spot_img
Homeຂ່າວພາຍ​ໃນປະທານປະເທດແຫ່ງ ສປປລາວ ກ່າວເປີດກອງປະຊຸມຢ່າງເປັນທາງການ

ປະທານປະເທດແຫ່ງ ສປປລາວ ກ່າວເປີດກອງປະຊຸມຢ່າງເປັນທາງການ

Published on

ກອງປະຊຸມສຸດຍອດອາຊຽນຄັ້ງທີ 28 ແລະ 29 ແລະບັນດາກອງປະຊຸມສຸດຍອດທີ່ກ່ຽວຂ້ອງ ໄຂຂຶ້ນຢ່າງເປັນທາງການໃນຕອນບ່າຍວັນທີ 6/9/2016 ທີ່ຫໍປະຊຸມແຫ່ງຊາດນະຄອນຫລວງວຽງຈັນ ໂດຍເປັນກຽດເຂົ້າຮ່ວມ ຂອງທ່ານ ບຸນຍັງວໍລະຈິດ ປະທານປະເທດ, ມີບັນດາປະມຸກລັດ ແລະຫົວໜ້າລັດຖະບານ ປະເທດສະມາຊິກອາຊຽນ, ເລຂາທິການໃຫຍ່ອາຊຽນ ພ້ອມດ້ວຍແຂກຮັບເຊີນເຂົ້າຮ່ວມ.

4755

ໃນບາງຕອນຂອງ ສູນທອນພົດ ກ່າວໄຂ ກອງປະຊຸມ ທ່ານ ບຸນຍັງ ວໍລະຈິດ ປະທານປະເທດ ໄດ້ຍົກໃຫ້ເຫັນວ່າ: ອາຊຽນແມ່ນອົງການຈັດຕັ້ງພາກພື້ນໜຶ່ງທີ່ສຳຄັນ ເຊິ່ງໄດ້ຜ່ານສິ່ງທ້າທາຍຕ່າງໆ ແລະໄດ້ປະສົບຜົນສຳເລັດ ມາເທື່ອລະກ້າວ ຈົນກາຍເປັນປະຊາຄົມ ອາຊຽນ ໃນວັນທີ 31 ທັນວາ ປີ 2015 ເປັນຕົ້ນມາ. ບັນດາຜົນສຳເລັດຂອງອາຊຽນ ໃນ 5 ທົດສະຫວັດທີ່ຜ່ານມາ ແມ່ນໝາກຜົນ ຂອງການຮ່ວມມືກັນພາຍໃນອາຊຽນ ແລະລະຫວ່າງອາຊຽນ ກັບຄູ່ຮ່ວມມືພາຍນອກ ໂດຍຜ່ານກົນໄກ ທີ່ອາຊຽນລິເລີມຂຶ້ນ ຕາມວິຖີທາງ ອາຊຽນ ແລະສອດຄ່ອງກັບຈຸດພິເສດ ແລະລັກສະນະສະເພາະຂອງພາກພື້ນ.

6889

ສປປລາວ ຕີລາຄາສູງ ຕໍ່ຜົນສຳເລັດ ທີ່ອາຊຽນຍາດມາໄດ້ ໃນໄລຍະທີ່ຜ່ານມາ ແລະພູມໃຈເປັນຢ່າງຍິ່ງ ທີ່ໄດ້ເປັນສະມາຊິກ ຂອງຄອບຄົວອາຊຽນ ທີ່ຫລາກຫລາຍ, ແຕ່ຍຶດໝັ້ນໃນວິຖີທາງຂອງອາຊຽນ ກໍ່ຄືບັນດາຫລັກການອາຊຽນ ແລະຢູ່ຮ່ວມກັນເພື່ອຮ່ວມກັນປົກປັກຮັກສາ ແລະສົ່ງເສີມສັນຕິພາບ ໃນອາຊຽນ ແລະ ໃນໂລກ.

ຄຽງຄູ່ກັນນີ້ອາຊຽນກໍ່ຕ້ອງສຶບຕໍ່ຍຶດໝັ້ນໃນບັນດາຫຼັກການ ຂອງອາຊຽນ, ສົ່ງເສີມຄວາມສຳຄັນ ແລະຄວາມຄວາມເປັນແກນກາງຂອງອາຊຽນ ໃນການຮ່ວມມືກັບພາຍນອກ ຕາມວິຖີທາງອາຊຽນ ແລະສອດຄ່ອງກັບຈຸດພິເສດ ແລະລັກສະນະສະເພາະຂອງພາກພື້ນອາຊຽນ ເພື່ອກ້າວໄປສູ່ການສ້າງປະຊາຄົມອາຊຽນ ທີ່ເຂັ້ມແຂງ ອີງໃສ່ລະບຽບຫລັກການເປັນພື້ນຖານ, ຕາມທິດປະຊາຊົນ ແລະປະຊາຊົນເປັນແກນກາງ. ໃນຂະນະດຽວກັນພວກເຮົາ ກໍ່ພ້ອມກັນພັດທະນາເສດຖະກິດໃຫ້ມີຄວາມກ້າວໜ້າ, ໝັ້ນທ່ຽງ, ຍືນຍົງ ແລະມີການເຊື່ອມໂຍງໃນລະດັບສູງ, ສົ່ງເສີມຂະຫຍາຍການເຊື່ອມຈອດອາຊຽນ ກໍ່ຄືການເພີ່ມທະວີ ຄວາມພະຍາຍາມ ໃນການຮັດແຄບ ຄວາມແຕກໂຕນທາງດ້ານການພັດທະນາພາຍໃນອາຊຽນ ໂດຍຜ່ານກົນໄກຕ່າງໆ ລວມທັງຂໍ້ລິເລີ່ມເພື່ອການເຊື່ອມໂຍງອາຊຽນ.

