spot_img
Homeຂ່າວທ້ອງຖິ່ນນະຄອນຫລວງ ເຂັ້ມງວດຕໍ່ລົດບັນທຸກໜັກ ​ເພື່ອ​ຫລຸດຜ່ອນອຸບັດ​ເຫດ ​ແລະ ​ຄວາມ​ເປິະ​ເປື້ອນຂອງ​ເສັ້ນທາງ

ນະຄອນຫລວງ ເຂັ້ມງວດຕໍ່ລົດບັນທຸກໜັກ ​ເພື່ອ​ຫລຸດຜ່ອນອຸບັດ​ເຫດ ​ແລະ ​ຄວາມ​ເປິະ​ເປື້ອນຂອງ​ເສັ້ນທາງ

Published on

l7

 

ຂປລ. ​ໄລຍະ​ລະດູຝົນນີ້, ຂະແໜງຄຸ້ມຄອງການຂົນສົ່ງ ພະແນກໂຍທາທິການ ແລະ ຂົນສົ່ງ

ນະຄອນຫລວງວຽງຈັນ ​ ເຂັ້ມ​ງວດ​ຕໍ່ບັນດາບໍລິສັດ, ສະມາຄົມຂົນສົ່ງ, ຜູ້ນຳໃຊ້ລົດຂົນສົ່ງທຸກ

ປະເພດ ໃຫ້​ປະຕິບັດ​ຕາມ​ກົດ​ລະບຽບ​ ໂດຍບໍ່​ໃຫ້ ລົດ​ບັນທຸກ​ໜັກ, ລົດ​ພວງ, ລົດ​ລາກສັນຈອນ​

ຕາມ​ທາງ 13 ​ເສັ້ນ​ໃນ​ນະຄອນຫລວງ​ວຽງ​ຈັນ ​ໂດຍ​ສະ​ເພາະ​ໃນ​ເວລາ​ເລັ່ງດ່ວນ ​ເພື່ອຫລຸດຜ່ອນ

ການແອອັດຂອງລົດໃນນະຄອນຫລວງ, ຫລຸດຜ່ອນການເກີດອຸບັດເຫດ ແລະ ຫລຸດຜ່ອນ

ຄວາມເປິະເປື້ອນຂອງເສັ້ນທາງ.

 
ທ່ານ ສີວອນ ຊັບທະວີ ຮອງຫົວໜ້າຂະແໜງຄຸ້້ມຄອງການຂົນສົ່ງ ນະຄອນຫລວງວຽງຈັນ

ໃຫ້ສຳພາດ​ເມື່ອ​ທ້າຍ​ອາທິດ​ຜ່ານ​ມານີ້ວ່າ: ສຳ​ລັບ ທາງ 13 ​ເສັ້ນ​ທີ່​ຫ້າມ​ລົດ​ບັນທຸກ​ໜັກ,

ລົດ​ພວງ, ລົດ​ລາກ ​ແລ່ນ​​ເຂົ້າ​ ໂດຍ​ສະ​ເພາະ​ໃນ​ຊົ່ວ​ໂມງ​ເລັ່ງດ່ວນ​ຄື​ເວລາ​ເຂົ້າ​ການ ​ແລະ ​

ເລີກ​ການ ​ຕອນ​ເ​ຊົ້າ​​ແຕ່ເວລາ 7.00-9.00 ​ໂມງ ​ແລະ ຕອນ​ແລງ​ເວລາ 16.00-18.00​ໂມງ

ມີ: ຖະໜົນ​ສຸພາ​ນຸວົງ, ເສດ​ຖາ​ທິລາດ, ເຈົ້າຟ້າງຸ່ມ ​ແລະ ​ແຄມ​ຂອງ, ລ້ານ​ຊ້າງ, ໜອງ​ບອນ,

23 ສິງຫາ, ດົງ​ປ່າ​ລານ, ມິດຕະພາບ​ລາວ-​ໄທ, ​ໂພນ​ຕ້ອງ-ດົງ​ໂດກ, ຫ້ວຍ​ຫົງ-ດົງ​ປ່າ​ແຫລບ, ​

ໄກສອນ​ພົມວິຫານ, ອາ​ຊຽນ ​ແລະ ຖະໜົນ​ສີ​ທອງ​. ສ່ວນລົດ​ຂົນ​ສົ່ງ​ສິນຄ້າ ປະ​ເພດ​ວັດ​ສະ​ດຸ

​ກໍ່ສ້າງ ​ເຂົ້າ​ຮ້ານ​ຄ້າ ຢູ່​ເຂດ​ເສັ້ນທາງ​ທີ່​ກ່າວ​ມາ​ຂ້າງ​ເທິງ​ນັ້ນ ຕ້ອງ​ໄດ້​ນຳ​ໃຊ້​ລົດ​ຂະໜາດ​ນ້ອຍ

ທີ່​ມີ​ນ້ຳໜັກ​ລວມ 7 ​ໂຕນ​ລົງ​ມາ, ການ​ປະຕິບັດ​ໂມງ​ເວລາ​ຄ່ຽນ​ຖ່າຍ​ສິນຄ້າ​ຕ້ອງ​ປະຕິບ​ັດ

ຕາມ​ດຳລັດ 188/ນຍ ຢ່າງ​ເຂັ້ມ​ງວດ ຖ້າ​ຫາກ​ຝ່າຝືນ​ຈະ​ຖືກ​ປັບ​​ໃໝ​ຄັ້ງ​ລະ 2 ​ແສນ​ກີບ.

