spot_img
Homeຂ່າວທ້ອງຖິ່ນລາວຈະເພີ່ມທະວີການປາບປາມຢາເສບຕິດ

ລາວຈະເພີ່ມທະວີການປາບປາມຢາເສບຕິດ

Published on

ລັດຖະມົນຕີກະຊວງປ້ອງກັນຄວາມສະຫງົບ ພົນຕີ ສົມແກ້ວ ສີລາວົງ, ໄດ້ ຢືນຢັນໃນລະຫວ່າງການໃຫ້ສໍາພາດຕໍ່ສື່ມວນຊົນເນື່ອງໃນໂອກາດວັນແຫ່ງຊາດຕ້ານຢາເສບຕິດຄົບຮອບ 15 ປີ (12 ຕຸລາ 2001- 12 ຕຸລາ2016) ໃນວັນທີ 11 ຕຸລານີ້ວ່າ: ຈະເພີ່ມທະວີເອົາໃຈໃສ່ວຽກງານປາບປາມຢາເສບຕິດໃຫ້ແຂງແຮງກວ່າເກົ່າ, ພາຍຫລັງເຫັນວ່າບັນຫາຢາເສບຕິດຍັງສືບຕໍ່ແຜ່ລາມຢ່າງກວ້າງຂວາງທັງຢູ່ໃນຕົວເມືອງກໍຄືເຂດຊົນນະບົດຫ່າງໄກສອກຫລີກ, ເຮັດໃຫ້ຊາວໜຸ່ມ-ເຍົາວະຊົນຈໍານວນບໍ່ໜ້ອຍຕົກເປັນທາດຂອງມັນ ແລະ ເປັນສາເຫດຕົ້ນຕໍພາໃຫ້ເກີດສິ່ງຫຍໍ້ທໍ້ຕ່າງໆທາງສັງຄົມ ເຊັ່ນ: ຂີ້ລັກງັດແງະ, ປຸ້ນຈີ້-ຊີງຊັບ, ຄາດຕະກຳ ແລະ ອື່ນໆ,ເຊິ່ງໃນປີ 2016 ນີ້, ສາມາດມ້າງຄະດີຢາເສບຕິດໄດ້ຫລາຍເຖິງ 2.212ເລື່ອງ, ຈັບຜູ້ຕ້ອງຫາໄດ້ 3.299 ຄົນ, ຢຶດຢາບ້າໄດ້ຫລາຍກວ່າ 1.852 ກິໂລ, ຢາໄອ 132 ກິໂລ, ເຮໂຣອິນ181 ກິໂລ, ຢາຝິ່ນ 106 ກິໂລ, ກັນຊາແຫ້ງ 229 ກິໂລ, ຝຸ່ນສານເສບຕິດ 1.102 ກິໂລ. ນອກນັ້ນຍັງໄດ້ຢຶດເງິນ, ວັດຖຸມີຄ່າ, ທີ່ດິນ, ສິ່ງປຸກສ້າງ, ພາຫະນະ, ອາວຸດ ແລະ ອຸປະກອນຕ່າງໆທີ່ໃຊ້ເຂົ້າໃນຂະບວນການຄ້າຂາຍຢາເສບຕິດໄດ້ຈຳນວນບໍ່ໜ້ອຍ.

ທ່ານລັດຖະມົນຕີ ກ່າວວ່າ: ໃນຕໍ່ໜ້ານີ້ເພື່ອສະກັດກັ້ນ ແລະ ຕ້ານຢາເສບຕິດບໍ່ໃຫ້ແຜ່ລະ ບາດໃນສັງຄົມເປັນວົງກວ້າງແມ່ນຈະຖືເອົາວຽກງານສະກັດກັ້ນ ແລະ ຕ້ານຢາເສບຕິດເປັນກົກ, ເປັນພັນທະ ແລະ ໜ້າທີ່ຂອງຄະນະບັນຊາທຸກຂັ້ນນັບທັງສູນກາງຮອດທ້ອງຖິ່ນ, ເພີ່ມທະວີການນຳໃຊ້ມາດຕະການທາງດ້ານກົດໝາຍເພື່ອປາບປາມຜູ້ຜະລິດ, ຄ້າຂາຍຢາເສບຕິດໃນຂອບເຂດທົ່ວປະເທດຢ່າງເດັດຂາດ, ໂດຍສະເພາະກຸ່ມເປົ້າໝາຍທີ່ເປັນຫົວໂປ່ໂຕການ ແລະ ກຸ່ມແກ໋ງອັນຕະລາຍເພື່ອຈັບຕົວມາດຳເນີນຄະດີຕາມລະບຽບກົດໝາຍຢ່າງເຂັ້ມງວດ,ພ້ອມທັງຮຽກຮ້ອງມາຍັງພະນັກງານ, ທະຫານ, ຕຳຫລວດ ແລະ ປະຊາຊົນບັນດາເຜົ່າ ຈົ່ງເປັນເຈົ້າການເຂົ້າຮ່ວມຂະບວນການສະກັດກັ້ນ ແລະ ຕ້ານຢາເສບຕິດໃຫ້ເປັນຂະບວນການກວ້າງຂວາງ ເພື່ອປະກອບສ່ວນເຮັດໃຫ້ປະເທດພວກເຮົາບໍ່ມີຢາເສບຕິດ ແລະ ເຮັດໃຫ້ປະຊາຊົນລາວບັນດາເຜົ່າໄດ້ດຳລົງຊີວິດຢ່າງມີຄວາມສະຫງົບສຸກປອດໄພຫລາຍຂຶ້ນ.

