Homeຂ່າວການສຶກສາສົກສຶກສານີ້ ນະຄອນຫລວງວຽງຈັນ ຈະເລັ່ງປັບປຸງສັບຊ້ອນ ຄູສອນໃຫ້ພຽງພໍ!

ສົກສຶກສານີ້ ນະຄອນຫລວງວຽງຈັນ ຈະເລັ່ງປັບປຸງສັບຊ້ອນ ຄູສອນໃຫ້ພຽງພໍ!

Published on

ຂປລ. ສົກຮຽນ 2016-2017 ນີ້ ນະຄອນຫລວງວຽງ​ຈັນ ​ເລັ່ງ​ເອົາ​ໃຈ​ໃສ່​ ຍົກ​ລະດັບຄວາມ​ສາມາດ​ຂອງ​ຄູ​ ໃນ​ທຸກ​ຊັ້ນ​ທຸກ​ສາຍ ພ້ອມ​ທັງ​ສະໜອງ​ຄູ​ໃຫ້​ພຽງພໍ, ​ໂຮງຮຽນ​ປະຖົມທຸກ​ແຫ່ງ​ ຕ້ອງ​​ປະຕິບັດການ​ສອນ​ພາສາ​ອັງກິດ​ ຢູ່​ຊັ້ນ ປ3 ​ແລະ ສັບຊ້ອນ​ຄູ​ສອນ​ ໃນ​ບ່ອນ​ທີ່​ເຫລືອ​ ໄປ​ສອນ​ບ່ອນ​ທີ່​ບໍ່ພໍ, ພ້ອມ​ດຽວ​ກັນ​ນັ້ນ ກໍ​ເລີ່​ມປະຕິບັດ​ບໍາລຸງ​ໃຫ້​ແກ່​ຄູ​ປະຖົມ ​ເພື່ອ​ກຽ​ມ​ໄປສອນ​ຢູ່​ຊັ້ນ​ອະນຸບານ.

​ໃນ​ໂອກາດ​ໄຂ​ສົກຮຽນ​ໃໝ່ 2016-2017 ນີ້ ທ່ານ ຊົມ​ພູ ​ແກ້ວ​ປັນຍາ ຫົວໜ້າ​ພະ​ແນ​ກສຶກສາ​ທິການ ​ແລະ ກິລາ ​ໄດ້​ກ່າວ​ວ່າ​: ສົກຮຽນ 2016-2017 ນີ້ ສຶກສານະຄອນຫລວງ​ວຽງ​ຈັນ ໂດຍ​ເນັ້ນ​ໃສ່​ການ​ຂະຫຍາຍໂຮງຮຽນ​ລ້ຽງ​ເດັກ ​ແລະ ອະນຸບານ ​ໄປ​ສູ່​ເຂດ​ຊົນນະບົດຫ່າງ​ໄກ, ການ​ສຶກສາ​ ຊັ້ນ​ປະຖົມ ​​ແມ່ນ​ເອົາ​ໃຈ​ໃສ່ສືບ​ຕໍ່​ສົ່ງ​ເສີມ​ໃຫ້​ເດັກ ​ໃນ​ເກນ​ອາຍຸ 6 ປີ ​ໄຫ້​ໄດ້​ເຂົ້າ​ຮຽນ 100% ພ້ອມ​ທັງ ​ເອົາ​ໃຈ​ໃສ່​ການ​ປະຕິບັດ​ການ​ເລື່ອນ​ຂັ້ນແບບ​ຕໍ່​ເນື່ອງ​ ໄປ​ຍັງ​ໂຮງຮຽນ​ບາງ​ແຫ່ງ​ ທີ່​ຍັງ​ບໍ່​ທັນ​ໄດ້​ປະຕິບັດ​ຢ່າງ​ເປັນ​ຮູບ​ປະ​ທໍາ. ​ເພື່ອ​ຫລຸດຜ່ອນ​ອັດຕາ​ການ​ຄ້າງ​ຫ້ອງ ​ແລະ ອັດຕາ​ປະລະ​. ພ້ອມ​ດຽວ​ກັນ​ນັ້ນ, ​ກໍ​ສະກັດ​ກັ້ນ​ການ​ອອກ​ໂຮງຮຽນ​ກາງ​ປີ​ ຂອງ​ເດັກ​ນັກຮຽນ ​ແລະ ສືບ​ຕໍ່​ຍົກ​ສູງ​ຄຸນ​ນະພາ​ບການ​ສອນ​ຂອງ​ຄູ​ປະຖົມ​ ໃຫ້​ດີ​ຂຶ້ນ​ກວ່າ​ເກົ່າ, ​ໂຮງຮຽນ​ປະຖົມ​ທຸກ​ແຫ່ງ ​ຕ້ອງ​ໄດ້​ປະຕິບັດ​ການ​ສອນ​ພາສາ​ອັງກິດ​ ຢູ່​ຊັ້ນ ປ3 ​ແລະ ມີ​ການ​ສັຊ້ອນຄູ​ສອນ​ໃນ​ບ່ອນ​ທີ່​ເຫລືອ​ ໄປ​ສອນ​ບ່ອນ​ທີ່​ບໍ່ພໍ. ພ້ອມ​ດຽວ​ກັນ​ນັ້ນ, ກໍ​ເລີ່​ມການ​ ປະຕິບັດ​ການ​ບໍາລຸງ ໃຫ້​ຄູ​ປະຖົມ​ຈໍານວນ​ທີ່​ເຫລືອ​ ເພື່ອ​ກຽມ​ໄປ​ສອນ​ຢູ່​ຊັ້ນ​ອະນຸບານ, ຂະນະ​ດຽວ​ ກໍ​ເອົາ​ໃຈ​ໃສ່​ຍົກ​ລະດັບ​ຜູ້​ບໍລິຫານ​ການ​ສຶກສາທຸ​ກລະດັບ ​ໃຫ້​ສອດຄ່ອງ​ກັບ​ແຜນ​ພັດທະນາ​ການ​ສຶກສາ ​ໃນ​ນັ້ນ​ກໍ​ເພີ່ມ​ອັດຕາ​ເຂົ້າຮຽນລວມ​ໃນ​ຊັ້ນ ມຕົ້ນ ​ແລະ ມປາຍ ​ເອົາ​ໃຈ​ໃສ່​ຍົກ​ລະດັບ​ຄວາມ​ສາມາດຂອງ​ຄູ​ສອນ​ ໃນ​ທຸກ​ຊັ້ນ​ທຸກ​ສາຍ, ທັງ​ສະໜອງ​ຄູ​ໃຫ້​ພຽງພໍ​​ ເພື່ອ​ຍົກ​ສູງ​ຄຸນ​ນະພາ​ບການ​ຮຽນ-ການ​ສອນ ​ໃຫ້​ມີ​ຄຸ​ນນະພາ​ບດີ​ຂຶ້ນ.