 
ນອກຈາກນີ້, ການ​ຂົນ​ສົ່ງ​ຫີນ​ແຮ່-ຊາຍ ​ແລະ ດິນ​ປະ​ເພດ​ຕ່າງໆ, ຕ້ອງ​ມີ​ຜ້າ​ບັດ​ປົກ​ຫຸ້ມ​

ເປັນ​ຢ່າງ​ດີ​ທຸກ​ຄັ້ງ, ຖ້າ​ຜູ້ຂົນ​ສົ່ງ​ ຄົນ​ໃດໄດ້​ສ້າງ​ຄວາມ​ເປິະ​ເປື້ອນ​ໃສ່​ຖະໜົນ ຕ້ອງ​ເຮັດ​ການ​

ອະນາ​ໄມ​​ໂດຍ​ໄວ, ຖ້າ​ລະ​ເມີດ ຈະ​ຖືກ​ປັບ​​ໃໝ ຕາມ​ດຳລັດ 188/ນຍ ມາດຕາ 38 ວ່າ​ດ້ວຍ​ການ

​ສ້າງ​ຄວາມ​ເປິະ​ເປື້ອນ​ໃສ່​ຖະໜົນ​ຫົນທາງ 1 ​ແ​ສນກີບ​ຕໍ່​ຖ້ຽວ​ຕໍ່​ຄັນ, ພ້ອມ​ທັງ​ຮັບຜິດຊອບ​

ຄ່າ​ໃຊ້​ຈ່າຍ​ໃນ​ການ​ທຳ​ຄວາມ​ສະອາດ ຕາມ​ທາງ​ທີ່​ຕົນ​ເຮັດ​ໃຫ້​ເປິະ​ເປື້ອນນັ້ນ. ພ້ອມ​ດຽວ​ກັນ

ລົດ​ຂົນ​ສົ່ງ​ຫີນ​ແຮ່-ຊາຍ ​ແລະ ດິນ​ປະ​ເພດ​ຕ່າງໆ, ການ​ຖົມ​ດິນ ກ່ອນ​ຈະ​ເຂົ້າ​-ອອກ ຕົວ​ເມືອງ

​ແລະ ​ເຂົ້າ​ສູ່​ເ​ສັ້ນ​ທາງ​ໃຫຍ່ ຕ້ອງ​ໄດ້​ອະນາ​ໄມຕີ​ນລົດ​ທຸກ​ຄັ້ງ, ລວມ​ເຖິງ​ລົດ​ຍູ້​ດິນ, ລົດ​ໂມ້​ປູນ

ທີ່​ຮັບ​ໃຊ້​ການ​ກໍ່ສ້າງ. ຖ້າ​​ທາງ​ເຂົ້າ-ອອກ ຫລື ​ເສັ້ນທາງ​ໃກ້​ຄຽງ ຫາກ​ເປິະ​ເປື້ອນ ຕ້ອງ​ໄດ້​ລ້າງ

​ແລະ ​ເຮັດ​ອະນາ​ໄມ​ໂດຍ​ໄວ.

 
ທ່ານ ສີວ​ອນ ຊັບທະວີ ຍັງ​ກ່າວ​ຕື່ມ​ວ່າ: ​ໂດຍ​ພື້ນຖານ​ແມ່ນ​ປະຕິບັດ​ຕາມ​ແຈ້ງ​ການ​ຂອງ

ພະ​ແນກ ຍທຂ ນະຄອນຫລວງ​ວຽງ​ຈັນ​ເລກທີ 3857/ຍທຂ,ນວ, ​ ປັດຈຸ​ບັນ ພວກ​​ເຮົາ​ໄດ້

​ສຳ​ເລັດ​ການ​ຕິດ​ຕັ້ງ​ປ້າຍ​ຫ້າມ​ລົດ 10 ລໍ້​ເຂົ້າ​ໃນ​ຕົວ​ເມືອງ​ຢູ່​​ແຕ່ລະ​ເສັ້ນທາງ​ລວມ 30 ກວ່າ​

ປ້າຍ, ພ້ອມ​ນີ້ ຍັງ​ປະສານ​ສົມທົບ​ກັບ ພະແນກຕຳຫລວດຈະລາຈອນ ແລະ ເຈົ້າໜ້າທີ່ຕຳ

ຫລວດຈະລາຈອນໃນ 4 ຕົວເມືອງ ​ເພື່ອ​ເຄື່ອນ​ໄຫວ​ປະຊາສຳພັນ​ຢູ່ແຕ່ລະສາຍທາງ ລວມທັງ

​ຜູ້ປະກອບການຂົນສົ່ງ ໂດຍສະເພາະລົດຂົນສົ່ງ ດິນ-ຊາຍ ​ ​ເປັນ​ເວລາ 1 ​ເດືອນ ເພື່ອ​ແນະນຳ

