spot_img
Homeຂ່າວພາຍ​ໃນແມ່ມານຊາວລາວ ຖືກຂ້າຂົ່ມຂືນ ແລະ ໂຍນລູກສາວ 5 ປີລົງນ້ຳເສຍຊີວິດ ຢູ່ຈັງຫວັດໄຊຍະພູມ ປະເທດໄທ

ແມ່ມານຊາວລາວ ຖືກຂ້າຂົ່ມຂືນ ແລະ ໂຍນລູກສາວ 5 ປີລົງນ້ຳເສຍຊີວິດ ຢູ່ຈັງຫວັດໄຊຍະພູມ ປະເທດໄທ

Published on

 

PUvnfbLrOfE

 

ຂໍ້ມູນຈາກລາຍການເລື່ອງເລົ່າເຊົ້ານີ້ ທາງໂທລະພາບຊ່ອງ 3 ຂອງໄທ ໄດ້ລາຍງານວ່າ ມີຜູ້ພົບເຫັນສົບ

ຜູ້ຍິງຊາວຕ່າງດ້າວຊາວລາວ ຖືພາ 2 ເດືອນ ນອນເສຍຊີວິດຢູ່ພາຍໃນເຮືອນກາງສວນມັນດ້າງ ທີ່ຈັງ

ຫວັດໄຊຍະພູມ ໂດຍສະພາບສົບຖືກເຊືອກຮັດຄໍ, ມີຮອ່ງຮອຍຟົກຟ້ຳຕາມແຂນຂາ, ອະໄວຍະວະເພດ

ສີກຂາດ ມີຮ່ອງຮອຍການຖືກລະເມີດທາງເພດ, ເຂົ້າຂອງໃນເຮືອນກະຈັດກະຈາຍ ຄ້າຍຄືມີການຕໍ່ສູ້

ເກີດຂຶ້ນ ແລະ ພົບເກີບຂອງເດັກນ້ອຍຕົກຢູ່ພາຍໃນເຮືອນອີກດ້ວຍ.

 

ດ້ານແມ່ຍ່າຂອງຜູ້ເສຍຊີວິດເປີດເຜີຍວ່າ ເມື່ອເວລາປະມານ 09:30 ຂອງມື້ເກີດເຫດ ຕົນເອງໄດ້ເຂົ້າ

ມາເຄາະປະຕູເອີ້ນຫາຜູ້ກ່ຽວ ແຕ່ບໍ່ມີການຕອບຮັບ ຈິ່ງຫັນຫຼັງກັບຄືນ ກ່ອນທີ່ຈະໄດ້ຍິນສຽງຄືກັບມີ

ຄົນເປີດປະຕູ ແລະ ແລ່ນໜີອອກໄປ ຕົນເອງຈິ່ງໄປຕາມຫາຜົວຂອງຜູ້ກ່ຽວ ມາຊ່ວຍເປີດປະຕູເພາະ

ຄິດວ່າລູກໄພ້ນອກໃຈລູກຊາຍຂອງຕົນ ແຕ່ກໍໄດ້ພົບວ່າລູກໄພ້ນອນເສຍຊີວິດແລ້ວຢູ່ພາຍໃນເຮືອນ

ຂະນະທີ່ຫຼານສາວ ອາຍຸ 5 ປີ ກໍຫາຍຕົວໄປຈາກບ້ານເຊັ່ນກັນ, ເຈົ້າໜ້າທີ່ຕຳຫຼວດເຊື່ອວ່າຄາດຕະກອນ

ທີ່ລົງມື ແລະ ນຳເອົາຕົວເດັກໄປ ໜ້າຈະແມ່ນຫຼານຊາຍຂອງຜົວຜູ້ເສຍຊີວິດ ເນື່ອງຈາກກ່ອນໜ້ານີ້

ມີຄົນເຫັນຜູ້ຕ້ອງສົງໄສດັ່ງກ່າວ ຂີ່ລົດຈັກມາຈອດຢູ່ທ້າຍໝູ່ບ້ານ ພ້ອມທັງໄດ້ຫອບຫໍ່ຜ້າທີ່ມີນ້ຳໜັກ

ແລ່ນໄປຫາຝາຍກັ້ນນຳ້ ແລ້ວຫາຍໂຕໄປ.

