spot_img
Homeຂ່າວເຫດການນາຍົກ ຊີ້ນຳ ສະມາຄົມຜູ້ອາຍຸສູງ

ນາຍົກ ຊີ້ນຳ ສະມາຄົມຜູ້ອາຍຸສູງ

Published on

ວັນທີ 30 ກັນຍາ 2016 ທີ່ພັດຕາຄານແມ່ຂອງ ນະຄອນຫຼວງວຽງຈັນ, ສະມາຄົມຜູ້ອາຍຸສູງ ນະຄອນຫຼວງວຽງ ຈັນ (ສອວ) ໄດ້ຈັດງານພົບປະສ້າງ ສັນກັບບັນດາສະມາຊິກ, ໂດຍໃຫ້ກຽດ ເຂົ້າຮ່ວມຂອງທ່ານ ທອງລຸນ ສີສຸລິດ ນາຍົກລັດຖະມົນຕີ, ມີລັດຖະມົນຕີ, ຮອງລັດຖະມົນຕີ, ບັນດານັກທຸລະກິດ ພ້ອມ ດ້ວຍພາກສ່ວນກ່ຽວຂ້ອງເຂົ້າຮ່ວມ.
ໂອກາດນີ້ ທ່ານ ສົມພົງ ມົງຄົນວິໄລ ປະທານສະມາຄົມຜູ້ອາຍຸສູງ ນະຄອນຫຼວງວຽງຈັນ ກ່າວວ່າ: ສອວ ຈັດງານ ພົບປະສ້າງສັນປະຈໍາເດືອນກັນຍາ 2016  ຄັ້ງນີ້ ແມ່ນມີຄວາມໝາຍສໍາຄັນຫຼາຍ ເພາະກົງກັບວັນຜູ້ອາຍຸສູງສາກົນ (ວັນທີ 1 ຕຸລາ) ທີ່ຫຼາຍໆປະເທດໃນທົ່ວໂລກພວມສະເຫຼີມສະຫຼອງ, ອີກຄວາມໝາຍສໍາຄັນແມ່ນ ສປປ ລາວ ໄດ້ຮັບກຽດເປັນເຈົ້າພາບຈັດກອງປະຊຸມສຸດຍອດອາຊຽນຄັ້ງທີ 28, 29 ທີ່ນະຄອນຫຼວງວຽງຈັນ ຊຶ່ງໄດ້ຮັບຜົນສໍາເລັດຢ່າງສະຫງ່າງາມ.

ທ່ານປະທານສະມາຄົມກ່າວຕື່ມວ່າ:ສອວ ສ້າງຕັ້ງຂຶ້ນໃນຕົ້ນປີ 2011 ໃນເວລານັ້ນລວມມີສະມາຊິກປະມານ 30 ກວ່າຄົນ, (ສ້າງຕັ້ງຂຶ້ນມາດ້ວຍຄວາມສະໝັກໃຈຂອງບັນດາພະນັກງານຮຸ່ນອາວຸໂສ), ຜ່ານການເຄື່ອນໄຫວ, ປຸກ ລະດົມຂົນຂວາຍຈໍານວນສະມາຊິກໄດ້ ເພີ່ມຂຶ້ນໃນແຕ່ລະເດືອນ, ແຕ່ລະປີເຮັດ ໃຫ້ສາມາດປະຕິບັດພາລະບົດບາດຂອງຕົນໄດ້ຢ່າງຕໍ່ເນື່ອງ ຊຶ່ງຈຸດປະສົງເປົ້າ ໝາຍໃນການສ້າງຕັ້ງແມ່ນເພື່ອເຮັດໃຫ້ສະມາຊິກກໍຄືຜູ້ອາຍຸສູງໄດ້ມີການດໍາລົງຊີວິດຮ່ວມກັນດ້ວຍຄວາມເບີກບານ ມ່ວນຊື່ນ, ມີສຸຂະພາບເຂັ້ມແຂງ, ສ້າງກິດຈະກໍາໄປທ່ອງທ່ຽວ, ກິດຈະກໍາຢ່າງເພື່ອສຸຂະພາບ, ກິດຈະກໍາສະຫຼອງບຸນປະເພ ນີຕ່າງໆ, ທີ່ສໍາຄັນແມ່ນກິດຈະກໍາຊ່ວຍ ເຫຼືອບ່ອນທີ່ທຸກຍາກລໍາບາກມີບັນຫາ ເລື່ອງໄພທໍາມະຊາດ, ໄປຊ່ວຍເດັກນ້ອຍ ບ່ອນບໍ່ມີໂຮງຮຽນທີ່ໄດ້ມາດຕະຖານ ຫຼື ໄປສົງເຄາະສູນເດັກນ້ອຍຕາບອດ, ສູນຄົນພິການຕ່າງໆ ອີງຕາມຄວາມສາມາດຂອງພວກເຮົາ, ພິເສດແມ່ນການເບິ່ງແຍງສະມາຊິກນໍາກັນໃນເວລາເຈັບໄຂ້ໄດ້ປ່ວຍ, ບໍ່ສະບາຍ ພວກເຮົາກໍ່ຈະລະດົມເພື່ອນຮ່ວມສະມາຄົມໄປເບິ່ງແຍງດູແລ, ນໍາເອົາສິ່ງຂອງໄປມອບໃຫ້ຕາມຄວາມສາມາດ.

ໂອກາດດຽວກັນ ທ່ານ ນາຍົກລັດຖະມົນຕີ ໄດ້ຂຶ້ນກ່າວໂອ້ລົມ ສະແດງຄວາມນັບຖືຮັກແພງທີ່ໄດ້ມາຮ່ວມງານພົບປະສ້າງສັນສົນທະນາແລກປ່ຽນຄໍາຄິດຄໍາເຫັນນໍາບັນດາອ້າຍເອື້ອຍລຸງປ້າອາວອາໃນເທື່ອນີ້, ພ້ອມຊີ້ແຈງລາຍລະອຽດກ່ຽວກັບຜົນສໍາເລັດຂອງກອງປະຊຸມ ສຸດຍອດອາຊຽນຄັ້ງທີ 28, 29 ແລະ ກອງປະຊຸມສຸດຍອດກ່ຽວຂ້ອງອື່ນໆທີ່ ສປປ ລາວ ຮັບກຽດເປັນເຈົ້າພາບຈັດ ຂຶ້ນໃນຫວ່າງບໍ່ດົນຜ່ານມານີ້ ລວມເຖິງຜົນງານຕ່າງໆທີ່ທາງຄະນະລັດຖະບານ ຊຸດໃໝ່ຍາດມາໄດ້ ໂດຍສະເພາະແມ່ນ ເລື່ອງການຄຸ້ມຄອງບັນຫາການສົ່ງອອກ ໄມ້ ແລະອື່ນໆ, ນອກນີ້ ທ່ານນາຍົກຍັງໄດ້ ຊີ້ນໍາໃຫ້ ສອວ ສືບຕໍ່ຈັດກິດຈະກໍາຜ່ອນຄາຍທີ່ມີແຕ່ລະເດືອນແຕ່ລະປີ, ສ້າງຄວາມເບີກບານມ່ວນຊື່ນ, ອາຍຸໝັ້ນຍືນ ສືບຕໍ່ຈັດກິດຈະກໍາຊ່ວຍເຫຼືອພໍ່ແມ່ປະຊາຊົນຜູ້ທຸກຍາກແບບນີ້ຕໍ່ໄປເລື້ອຍໆ, ສືບຕໍ່ອະທິບາຍແນວທາງນະໂຍບາຍຂອງ ພັກ-ລັດຖະບານໃນແຕ່ລະບັນຫາໃຫ້ພໍ່ແມ່ປະຊາຊົນ, ທະຫານ, ຕໍາຫຼວດ ພະ ນັກງານຮັບຮູ້ເຂົ້າໃຈ, ສຸດທ້າຍຂໍໃຫ້ສະມາຄົມເຕີບໃຫຍ່ຂະຫຍາຍຕົວຂຶ້ນຢ່າງບໍ່ຢຸດຢັ້ງ ເພື່ອຊ່ວຍພັດທະນາປະເທດຊາດໃຫ້ຈະເລີນຮຸ່ງເຮືອງສີວິໄລ.

