ໃນວັນທີ 3 ຕຸລາ 2016 ຫົວເຫວີຍ P9 ໄດ້ເປີດໂຕຢ່າງເປັນທາງການ ໃນເວລາປະມານ 16:00-18:00 ໂມງ ທີ່ວຽງຈັນເຊັນເຕີທ່າມກາງສື່ມວນຊົນ ແລະປວງຊົນ ເຂົ້າຮ່ວມຢ່າງຫຼວງຫຼາຍ
ໃນງານທ່ານ ຊູຈິງຢົງ ຫົວໜ້າຝ່າຍອຸປະກອນການສື່ສານ ໄດ້ກ່າວຄຳປາໄສວ່າ: ຫົວເຫວີຍ ໄດ້ມາເລີ່ມທຸລະກິດໃນລາວຫຼາຍກວ່າ 18 ປີ ເຊິ່ງມີທັງໝົດ 3 ກຸ່ມໃຫຍ່ທຸລະກິດຄື: ກຸ່ມທຸລະກິດ ໂທລະຄົມມະນາຄົມ, ກຸ່ມທຸລະກິດ ວິສາຫະກິດ ແລະກຸ່ມທຸລະກິດ ຜູ້ຊົມໃຊ້ ເຊິ່ງສະໜອງອຸປະກອນການສື່ສານ, ຜະລິດຕະພັນໄອທີ, ການແກ້ໄຂ ແລະສະມາດໂຟນ ຫົວເຫວີຍ ໃຊ້ຫຼາຍກວ່າ 170 ປະເທດ
ສະມາດໂຟນ ຫົວເຫວີຍ ໄດ້ຂະຫຍາຍຕົວຢ່າງໄວວາ ໃນຕະຫຼາດຂອງລາວເຮົາ, ຄົນສ່ວນຫຼາຍຮູ້ ແລະກໍໄດ້ໃຊ້ສະມາດໂຟນ, ໃນຊ່ວງຕົ້ນປີ 2016 ຫົວເຫວີຍ ໄດ້ເປີດສະມາດໂຟນລຸ້ນໃໝ່່ລ່າສຸດ ຫົວເຫວີຍ ເມດ 8 ແລະ ຫົວເຫວີຍ ພີ 9 ເຊິ່ງໄດ້ຮັບຜົນຕອບຮັບທີ່ດີຈາກລູກຄ້າ ເພື່ອໃຫ້ຄົນທີ່ຮູ້ຈັກຜະລິດຕະພັນ ຫົວເຫວີຍ ຫຼາຍຂຶ້ນ, ໄດ້ມີກິດຈະກຳຫຼາຍໆກິດຈະກຳ ແລະພ້ອມທັງມີໂປຣໂມຊັນຫຼາຍຢ່າງ ທັງໃນນະຄອນຫຼວງ ແລະຕ່າງແຂວງ. ສຳລັບຫົວເຫວີຍ ພີ9 ນີ້ສິ່ງທີ່ແປກໃໝ່ຈາກໂທລະສັບລຸ້ນອື່ນແມ່ນ “ກ້ອງ” ເປັນກ້ອງທີ່ດີທີ່ສຸດ ກ້ອງມີສອງເລນ ແລະໃຊ້ເລນໄລກ້າ ຖ່າຍອອກມາຮູບງາມແຈ້ງຄົມຊັດ
ຫົວເຫວີຍ ໄດ້ເພີ່ມຄວາມສະດວກສະບາຍໃຫ້ແກ່ລູກຄ້າໃນການຊອກຊື້ໂທລະສັບໄດ້ງ່າຍຂຶ້ນ ໂດຍມີຮ້ານ 500 ກວ່າຮ້ານທີ່ຂາຍໂທລະສັບສະມາດໂຟນ ແລະກຳລັງຕັ້ງສູນບໍລິການຫຼັງການຂາຍແຫ່ງໃໝ່ ທີ່ຫຼູຫຼາດີທີສຸດ ໃນນະຄອນຫຼວງ ແລະຈະໄດ້ເປີດການບໍລິການໃນເດືອນ ພະຈິກ 2016 ນີ້
ໃນການເປີດໂຕຄັ້ງນີ້ ຫົວເຫວີຍ ພີ9 ກໍໄດ້ ສາວແອນນິຕ້າ ນັກຮ້ອງທີ່ໄດ້ຮັບຄວາມນິຍົມໃນລາວ, ເພື່ອເພີ່ມພາບຫຼັກ ແລະຄວາມນິຍົມຂອງຫົວເຫວີຍ ໃຫ້ສູງຂຶ້ນອີກລະດັບໜຶ່ງ ແລະໄດ້ແຂກຮັບເຊີນ ອະເລັກ ທີລະເດດ ນັກສະແດງຊື່ດັງ ທີ່ເປັນພີເຊັນເຕີຫົວເຫວີຍຂອງປະເທດໄທກໍໄດ້ມາຮ່ວມງານ