ອີງຕາມການລາຍງານຂ່າວຂອງໜັງສືພິມເສດຖະກິດ-ການຄ້າ ເມື່ອວັນທີ 26 ຕຸລາ 2016 ຜ່ານມາວ່າ ເຈົ້າໜ້າທີ່ປ່າໄມ້ແຂວງສະຫວັນນະເຂດ ສົມທົບກັບຫ້ອງການກະສິກຳ ແລະປ່າໄມ້ ເມືອງ ທ່າປາງທອງ, ກອງບັນຊາການ ປກຊ- ປກສ ແລະອຳນາດການປົກຄອງ ບ້ານນາປ່າຊາດ ໄດ້ເຂົ້າກວດຄົ້ນ ໂຮງການປຸງແຕ່ງໄມ້ 9 ຈະເລີນຊັບ ຢູ່ບ້ານນາປ່າຊາດ ເມືອງທ່າປາງທອງ ໄດ້ກວດພົບເຫັນໄມ້ທີ່ຊຸກເຊື່ອງໄວ້ໃນເຮືອນພັກກຳມະກອນ ແລະໄມ້ທີ່ເອົາດິນຖົມໄວ້ໃນບໍລິເວນນັ້ນ ຈຳນວນ 6,983 ໂຕ ມີນໍ້າໜັກ 76,031 ກິໂລ, ໃນນັ້ນ ມີໄມ້ປະດົງ 5,712 ໂຕ ມີນໍ້າໜັກ 71,910 ກິໂລ, ໄມ້ກະຍູງ 1,268 ໂຕ ມີນໍ້າໜັກ 4,121 ກິໂລ, ໄມ້ດູ່ 03 ແຜ່ນ ບໍລິມາດ 0.438 ແມັດກ້ອນ
ຂ່າວ: ເສດຖະກິດ-ການຄ້າ