ຂ່າວຈາກ: laophatthananewspaper
ຕິດຕາມຂ່າວເສດຖະກິດລາວ ກົດໄລຄ໌ເລີຍ!

ບົດຄວາມຫຼ້າສຸດ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ TECNO CAMON 40 Pro ສະມາດໂຟນ...

ລວມພາບບັນຍາກາດສຸດຮ້ອນແຮງຈາກ Mistine ມາຝາກ

ພາບບັນຍາກາດສຸດມ່ວນຈາກ Mistine ໃນເທດສະການປີໃໝ່ລາວ 2025. Mistine ແບຣນເຄື່ອງສຳອາງດຽວທີ່ມາແຈກຄວາມມ່ວນ ຄວາມມັນໃຫ້ທຸກຄົນໃນເທດສະການປີໃໝ່ລາວ 2025 ເພາະໃນບູດມີແຈກຄີມກັນແດດ ແລະ ລິບສະຕິກຟຣີ!! ພ້ອມກັບຈຸດເຕີມນ້ຳ ແລະ DJ ເປີດເພງໃຫ້ໄດ້ເຕັ້ນຈົນລືມຮ້ອນບອກເລີຍວ່າເຖິງຈະບໍ່ມີເຄື່ອງດື່ມ...

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ.

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ. ສຳນັກຂ່າວຕ່າງປະເທດລາຍງານໃນວັນທີ 16 ເມສາ 2025 ນີ້ວ່າ: ລັດທະບານຂອງປະທານາທິບໍດີ ໂດນັລ...

“ປະຫວັດຄວາມເປັນມາຂອງບຸນປີໃໝ່ລາວ” (ປະຫວັດນາງສັງຂານເທບພະທິດາທັງ 07)

"ປະຫວັດຄວາມເປັນມາຂອງບຸນປີໃໝ່ລາວ"(ປະຫວັດນາງສັງຂານເທບພະທິດາທັງ 07) ຄວາມເປັນມາຂອງນາງສັງຂານ (ບຸນປີໃໝ່ລາວ) ໃນອະດີດຕະການດົນນານມາແລ້ວ... ໃນສະໄໝນັ້ນມີເຈົ້າຜູ້ຄອງເມືອງສະຫວັນອົງໜື່ງຊື່ "ພະຍາກະບິນລະພຣົມ" ເປັນຄົນມີພູມປັນຍາສະຫຼາດອາດຫານເກັ່ງກ້າສາມາດບໍ່ມີຜູ້ໃດມາທຽມໄດ້ເປັນເທບແຫ່ງສວງສະຫວັນວິມານຊັ້ນຟ້າ (ຊັ້ນພຣົມ), ຢູ່ມາມື້ໜຶ່ງບັນດາເສນາອາມາດໄດ້ຮູ້ຂ່າວວ່າມີຊາຍໜຸ່ມຄົນໜື່ງໃນໂລກມະນຸດສະຫຼາດຫຼັກແຫຼມເປັນນັກປຣາດບັນດິດຈື່ງເຊີນເຂົ້າມາໃນເມືອງສະຫວັນເພື່ອທ້າສະໝອງລອງປັນຍາດ້ວຍເຫດເລົ່າກັນມາມີດັ່ງນີ້: "ພະຍາກະບິນລະພຣົມ" ຈຶ່ງໄດ້ທ້າສະໝອງລອງປັນຍາ ກັບທ່ານນັກປຣາດຜູ້ຮຽນຈົບໄຕຼເພດ (ຄວາມຮູ້ຂັ້ນສູງສາມຢ່າງ ໄດ້ແກ່...