍາເອົາເຄື່ອງ ຂອງທີ່ລະນຶກປະເພດຕ່າງໆ ໄປວາງຂາຍທຸກໆຄືນ
ເພື່ອໃຫ້ນັກທ່ອງທ່ຽວໄດ້ເລາະຊື້, ປັດຈຸບັນທາງອໍານາດການປົກຄອງແຂວງຫຼວງພະບາງ ແມ່ນມີແຜນປັບປຸງໃໝ່ເພື່ອ ໃຫ້ເຂົ້າສູ່ລະບົບເພື່ອຮັບປະກັນຄວາມເປັນລະບຽບຮຽບຮ້ອຍ ຂະນະນີ້ອໍານາດການ ປົກຄອງຈະບໍ່ອະນຸຍາດໃຫ້ແມ່ຄ້ານັ່ງຂາຍເຄື່ອງຢູ່ເສັ້ນທາງກາງ ແລະໄດ້ລະດົມ ໃຫ້ຜູ້ທີ່ເຄີຍນັ່ງຂາຍລົງໄປຂາຍຢູ່ຮ່ອມທາງ ສໍາລັບເສັ້ນທາງກາງແມ່ນຈະປ່ອຍ ໃຫ້ລົດສາມາດແລ່ນຜ່ານໄປ-ມາໄດ້.

ທ່ານ ນົບພະວົງ ສີສະເຫຼີມສັກ ນາຍບ້ານໆປ່າຂາມ ທີ່ຮັບຜິດຊອບຕະຫຼາດກາງຄືນ ໄດ້ໃຫ້ສໍາພາດຕໍ່ທີມຂ່າວພວກເຮົາວ່າ: ເພື່ອປະຕິບັດຕາມຄໍາສັ່ງ ຂອງອໍານາດການປົກຄອງແຂວງ ໃນການຈັດສັນຕະຫຼາດກາງຄືນໃໝ່ ເພື່ອໃຫ້ເຂົ້າສູ່ລະບົບອາຊຽນ ແລະ ຄວາມເປັນລະບຽບຮຽບຮ້ອຍຂອງຕະຫຼາດກາງຄືນນັ້ນທາງອໍານາດການປົກຄອງຈະບໍ່ອະນຸຍາດໃຫ້ແມ່ຄ້ານັ່ງຂາຍ ເຄື່ອງຢູ່ເສັ້ນທາງກາງ ແລະໄດ້ລະດົມໃຫ້ຜູ້ທີ່ນັ່ງຂາຍຢູ່ກາງທາງຜ່ານມາລົງໄປຂາຍຢູ່ຮ່ອມທາງລົງສູ່ເສັ້ນທາງແຄມຂອງ ແລະອະນຸຍາດໃຫ້ນັ່ງຂາຍຢູ່ສອງ ຂອບຟາກທາງເທົ່ານັ້ນ ສ່ວນເສັ້ນທາງແມ່ນຈະປ່ອຍໃຫ້ລົດແລ່ນເປັນປົກກະຕິ ເພື່ອຄວາມສະດວກໃນເວລາສຸກເສີນ ຫາກເກີດອັກຄີໄຟ. ສະນັ້ນ ທາງຄະນະ ນໍາອໍານາດການປົກຄອງຂອງ ບ້ານປ່າຂາມ ພ້ອມດ້ວຍພາກສ່ວນທີ່ກ່ຽວຂ້ອງ ຈິ່ງໄດ້ມີການປຶກສາຫາລືຮ່ວມກັນ ເພື່ອຫາວິທີຍົກຍ້າຍຜູ້ທີ່ຂາຍເຄື່ອງຢູ່ກາງທາງໃນໄລຍະຜ່ານມາໃຫ້ລົງທາງຮ່ອມທັງໝົດ ໂດຍພາກສ່ວນທີ່ກ່ຽວຂ້ອງໄດ້ພາ ກັນລົງແນະນໍາແມ່ຄ້າແຕ່ລະຮ້ານ ນັບແຕ່ຕົ້ນເດືອນຕຸລາຜ່ານມາ ແຕ່ຊາວຄ້າຂາຍ ພັດບໍ່ຍອມອອກຕາມການແນະນຳຕອນນີ້ທາງອໍານາດການປົກຄອງບ້ານກໍາລັງຫາລື ຮ່ວມກັບພາກສ່ວນທີ່ກ່ຽວຂ້ອງເພື່ອ ຫາທາງແກ້ໄຂຕໍ່ໄປ.

ດ້ານແມ່ຄ້າຂາຍເຄື່ອງຕະຫຼາດກາງຄືນ ໄດ້ໃຫ້ສໍາພາດຕໍ່ທີມຂ່າວພວກເຮົາ ເປັນສຽງດຽວກັນວ່າ: ສາເຫດທີ່ບໍ່ຢາກຍ້າຍຮ້ານລົງໄປຂາຍຢູ່ຮ່ອມແມ່ນ ຍ້ອນບໍ່ໄດ້ຂາຍເຄື່ອງ ເພາະນັກທ່ອງທ່ຽວບໍ່ຍ່າງລົງຮ່ອມ, ໃນປະຈຸບັນແມ່ຄ້າທີ່ນັ່ງຢູ່ ເສັ້ນທາງກາງແມ່ນເປັນເອກະສັນກັນ ໂດຍບໍ່ກາງເຕັ້ນ ເພື່ອເກາະເຄື່ອງຂາຍຄືທີ່ຜ່ານມາເຮັດໃຫ້ເສັ້ນທາງກາງຖະໜົນສີສະຫວ່າງວົງຍາມຄໍ່າຄືນໃນປະຈຸບັນມີຄວາມສວຍງາມໄປອີກແບບໜຶ່ງ.

