ໜຶ່ງໃນຂໍ້ດີຂອງການເລືອກໃຊ້ MacOS ຄື ມັນມີຄວາມປອດ ໄພສູງ ແລະບໍ່ມີບັນຫາເລື່ອງໄວຣັສ ຫຼື ມັລແວຣ໌ມາກວນໄຈ ແຕ່ເບິ່ງເໝືອນວ່າໃນຕອນນີ້ແຮັກເກີຈະຫາທາງສົ່ງມັລແວຣ໌ມາໂຈມຕີລະບົບການທຳງານ MacOS ໄດ້ສຳເລັດແລ້ວ Bitdefender ໄດ້
ຄົ້ນພົບມັລແວຣ໌ຕົວໃໝ່ທີ່ມີຊື່ວ່າ “Backdoor.MAC.Eleanor” ການທຳງານຂອງມັນຈະເຂົ້າມາສ້າງປະຕູໃຫ້ແຮັກເກີສາມາດເຂົ້າມາຄວບຄຸມການທຳງານຂອງຄອມພິວເຕີໄດ້ຈາກພາຍ ນອກ.
ທາງ Malwarebytes ໄດ້ອະທິບາຍວ່າ ມັລແວຣ໌ຕົວນີ້ຈະຜ່ານ ເຂົ້າລະບົບທາງ MacUpdate ໂດຍບາງຕົວວ່າເປັນໂປຣແກຣມທຳມະ ດາທີ່ບໍ່ມີພິດມີໄພໃນຊື່ EasyDoc Converter ຕົວແອບ ມີຄຳອະ ທິບາຍວ່າ “Fast and simple file converter for OS X” ຫາກ ເຮົາກົດເປີດມັນຂຶ້ນມາແອັບຈະທຳການຕິດຕັ້ງມັລແວຣ໌ Eleanor ລົງໃນເຄື່ອງທັນທີ.
ຫາກເຮົາຕິດຕັ້ງມັລແວຣ໌ຕົວນີ້ແລ້ວກໍເປັນການຍາກທີ່ເຮົາຈະຮູ້ຕົວ ວ່າເຄື່ອງໄດ້ຖຶກໂຈມຕີແລ້ວ ແລະແຮັກເກີຈະສາມາດຄວບຄຸມລະບົບ ພາຍໃນເຄື່ອງຄອມພິວເຕີໄດ້ຢ່າງສົມບູນແບບ ແຮັກເກີສາມາດທີ່ຈະເຂົ້າເຖິງໄຟລ໌ເທິງເຄື່ອງ ຫຼື ກະທັ້ງກູ້ຄືນໄຟລ໌ສ່ວນຕົວທີ່ທ່ານລົບໄປແລ້ວກັບມາໄດ້ ກ່ອນຈະສົ່ງກັບໄປຍັງເຊີບເວີຂອງແຮັກເກີໂດຍທີ່ທ່ານບໍ່ຮູ້ຕົວ ຫຼືຈະປ່ຽນໃຫ້ເຄື່ອງຄອມພີວເຕີຂອງທ່ານເປັນ Botnet ເພື່ອໂຈມຕີເຄື່ອງຄອມພີວເຕີອື່ນກໍບໍ່ແມ່ນເລື່ອງຍາກ.
ໂຊກດີ ຄື ແອບ EasyDoc Converter ນີ້ບໍ່ໄດ້ຮັບການຮອງຮັບ Certificate ຈາກ Apple ຊຶ່ງປົກກະຕິແລ້ວ Mac OS X ຈະບໍ່ໄດ້ຕັ້ງຄ່າໃຫ້ເປີດໃຊ້ງານແອັບທີ່ຍັງບໍ່ Certificate ຢູ່ແລ້ວ.
ຂຽນໂດຍ ດາວເມືອງພວນ ຂ່າວຈາກ: ເສດຖະກິດ-ສັງຄົມ
ຕິດຕາມນານາສາລະ ກົດໄລຄ໌ເລີຍ!