ອີງຕາມການລາຍງານຂ່າວຂອງສຳນັກຂ່າວຕ່າງປະເທດລາຍງານເມື່ອວັນທີ 7 ຕູລາຜ່ານມາວ່າ ສານມຽນມາມີຄຳສັ່ງຕັດສິນລົງໂທດຈຳຄຸກ ທ້າວ ຄລາດ ເຮເທມາ ອາຍຸ 30 ປີ ນັກທ່ອງທ່ຽວຄົນເນເທີແລນ ເປັນເວລາ 3 ເດືອນ ດ້ວຍຂໍ້ຫາໝິ່ນສາສະໜາ ຫຼັງຈາກ 2 ອາທິດກ່ອນ ທ້າວ ຄລາດ ໄດ້ກໍ່ເຫດຖອດປັກເຄື່ອງສຽງໃນງານພິທີທາງສາສະໜາ ທີ່ໄດ້ຈັດຂຶ້ນໃກ້ໆ ກັບໂຮງແຮມແຫ່ງໜຶ່ງໃນເມືອງມັນທະເລ ປະເທດມຽນມາ ເພື່ອໃຫ້ຢຸດເພາະລົບກວນ
ຈາກການຕັດສິນດັ່ງກ່າວ ເຮັດໃຫ້ ທ້າວ ຄລາດ ຕ້ອງຮ້ອງໄຫ້ ໂດຍລາວກໍໄດ້ຂໍໂທດ ແລະເວົ້າອ້າງວ່າ ຕົນເອງບໍ່ຮູ້ວ່າເຮັດຫຍັງລົງໄປ ແຕ່ຕ້ອງການນອນຫຼັບເທົ່ານັ້ນ ແລະຍັງມີຂໍ້ຫາວ່າ ໝິ່ນສາສະໜາ ເພາະລາວບໍ່ໄດ້ປົດເກີບເຂົ້າໄປໃນຫໍສູດມົນ