spot_img
Homeຂ່າວເຫດການຮ່ວມແຮງສັດທາກັນ ເພື່ອປະຕິສັງຂອນພະທາດຫລວງວຽງຈັນ ໃຫ້ຮຸ່ງເຮືອງງົດງາມ

ຮ່ວມແຮງສັດທາກັນ ເພື່ອປະຕິສັງຂອນພະທາດຫລວງວຽງຈັນ ໃຫ້ຮຸ່ງເຮືອງງົດງາມ

Published on

ພາຍຫລັງໄດ້ສໍາເລັດພິທີຫລອມຄໍາໂອບຍອດພະທາດຫລວງວຽງຈັນເມື່ອຕົ້ນເດືອນຕຸລານີ້, ໂດຍມີທ່ານນາຍົກລັດຖະມົນຕີ ທອງລຸນ ສີສຸລິດ, ພ້ອມປະຊາຊົນບັນດາເຜົ່າ, ກໍຄືຊາວນະຄອນຫລວງວຽງຈັນເຂົ້າຮ່ວມພິທີສໍາຄັນດັ່ງກ່າວຢ່າງຫລວງຫລາຍ. ຍ້ອນເປັນວຽກສໍາຄັນຍິ່ງຂອງການປະຕິສັງ ຂອນພະທາດຫລວງວຽງຈັນຄັ້ງນີ້.                     ກົມວິຈິດສີນກະຊວງຖະແຫລງຂ່າວ, ວັດທະນາທໍາ ແລະ ທ່ອງທ່ຽວ ໃຫ້ຮູ້ວ່າ: 450 ປີກ່ອນນີ້, ດິນແດນອານາຈັກລາວລ້ານຊ້າງພາຍໃຕ້ການປົກຄອງຂອງພະເຈົ້າໄຊຍະເສດຖາທິລາດແມ່ນມີຄວາມຮຸ່ງເຮືອງທາງດ້ານສະຖາປະຕິມາກໍາວັດທະນາທໍາອັນງົດງາມ ແລະ ພະທາດຫລວງວຽງຈັນກໍແມ່ນສະຖາປະຕິມາກໍາອັນໂດດເດັ່ນທີ່ໄດ້ສ້າງຂຶ້ນເພື່ອເປັນສູນລວມຈິດໃຈແຫ່ງຄວາມສາມັກຄີ, ເປັນບ່ອນສັກກະລະບູຊາເຄົາລົບນັບຖືຂອງປະຊາຊົນລາວ ແລະ ທັງເປັນເອກະລັກດ້ານວັດທະນາທໍາທີ່ງົດງາມແຕ່ສະໄໝອານາຈັກລາວລ້ານຊ້າງ. ນັບແຕ່ພະທາດຫລວງຖືກສ້າງຂຶ້ນແມ່ນເຄີຍໄດ້ຮັບການບູລະນະປະຕິສັງຂອນມາແລ້ວສອງຄັ້ງຄືໃນປີ 1900 ແລະ 1920 ວັດຖຸທີ່ນໍາໃຊ້ເຂົ້າໃນ ການກໍ່ສ້າງ ແລະ ປະຕິສັງຂອນໄລຍະນັ້ນສ່ວນຫລາຍມາຈາກທໍາມະຊາດ, ຄຸນນະພາບກໍບໍ່ຄົງທົນຈຶ່ງເຮັດພະທາດຫລວງເກີດການຊຸດໂຊມເປ່ເພໄປຕາມການເວລາ ແລະ ເນື່ອງຈາກວ່າພະທາດດັ່ງກ່າວເປັນສູນລວມຈິດໃຈ, ເປັນບ່ອນສັກກະລະບູຊາຂອງປະຊາຊົນລາວທັງຊາດ, ພັກ ແລະ ລັດຖະບານຈຶ່ງເຫັນໄດ້ຄວາມສໍາຄັນໃນການປົກປັກຮັກສາແຫລ່ງມູນມໍລະດົກດ້ານວັດທະນາທໍາອັນລໍ້າຄ່າຂອງຊາດໃຫ້ຢູ່ຄູ່ປະຊາຊົນ ແລະ ປະເທດຊາດຊົ່ວກະລານານ, ຈຶ່ງໄດ້ອະນຸມັດໃຫ້ມີໂຄງການປະຕິສັງຂອນພະທາດຫລວງຄັ້ງໃຫຍ່ໃນປີ 2016 ນີ້ ເພື່ອຕ້ອນຮັບການສະເຫລີມສະຫລອງວັນສ້າງຕັ້ງພະທາດຫລວງຄົບຮອບ 450 ທີ່ຈະຈັດຂຶ້ນໃນເດືອນພະຈິກນີ້ໃຫ້ດໍາເນີນໄປດ້ວຍບັນຍາກາດຄືກຄື້ນຕາມຮີດຄອງປະເພນີອັນດີງາມຂອງຊາດ ແລະ ອັນພິເສດແມ່ນມີປະຊາຊົນຜູ້ມີຈິດໃຈໃສສັດທາໄດ້ປະກອບສ່ວນບໍລິຈາກເປັນເງິນ, ຄໍາ ແລະ ວັດຖຸປັດໃຈຕ່າງໆແລ້ວເປັນຈໍານວນຫລາຍຄືດັ່ງຄະນະກໍາມະການປະ ຕິສັງຂອນພະທາດຫລວງໄດ້ລາຍງານໃນພິທີຫລອມຄໍາໂອບພະທາດວ່າ: ມີຄໍາຈໍານວນ 11 ກິໂລ, 24 ບາດ, 3 ສະຫລຶງ ແລະ 5 ຫູນ, ເງິນຈໍານວນ 167 ລ້ານກວ່າກີບ, 2 ລ້ານກວ່າບາດ (ສະກຸນເງິນໄທ), 345 ໂດລາສະຫະລັດ ແລະ 500 ຢວນ (ສະກຸນເງິນຈີນ), ແນວໃດກໍຕາມຈໍານວນເງິນ ຫລື ວັດຖຸທີ່ໄດ້ຮັບບໍລິຈາກນີ້ກໍຍັງບໍ່ພຽງພໍກັບຄວາມຕ້ອງການຕົວຈິງເພື່ອປະຕິບັດໜ້າວຽກສໍາຄັນຄື: ໂອບຄໍາໃສ່ຈອມພະທາດ, ໂບກຮອຍແຕກແຫງ ແລະ ປົວແປງຫໍໄຫວທັງ 4 ເບື້ອງ, ທາສີຄໍາອົງພະ ທາດໃຫຍ່-ນ້ອຍສາມສີບລູກ, ພະທາດສີທໍາມະຫາຍໂສກ ແລະ ສ້ອມແປງຫລັງຄາກົມມະລຽນ, ສ້ອມ ແປງປະຕູໃຫຍ່ 4 ເບື້ອງ, ປັບປຸງພື້ນ, ຮ່ອງນໍ້າ, ລະບຽງ ແລະ ລະບົບໄຟຟ້າຄືນໃໝ່, ຊຶ່ງເຫັນວ່າມີຄວາມຕ້ອງການງົບປະມານຫລາຍກວ່າ 15 ຕື້ກີບ.
ກົມດັ່ງກ່າວໃຫ້ຮູ້ວ່າ: ປະຊາຊົນລາວແມ່ນມີຄວາມເຄົາລົບນັບຖື ແລະ ສັດທາຕໍ່ພຸດທະສາດສະໜາດ້ວຍດີສະເໝີມາ, ໂດຍສະເພາະພະທາດຫລວງທີ່ເປັນມໍລະດົກ ແລະ ມິ່ງຂວັນຂອງປວງຊົນລາວໃຫ້ຄວາມເຄົາລົບສັກກະລະບູຊາມາແຕ່ບູຮານນະການ ແລະ ເຊື່ອວ່າຈາກຄວາມເຄົາລົບສັດທາດັ່ງກ່າວຈະເປັນກໍາລັງແຮງສໍາຄັນໃນການປະກອບສ່ວນດ້ານທຶນຮອນ ແລະ ວັດຖຸປັດໃຈຕ່າງໆເພື່ອເຮັດໃຫ້ການປະຕິສັງຂອນພະທາດຫລວງຄັ້ງນີ້ປະສົບຜົນສໍາເລັດຢ່າງຈົບງາມ ແລະ ມີຄວາຮຸ່ງເຮືອງສີວິໄລຢູ່ຄູ່ປະຊາຊົນ ແລະ ຊາດລາວເຮົາຕະຫລອດໄປ