ບົດຄວາມຫຼ້າສຸດ

ຕ້ອງກະກຽມຂໍ້ມູນຫຍັງແນ່ ເພື່ອຂຽນປະກອບເອກະສານເຮັດບັດປະຈໍາຕົວດິຈິຕອນ ກຽມພ້ອມໄວ້ ເພື່ອຄວາມສະດວກ ແລະ ວ່ອງໄວ

ໃນປັດຈຸບັນໃນນະຄອນຫຼວງວຽງຈັນສາມາດເຮັດບັດປະຈໍາຕົວໄດ້ແລ້ວ ຢູ່ທີ່ກົມຄຸ້ມຄອງສຳມະໂນຄົວ ແລະ ກໍ່ສ້າງຮາກຖານ ບ້ານແສງສະຫວ່າງ ເມືອງໄຊເສດຖາ ນະຄອນຫຼວງວຽງຈັນ ເຊິ່ງກ່ອນທີ່ຈະເຮັດບັດປະຈຳຕົວດິຈິຕອນແມ່ນ ຕ້ອງໄດ້ຊື້ແບບຟອມປະກອບຂໍ້ມູນ ລາຄາ 30,000 ກີບ ແລະ ຈະເປີດບໍລິການເຮັດບັດປະຈຳຕົວໃນທົ່ວປະເທດໃນຕົ້ນເດືອນຕຸລາ...

ອົບພະຍົບຫຼາຍກວ່າ 1,000 ຄົນ ເຫດໄຟໄໝ້ເຂດຊຸມຊົນແອອັດ ໃນນະຄອນຫຼວງມະນິລາ ປະເທດຟິລິປິນ

ເກີດເຫດໄຟໄໝ້ຮຸນແຮງຢູ່ເຂດຊຸມຊົນແອອັດ ໃນເມືອງຫຼວງຂອງຟິລິບປິນ ປະຊາຊົນຫຼາຍກວ່າ 500 ຄອບຄົວບໍ່ມີທີ່ຢູ່ອາໄສ. ສຳນັກຂ່າວຕ່າງປະເທດລາຍງານວ່າ: ໃນວັນທີ 15 ກັນຍາ 2025 ຜ່ານມາ, ເກີດເຫດໄຟໄໝ້ຮຸນແຮງໃນຊ່ວງກາງຄືນໃນດເຂດຊຸມຊົນ ແຮບປີ້ແລນ ເຮັດໃຫ້ອາຄານບ້ານເຮຶືອນໄດ້ຮັບຄວາມເສຍຫາຍຫຼາຍຮ້ອຍຫຼັງ ເຮັດໃຫ້ປະຊາຊົນກວ່າ...

ງົດງາມທີ່ສຸດຈາກທົ່ວໂລກ ຕາດກວາງຊີ ແຂວງຫຼວງພະບາງ ຖືຈັດຢູ່ໃນ 21 ນໍ້າຕົກທີ່ສວຍງາມຈາກທົ່ວໂລກ ປີ 2025

ວາລະສານ ການທ່ອງທ່ຽວຊື່ດັງຂອງໂລກ Travel + Leisure ໄດ້ຈັດອັນດັບ Top 21 Most Beautiful Waterfalls in the World...

ໄທເລີ່ມປະຕິບັດແລ້ວ ທະນາຄານເລີ່ມປາບປາມຂະບວນການບັນຊີມ້າ ຖ້າກວດພົບຄວາມສົງໄສ ຈະອາຍັດບັນຊີທັນທີ

ບັນຊີມ້າແມ່ນບັນຊີທະນາຄານທີ່ຖືກນໍາໃຊ້ໂດຍອາດຊະຍາກອນ ເພື່ອເກັບເງິນ ຫຼື ຟອກເງິນທີ່ໄດ້ມາແບບຜິດກົດໝາຍ ແມ່ນບັນຊີທີ່ຖືກຈ້າງໃຫ້ເປີດ ຫຼື ຖືກລັກຂໍ້ມູນໄປໃຊ້ ເພື່ອເປັນທາງຜ່ານຂອງເງິນທີ່ໄດ້ມາຈາກການກະທຳຜິດກົດໝາຍ ລວມທັງການພະນັນ. ໃນຊ່ວງໜຶ່ງອາທິດທີ່ຜ່ານມາ ທາງທະນາຄານເເຫ່ງປະເທດໄທ ເລີ່ມກວດສອບ ແລະ ລົງມືປະຕິບັດຢ່າງເຂັ້ມງວດ ໃນການອາຍັດບັນຊີມ້າ...