ກົດ​ລະບຽບ​ໃນ​ການ​ສັນຈອນເຂົ້າໃນຕົວເມືອງ​, ຫລັງ​ຈາກ​ນັ້ນ ຈະ​ໄດ້ກຳນົດ​ວິທີ​ການປະຕິບັດ

ຮ່ວມກັນກັບຜູ້ປະກອບການຂົນສົ່ງ ​ໃນ​ການ​ມີສ່ວນຮັບຜິດຊອບ​ເມື່ອ​ລົດຂອງ​​ບໍລິສັດ​ເຂົ້າ​

ມາໃນຕົວເມືອງ, ລວມທັງ ດຳເນີນການປັບ​ໃໝ, ບັນທຶກສຶກສາອົບຮົມ ຕາມຂັ້ນ​ຕອນ​ຕໍ່​ໄປ.

 

ທ່ານຍັງຝາກ​ເຖິງຜູ້​ຂັບ​ຂີ່ ບໍ່​ວ່າ​ລົດ​ໜັກ ຫລື ລົດ​ເບົາ ​ໃຫ້​ມີ​ມາລະຍາດ ​ແລະ ​ເຄົາລົບ​ກົດ​ລະ

ບຽບ​ການ​ສັນຈອນ ​ລວມ​ເຖິງ ກົດ​ລະບຽບ​ຕ່າງໆ ທີ່​ເຈົ້າ​ໜ້າ​ທີ່​ໄດ້​ວາງ​ອອກ ​ເພື່ອ​ຫລີກ​ລ່ຽງ

ອຸບັດ​ເຫດ, ບໍ່​ກີດຂວາງ​ການ​ສັນຈອນ​, ທັງ​ເປັນ​ການ​ຮັກສາ​ເສັ້ນທາງ​ໃຫ້​ສະອາດ ​ແລະ ​ສາ

ມາດ​​ທຽວ​ໄດ້​ຍາວ​ນານ.

 

ແຫຼ່ງຂ່າວ: ສຳນັກຂ່າວສານປະເທດລາວ

ບົດຄວາມຫຼ້າສຸດ

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...

ການສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ພ້ອມຂົວຂ້າມນໍ້າຂອງ 1 ແຫ່ງ

ສຳຫຼວດ-ອອກແບບ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ ເມືອງຈອມເພັດ ແຫຼ່ງຂ່າວຈາກ ແຂວງຫຼວພະບາງ ໃຫ້ຮູ້ວ່າ: ພິທີເຊັນສັນຍາໃນການສຳຫຼວດ-ອອກແບບ, ຄິດໄລ່ປະເມີນມູນຄ່າໂຄງການ, ຂຽນບົດວິພາກເສດຖະກິດ-ເຕັກນິກ, ສຶກສາຜົນກະທົບສິ່ງແວດລ້ອມ-ສັງຄົມ ເສັ້ນທາງວົງແຫວນອ້ອມຮອບນະຄອນ ຫຼວງພະບາງ ແລະ...

ຝູງສິງໂຕລຸມກັດກິນເຈົ້າໜ້າທີ່ສວນສັດຈົນເສຍຊີວິດ ຂະນະທີ່ເພື່ອນຮ່ວມງານເປີດເຜີຍຜູ້ເສຍຊີວິດບໍ່ເຄີຍລະເມີດກົດລະບຽບມາກ່ອນ

ສະຫຼົດ! ຝູງໂຕສິງລຸມກັດກິນເຈົ້າໜ້າທີ່ສວນສັດຈົນເສຍຊີວິດ ທີ່ສວນສັດແຫ່ງໜຶ່ງໃນກຸງເທບມະຫານະຄອນ ປະເທດໄທ. ສຳນັກຂ່າວໄທລາຍງານ ວັນທີ 10 ກັນຍາ 2025 ຜ່ານມາ, ກ່ຽວກັບເຫດການສຸດສະຫຼົດ ເມື່ອເຈົ້າທີ່ດູແລສວນສັດ ຖືກຝູງໂຕສິງລຸມກັດກິນ ຢູ່ສວນສັດຊາຟາລີເວີດ ໃນກຸງເທບມະຫານະຄອນ...

ສະຫະລັດເດືອດ! ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ

ຊາລີ ເຄິກ ນັກເຄື່ອນໄຫວຜູ້ສະໜັບສະໜູນ ທຣຳ ຜູ້ນຳສະຫະລັດ ຖືກລັກລອບຍິງເສຍຊີວິດ ໃນຂະນະຮ່ວມງານໃນມະຫາວິທະຍາໄລ ຍູທາ. ສຳນັກຂ່າວ ບີບີຊີ ລາຍງານ ໃນວັນທີ 11 ກັນຍາ 2025...