spot_img
Homeຂ່າວເຫດການລັດຈະເລີ່ມຈັດຕັ້ງປະຕິບັດເກັບອາກອນມູນຄ່າເພີ່ມ 10% ນຳເຄື່ອງຜູ້ໂດຍສານໃນຕົ້ນເດືອນພະຈິກນີ້

ລັດຈະເລີ່ມຈັດຕັ້ງປະຕິບັດເກັບອາກອນມູນຄ່າເພີ່ມ 10% ນຳເຄື່ອງຜູ້ໂດຍສານໃນຕົ້ນເດືອນພະຈິກນີ້

Published on

ທ່ານ ບຸນປະເສີດ ສີກຸນລະບຸດ ຮັກສາການຫົວໜ້າກົມພາສີ ໄດ້ຖະແຫລງຕໍ່ສື່ມວນຊົນເມື່ອບໍ່ດົນມານີ້ວ່າ: ລັດຖະບານຈະເລີ່ມຈັດຕັ້ງປະຕິບັດການຈັດເກັບອາກອນມູນຄ່າເພີ່ມ 10% ໃນວັນທີ 1 ພະຈິກນີ້, ທີ່ດ່ານຂົວມິດຕະພາບ 1 ວຽງຈັນ-ໜອງຄາຍ, ຈາກນັ້ນ ຈຶ່ງຈະຂະຫຍາຍໄປນຳໃຊ້ຢູ່ບັນດາດ່ານຕ່າງໆໃນຂອບເຂດທົ່ວປະເທດຢ່າງເຂັ້ມງວດ, ເພື່ອແນໃສ່ຍົກສູງສະຕິໃນການຈັດຕັ້ງປະຕິບັດກົດໝາຍ ແລະ ລະບຽບການຂອງລາວໃຫ້ສູງຂຶ້ນ, ພ້ອມທັງສົ່ງເສີມການລົງທຶນ ແລະ ການເຄື່ອນໄຫວຂອງບັນດາວິສາຫະກິດພາຍໃນປະເທດ ໃຫ້ໄດ້ດີຂຶ້ນ ແລະ ຈັດເກັບລາຍຮັບເຂົ້າງົບປະມານແຫ່ງລັດຕາມກົດໝາຍ ແລະ ລະບຽບການໄດ້ກຳນົດໄວ້, ຊຶ່ງການຈຳໜ່າສິນຄ້າເຄື່ອງຂາຍພາຍໃນປະເທດ ຕາມລະບຽບການແລ້ວ ແມ່ນໄດ້ມີການເສຍພາສີ-ອາກອນລວມໃນລາຄາຂາຍ, ສະນັ້ນ ຜູ້ຊົມໃຊ້ພາຍໃນປະເທດ ແມ່ນໄດ້ປະກອບສ່ວນພັນທະທາງດ້ານພາສີ-ອາກອນ ໂດຍທາງອ້ອມຕໍ່ງົບປະມານຂອງລັດ.

ໃນກໍລະນີຜູ້ໂດຍສານໄດ້ຊື້ສິນຄ້າເຄື່ອງຂອງຢູ່ຕ່າງປະເທດ ແລ້ວນຳເຂົ້າມາຊົມໃຊ້ພາຍໃນ, ຊຶ່ງບໍ່ລວມມີຄ່າພາສີ-ອາກອນ ຕາມກົດໝາຍ ແລະ ລະບຽບການຂອງລາວ ໄດ້ກຳນົດໄວ້, ດັ່ງນັ້ນ ໃນເວລານຳເຂົ້າສິນຄ້າເຄື່ອງຂອງດັ່ງກ່າວ ຊຶ່ງມີມູນຄ່າເກີນລະບຽບກົດໝາຍກຳນົດໄວ້ ຈະຕ້ອງໄດ້ມອບພັນທະຕາມລະບຽບການ, ຕາມກະຊວງການເງິນໄດ້ອອກຂໍ້ກຳນົດເລກທີ 2834/ກງ, ວ່າດ້ວຍການຈັດເກັບອາກອນມູນຄ່າເພີ່ມສຳເລັບເຄື່ອງຂອງຕິດຕົວຜູ້ໂດຍສານ ໃນອັດຕາ 10% ຂອງມູນຄ່າເຄື່ອງຂອງ, ຊຶ່ງໄດ້ກຳນົດເປົ້າໝາຍຜູ້ໂດຍສານພົນລະເມືອງລາວ, ຄົນຕ່າງດ້າວ, ຄົນຕ່າງປະເທດ ທີ່ເດີນທາງອອກ-ເຂົ້າສປປ ລາວ ບໍ່ມີລັກສະນະປະຈຳຊື້ເຄື່ອງຂອງຕິດຕົວເຂົ້າມາຊົມໃຊ້, ໂດຍບໍ່ເປັນລັກສະນະການຄ້າ ຫລື ຈຸດປະສົງທາງການຄ້າ, ມີມູນຄ່າບໍ່ສູງ ແມ່ນໄດ້ຮັບການຍົກເວັ້ນ ໃນມູນຄ່າບໍ່ເກີນ 50ໂດລາສະຫະລັດ, ສ່ວນມູນຄ່າທີ່ເກີນຕ້ອງໄດ້ແຈ້ງເສຍອາກອນມູນຄ່າເພີ່ມໃນອັດຕາ 10%.