 

ທີ່ມາຈາກ: ສຳນັກຂ່າວເອບີຊີລາວ

 

ບົດຄວາມຫຼ້າສຸດ

ທ່ານ ເຫຼັກໄຫຼ ສີວິໄລ ລົງຕິດຕາມເສັ້ນທາງ 2W ແຕ່ເມືອງໄຊ ຫາເມືອງ ປາກແບ່ງ ແຂວງອຸດົມໄຊ

ທ່ານ ເຫຼັກໄຫຼ ສີວິໄລ ລັດຖະມົນຕີກະຊວງ ຍທຂ ພ້ອມຄະນະລົງຕິດຕາມເສັ້ນທາງ 2W ແຕ່ເມືອງໄຊ ຫາເມືອງ ປາກແບ່ງ ແຂວງອຸດົມໄຊ. ໃນວັນທີ 9 ສິງຫາ 2025...

ຍີ່ປຸ່ນທຸບສະຖິຕິໃໝ່! ກວດພົບຄື້ນຄວາມຮ້ອນ ອຸນຫະພູມ 41.8 ອົງສາ ພ້ອມເຕືອນໄພປະຊາຊົນໃຫ້ອອກຈາກພື້ນທີ່ສ່ຽງ

ຍີ່ປຸ່ນທຸບສະຖິຕິອາກາດຮ້ອນສູງສຸດ 41.8 ອົງສາ ເຈົ້າໜ້າທີ່ເລັ່ງອົບພະຍົບປະຊາຊົນ ພ້ອມເຕືອນໂຣກລົມແດດ 44 ແຂວງໃນຍີ່ປຸ່ນ ຂະນະດຽວກັນພາກເໜືອຮັບມືຝົນຕົກໜັກ-ສ່ຽງນ້ຳຖ້ວມຊຸ. ສຳນັກຂ່າວຕ່າງປະເທືດລາຍງານໃນວັນທີ 7 ສິງຫາ 2025 ສຳນັກງານອຸຕຸນິຍົມວິທະຍາຂອງປະເທດຍີ່ປຸ່ນ (Japan Meteorological...

ຄະນະບໍລິຫານງານພັກກະຊວງປ້ອງກັນຄວາມ ສະຫງົບ ສະໄໝທີ VI ປະກອບມີ 27 ສະຫາຍ ຍິງ 1 ສະຫາຍ

ຊົມເຊີຍ ຜົນສຳເລັດກອງປະຊຸມຄັ້ງປະຖົມມະລຶກກອງປະຊຸມໃຫຍ່ຜູ້ແທນ ຄັ້ງທີ VI ອົງຄະນະພັກກະຊວງປ້ອງກັນຄວາມສະຫງົບ ໃນຕອນເຊົ້າວັນທີ 6 ສິງຫາ 2025, ສະຫາຍ ພົອ ວິໄລ ຫຼ້າຄຳຟອງ ໄດ້ລາຍງານຜົນຂອງກອງປະຊຸມຄັ້ງປະຖົມມະລຶກຄະນະບໍລິຫານງານພັກກະຊວງປ້ອງກັນຄວາມສະຫງົບ ສະໄໝທີ...

ລາວປະເຊີນບັນຫາພລາສຕິກລົ້ນຕະຫຼາດທ່າມກາງລາຄາຕົກຕໍ່າ

ເສດຖົງຢາງທີ່ເກົ່າໝອງຈົນເກືອບແຍກສີບໍ່ອອກ ບວກກັບຕຸກນໍ້າພລາສຕິກທີ່ຖືກຖິ້ມຊະຊາຍເປັນວົງກວ້າງໃນນະຄອນຫຼວງວຽງຈັນ ເປັນພຽງສ້ຽວໜຶ່ງຂອງເລື່ອງເລົ່າກ່ຽວກັບພລາສຕິກຂອງເມືອງຫຼວງແຫ່ງນີ້. ພາຍໃຕ້ມົນລະມິດທີ່ສາມາດເບິ່ງເຫັນໄດ້ດ້ວຍຕາເປົ່ານີ້ ລ້ວນແຕ່ເຊື່ອງຊ້ອນວິກິດການຂັ້ນຮ້າຍແຮງກວ່າທີ່ຄິດໄວ້. ເນື່ອງຈາກສິ່ງດັ່ງກ່າວໄດ້ກາຍເປັນໄພຂົ່ມຂູ່ຕໍ່ສິ່ງແວດລ້ອມທາງທໍາມະຊາດຂອງລາວ ທັງເປັນໄພຂົ່ມຂູ່ຕໍ່ສຸຂະພາບຂອງຜູ້ຄົນຫຼາຍຮ້ອຍ ທີ່ຕ້ອງເພິ່ງພາການຊື້-ຂາຍສິ່ງເສດເຫຼືອປະເພດພລາສຕິກ. ໃນລະຫວ່າງວັນທີ 5 ຫາ 14 ສິງຫາ, ບັນດາຜູ້ນໍາຈາກຫຼາຍປະເທດໃນໂລກຈະມາເຕົ້າໂຮມກັນທີ່ ເຈນີວາ, ປະເທດສະວິດເຊີແລນ...