 

ຢ່າງໃດກໍຕາມ ເຈົ້າໜ້າທີ່ບໍ່ໄດ້ອອກປະກາດຕາມຫາເດັກໃນທັນທີ ເນື່ອງຈາກຢ້ານວ່າຜູ້ຕ້ອງສົງໄສ

ຈະຮູ້ຕົວ ແລ້ວທຳຮ້າຍເດັກ ຈົນຕໍ່ມາເມື່ອຜົວຂອງຜູ້ເສຍຊີວິດ ເຊິ່ງໄປເຮັດວຽກຢູ່ຕ່າງຈັງຫວັດໄດ້

ກັບມາເຖິງບ້ານ ແລະປະສານກັບໜ່ວຍກູ້ໄພ ເພື່ອອອກຕາມຫາລູກສາວ ຕາມລຳນ້ຳຕະຫຼອດທັງ

ຄືນ ແຕ່ກໍບໍ່ພົບ ຈົນກ່ວາຮອດເວລາ 15:30 ນາທີ ຂອງວານນີ້ (16 ກໍລະກົດ) ຈິ່ງພົບຮ່າງຂອງລູກ

ສາວຈົມຢູ່ພື້ນນ້ຳ ເຊິ່ງສັນນິຖານວ່າ ເດັກອາດຈະຖືກຄາດຕະກຳຕັ້ງແຕ່ມື້ເກີດເຫດແລ້ວ ໃນຂະນະ

ທີ່ເຈົ້າໜ້າທີ່ຕຳຫຼວດຂອງໄທ ຍັງຄົງດຳເນີນການຕາມລ່າຫາໂຕຄົນຮ້າຍລາຍນີ້ ເພື່ອມາດຳເນີນຄະ

ດີຕາມກົດໝາຍຕໍ່ໄປ.

 

ບົດຄວາມຫຼ້າສຸດ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ TECNO CAMON 40 Pro ສະມາດໂຟນ...

ລວມພາບບັນຍາກາດສຸດຮ້ອນແຮງຈາກ Mistine ມາຝາກ

ພາບບັນຍາກາດສຸດມ່ວນຈາກ Mistine ໃນເທດສະການປີໃໝ່ລາວ 2025. Mistine ແບຣນເຄື່ອງສຳອາງດຽວທີ່ມາແຈກຄວາມມ່ວນ ຄວາມມັນໃຫ້ທຸກຄົນໃນເທດສະການປີໃໝ່ລາວ 2025 ເພາະໃນບູດມີແຈກຄີມກັນແດດ ແລະ ລິບສະຕິກຟຣີ!! ພ້ອມກັບຈຸດເຕີມນ້ຳ ແລະ DJ ເປີດເພງໃຫ້ໄດ້ເຕັ້ນຈົນລືມຮ້ອນບອກເລີຍວ່າເຖິງຈະບໍ່ມີເຄື່ອງດື່ມ...

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ.

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ. ສຳນັກຂ່າວຕ່າງປະເທດລາຍງານໃນວັນທີ 16 ເມສາ 2025 ນີ້ວ່າ: ລັດທະບານຂອງປະທານາທິບໍດີ ໂດນັລ...

“ປະຫວັດຄວາມເປັນມາຂອງບຸນປີໃໝ່ລາວ” (ປະຫວັດນາງສັງຂານເທບພະທິດາທັງ 07)

"ປະຫວັດຄວາມເປັນມາຂອງບຸນປີໃໝ່ລາວ"(ປະຫວັດນາງສັງຂານເທບພະທິດາທັງ 07) ຄວາມເປັນມາຂອງນາງສັງຂານ (ບຸນປີໃໝ່ລາວ) ໃນອະດີດຕະການດົນນານມາແລ້ວ... ໃນສະໄໝນັ້ນມີເຈົ້າຜູ້ຄອງເມືອງສະຫວັນອົງໜື່ງຊື່ "ພະຍາກະບິນລະພຣົມ" ເປັນຄົນມີພູມປັນຍາສະຫຼາດອາດຫານເກັ່ງກ້າສາມາດບໍ່ມີຜູ້ໃດມາທຽມໄດ້ເປັນເທບແຫ່ງສວງສະຫວັນວິມານຊັ້ນຟ້າ (ຊັ້ນພຣົມ), ຢູ່ມາມື້ໜຶ່ງບັນດາເສນາອາມາດໄດ້ຮູ້ຂ່າວວ່າມີຊາຍໜຸ່ມຄົນໜື່ງໃນໂລກມະນຸດສະຫຼາດຫຼັກແຫຼມເປັນນັກປຣາດບັນດິດຈື່ງເຊີນເຂົ້າມາໃນເມືອງສະຫວັນເພື່ອທ້າສະໝອງລອງປັນຍາດ້ວຍເຫດເລົ່າກັນມາມີດັ່ງນີ້: "ພະຍາກະບິນລະພຣົມ" ຈຶ່ງໄດ້ທ້າສະໝອງລອງປັນຍາ ກັບທ່ານນັກປຣາດຜູ້ຮຽນຈົບໄຕຼເພດ (ຄວາມຮູ້ຂັ້ນສູງສາມຢ່າງ ໄດ້ແກ່...