ທ່ານ ບຸນປະເສີດ ສີກຸນລະບຸດ ກ່າວວ່າ: ປັດຈຸບັນ ຈຳນວນຜູ້ໂດຍສານ ແລະ ພາຫະນະຂອງລາວ ທີ່ເດີນທາງຜ່ານດ່ານຂົວມິດຕະພາບ 1 ໂດຍສະເລ່ຍແລ້ວ ວັນຈັນ-ສຸກ ລົດສ່ວນຕົວລາວ ປະມານ 300 ຄັນ, ວັນເສົາ-ທິດ ລົດສ່ວນຕົວລາວປະມານ 750 ຄັນ. ສຳລັບການຈັດເກັບອາກອນມູນຄ່າເພີ່ມ 10% ນຳເຄື່ອງຂອງຕິດຕົວຜູ້ໂດຍສານ ທີ່ເດີນທາງເຂົ້າມາທາງລົດສ່ວນຕົວ, ສ່ວນຜູ້ ໂດຍສານທີ່ເດີນທາງນຳລົດເມ ແມ່ນຍັງບໍ່ທັນໄດ້ມີການຈັດເກັບອາກອນມູນຄ່າເພີ່ມ 10% ເທື່ອ, ເວັ້ນເສຍແຕ່ນຳເຂົ້າສິນຄ້າເຄື່ອງຂອງເປັນຈຳນວນຫລາຍ, ມີລັກສະນະການຄ້າ ຕ້ອງໄດ້ເສຍພາສີອາ ກອນຕາມກົດໝາຍ ແລະ ລະບຽບການຢ່າງເຂັ້ມງວດ

ຂ່າວ: ໜັງສືພິມ ລາວພັດທະນາ

ບົດຄວາມຫຼ້າສຸດ

ສະຫຼົດ! ຊາຍອາຍຸ 26 ປີ (ເສຍຊີວິດ) ຍ້ອນຂັບລົດຕຳງົວ ທີ່ບ້ານວຽງແກ້ວ ເມືອງຈັນທະບູລີ ນະຄອນຫຼວງວຽງຈັນ

ບັນຫາການປ່ອຍສັດຊະຊາຍ ສ່ຽງເຮັດໃຫ້ຄົນອື່ນເກີດອຸບັດຕິເຫດ ເຖິງຂັ້ນເສຍຊີວິດໄດ້. ບັນຫາການປ່ອຍສັດລ້ຽງ (ງົວ, ຄວາຍ, ແບ້, ມ້າ...) ຍັງຄົງຖືກພົບເຫັນເລື້ອຍໆຢູ່ຫຼາຍໆຂົງເຂດ ຕັ້ງແຕ່ເຂດຊານເມືອງຈົນໄປເຖິງໃນເມືອງ. ຈົນກາຍເປັນຄວາມເຄີຍຊິນໄປແລ້ວສຳລັບຜູ້ສັນຈອນໄປມາທີ່ຕ້ອງລະວັງເອງ ແຕ່ບາງຄັ້ງກໍມີອຸບປະຕິເຫດຕາມມາ ເຊັ່ນ: ລົດໃຫຍ່ຕຳງົວ, ລົດຈັກຕຳງົວ,...

ລາວ-ສ.ເກົາຫຼີ ລົງນາມຮ່ວມມື ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ມູນຄ່າ 9.9 ລ້ານໂດລາ

ລາວ-ສ.ເກົາຫຼີ ລົງນາມບົດບັນທຶກການຮ່ວມມື (Record of Discussion-ROD) ເພື່ອດໍາເນີນໂຄງການສ້າງສູນພັດທະນາບຸກຄະລາກອນທາງດ້ານດິຈິຕອນ ກະຊວງເຕັກໂນໂລຊີ ແລະ ການສື່ສານ (ກຕສ) ຮ່ວມກັບ ອົງການຮ່ວມມືສາກົນ ສ.ເກົາຫຼີ (KOICA) ໄດ້ຈັດພິທີລົງນາມບົດບັນທຶກການຮ່ວມມື...

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...