ທີ່ມາ: ໜັງສືພິມເສດຖະກິດ-ສັງຄົມ

ບົດຄວາມຫຼ້າສຸດ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ໄດ້ຄາດ່ານໜອງຄາຍ

ເຈົ້າໜ້າທີ່ຈັບກຸມ ຄົນໄທ 4 ແລະ ຄົນລາວ 1 ທີ່ລັກລອບຂົນເຮໂລອິນເກືອບ 22 ກິໂລກຣາມ ຄາດ່ານໜອງຄາຍ (ດ່ານຂົວມິດຕະພາບແຫ່ງທີ 1) ໃນວັນທີ 3 ພະຈິກ...

ຂໍສະແດງຄວາມຍິນດີນຳ ນາຍົກເນເທີແລນຄົນໃໝ່ ແລະ ເປັນນາຍົກທີ່ເປັນ LGBTQ+ ຄົນທຳອິດ

ວັນທີ 03/11/2025, ຂໍສະແດງຄວາມຍິນດີນຳ ຣອບ ເຈດເທນ (Rob Jetten) ນາຍົກລັດຖະມົນຕີຄົນໃໝ່ຂອງປະເທດເນເທີແລນ ດ້ວຍອາຍຸ 38 ປີ, ແລະ ຍັງເປັນຄັ້ງປະຫວັດສາດຂອງເນເທີແລນ ທີ່ມີນາຍົກລັດຖະມົນຕີອາຍຸນ້ອຍທີ່ສຸດ...

ຫຸ່ນຍົນທຳລາຍເຊື້ອມະເຮັງ ຄວາມຫວັງໃໝ່ຂອງວົງການແພດ ຄາດວ່າຈະໄດ້ນໍາໃຊ້ໃນປີ 2030

ເມື່ອບໍ່ດົນມານີ້, ຜູ້ຊ່ຽວຊານຈາກ Karolinska Institutet ປະເທດສະວີເດັນ, ໄດ້ພັດທະນາຮຸ່ນຍົນທີ່ມີຊື່ວ່າ ນາໂນບອດທີ່ສ້າງຂຶ້ນຈາກດີເອັນເອ ສາມາດເຄື່ອນທີ່ເຂົ້າຜ່ານກະແສເລືອດ ແລະ ປ່ອຍຢາ ເພື່ອກຳຈັດເຊື້ອມະເຮັງທີ່ຢູ່ໃນຮ່າງກາຍ ເຊັ່ນ: ມະເຮັງເຕົ້ານົມ ແລະ...

ຝູງລີງຕິດເຊື້ອຫຼຸດ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລີງຈຳນວນໜຶ່ງຫຼຸດອອກ ຢູ່ລັດມິສຊິສຊິບປີ ສະຫະລັດອາເມລິກາ

ລັດມິສຊິສຊິບປີ ລະທຶກ! ລົດບັນທຸກຝູງລີງທົດລອງຕິດເຊື້ອໄວຣັສ ປະສົບອຸບັດຕິເຫດ ເຮັດໃຫ້ລິງຈຳນວນໜຶ່ງຫຼຸດອອກໄປໄດ້. ສຳນັກຂ່າວຕ່າງປະເທດລາຍງານໃນວັນທີ 28 ຕຸລາ 2025, ລົດບັນທຸກຂົນຝູງລີງທົດລອງທີ່ອາດຕິດເຊື້ອໄວຣັສ ໄດ້ເກີດອຸບັດຕິເຫດປິ້ນລົງຂ້າງທາງ ຢູ່ເສັ້ນທາງຫຼວງລະຫວ່າງລັດໝາຍເລກ 59 ໃນເຂດແຈສເປີ ລັດມິສຊິສຊິບປີ...