ຂ່າວ: ລາວພັດທະນາ

ບົດຄວາມຫຼ້າສຸດ

ການຈັດການຂີ້ເຫຍື້ອທີ່ດີ ຄືຄວາມປອດໄພຕໍ່ສະພາບແວດລ້ອມ ແລະ ສັງຄົມ

ການຈັດການຂີ້ເຫຍື້ອ ຍັງເປັນສິ່ງທີ່ທ້າທ້າຍໃນແຕ່ລະຂົງເຂດ ຕັ້ງແຕ່ເຮືອນຊານ, ຫ້າງຮ້ານ, ບໍລິສັດ ຈົນໄປເຖິງບັນດາໂຮງງານຜະລິດຕ່າງໆ. ເນື່ອງຈາກເປັນໄປບໍ່ໄດ້ທີ່ຈະຫຼີກລ່ຽງບໍ່ໃຫ້ມີການສ້າງຂີ້ເຫຍື້ອເລີຍ. ເຊິ່ງບາງຄັ້ງຍັງພົບເຫັນການທຳລາຍ ແລະ ຈັດການຂີ້ເຫຍື້ອຢ່າງບໍ່ຖືກວິທີ ທີ່ສົ່ງຜົນເສຍຕໍ່ສິ່ງແວດລ້ອມ ແລະ ສ້າງຄວາມເປີເປື້ອນໃຫ້ສັງຄົມ ເຊັ່ນ:...

ຮູ້ຫຼືບໍ່? ທີ່ໄປທີ່ມາຂອງຊື່ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່

ພາຍຸແຕ່ລະລູກ ໃຜເປັນຄົນຕັ້ງ ແລະ ໃຜເປັນຄົນຄິດຊື່ ມາຮູ້ຄຳຕອບມື້ນີ້ ພາຍຸວິພາ, ພາຍຸຄາຈິກິ ໄດ້ມາຈາກໃສ ໃນໄລຍະນີ້ເຫັນວ່າມີພາຍຸກໍ່ໂຕຂຶ້ນມາຕະຫຼອດ ແລະມີຫຼາຍຄົນອາດຈະສົງໃສວ່າ ໃນການຕັ້ງຊື່ພາຍຸແຕ່ລະລູກ ແມ່ນໃຜເປັນຄົນຕັ້ງ ແລະຄໍາຕອບກໍຄື ຊື່ຂອງພາຍຸແມ່ນໄດ້ຖືກຕັ້ງຂຶ້ນຈາກປະເທດຕ່າງໆໃນທົ່ວໂລກ. ສຳລັບພາຍຸທີ່ສາມາດຕັ້ງຊື່ໄດ້ນັ້ນ ຕ້ອງແມ່ນພາຍຸລະດັບໂຊນຮ້ອນຂຶ້ນໄປ...

ແຈ້ງເຕືອນພາຍຸລູກໃໝ່ ທີ່ອາດຈະສົ່ງຜົນກະທົບຕໍ່ປະເທດລາວ ໃນວັນທີ 30/08/2025 – 02/09/2025

ກຽມຮັບມືພາຍຸລູກໃໝ່ ຫວຽດນາມອອກແຈ້ງເຕືອນພາຍຸລູກໃໝ່ ອາດສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ ຫວຽດນາມອອກແຈ້ງເຕືອນພາຍຸລູກໃໝ່ ທີ່ຄາດວ່າຈະໃຊ້ຊື່ວ່າພາຍຸໜອງຟ້າ ຫຼື ຟ້າໃສ ທີ່ຕັ້ງຊື່ໂດຍປະເທດລາວ ຄາດອິດທິພົນຂອງພາຍຸລູກນີ້ຈະສົ່ງຜົນກະທົບຕໍ່ປະເທດລາວ, ປະເທດໄທ ແລະ ປະເທດຫວຽດນາມ...

ຜົນສໍາເລັດ ກອງປະຊຸມໃຫຍ່ ຜູ້ແທນສະມາຊິກພັກ ຄັ້ງທີ III ຂອງ ອົງຄະນະພັກ ກະຊວງເຕັກໂນໂລຊີ ແລະ ການສື່ສານ

ເອກະສັນຮັບເລືອກ ສະຫາຍ ປອ. ສັນຕິສຸກ ສິມມາລາວົງ ເປັນເລຂາຄະນະພັກ ກະຊວງເຕັກໂນໂລຊີ ແລະ ການສື່ສານ (ຊຸດໃໝ່) ກະຊວງເຕັກໂນໂລຊີ ແລະ ການສື່ສານລາຍງານຜົນ ກອງປະຊຸມໃຫຍ່ ຜູ້ແທນສະມາຊິກພັກ...