ທ່ານກ່າວ​ຕື່ມ​ວ່າ: ການ​ພັດທະນາ​ການ​ສຶກສາ ຖື​ເປັນວຽກ​ງານ​ບູລິ​ມະ​ສິດ ​ແລະ ​ເປັນ​ໃຈກາງ ​ຂອງ​ການ​ພັດທະນາ​ຊັບພະຍາກອນ​ມະນຸດ ​ແລະ ຢຶດໝັ້ນ​ຕາມ 3 ລັກສະນະ 5 ຫລັກ​ມູນ​ ຂອງ​ການ​ສຶກສາ​ແຫ່ງ​ຊາດ ​ເພື່ອ​ບັນລຸ​ເປົ້າ​ໝາຍ​ສະຫັດ​ສະ​ວັດ ດ້ານ​ການ​ພັດທະນາ​ ​ແລະ ​ໃຫ້​ສາມາດ​ເຊື່ອມ​ໂຍງ​ເຂົ້າ​ກັບ​ລະດັບ​ການ​ສຶກສາ ​ແລະ ກິລາ ຂອງ​ພາກ​ພື້ນ ​ແ​ລະ ສາກົນ.

 

ແຫລ່ງຂ່າວ:

ຂປລ

ຕິດຕາມເຮົາທາງFacebook ກົດຖືກໃຈເລີຍ!

ບົດຄວາມຫຼ້າສຸດ

ທ່ານ ອາລຸນໄຊ ສູນນະລາດ ກຳມະການສູນກາງພັກ ເລຂາຄະນະບໍລິຫານງານພັກແຂວງຈໍາປາສັກ ໄດ້ຕ້ອນຮັບ ທ່ານ ເຫຼັກໄຫຼ ສີວິໄລ ກໍາມະການສູນກາງພັກ ລັດຖະມົນຕີກະຊວງໂຍທາທິການ ແລະ ຂົນສົ່ງ (ຍທຂ)...

ສປປ ລາວ ເຂົ້າຮ່ວມເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ (OAC)

ໃນວັນທີ 5 ພະຈິກ 2026 ທີ່ຜ່ານມາ, ສປປ ລາວ ໄດ້ເຂົ້າຮ່ວມການເປັນສະມາຊິກເຄືອຂ່າຍພັນທະມິດດ້ານທຸລະກິດປະຊາສຳພັນໃນອາຊີ ຫຼື One Asia Communications (OAC) ໃນເວທີປຶກສາຫາລືດ້ານການສື່ສານ...

ແກ້ໄຂຫຼາຍບັນຫາ ນະຄອນຫຼວງວຽງຈັນ ແກ້ໄຂບັນຫາຄວາມທຸກຍາກ ການຂາດແຄນຄູສອນ ການບໍລິຫານຈັດການຂີ້ເຫຍື້ອ

ກອງປະຊຸມສະໄໝສາມັນ ເທື່ອທີ 2 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ V ໄດ້ດໍາເນີນມາຮອດວັນທີ 13 ພະຈິກ 2026 ໄດ້ປິດລົງດ້ວຍຜົນສໍາເລັດອັນຈົບງາມ ພາຍໃຕ້ການເປັນປະທານຂອງ ທານ...

ກົດລະບຽບພາຍໃນ, ບໍ່ຈອດຊ້ອນຄັນ ຫຼື ກີດຂວາງທາງເຂົ້າ-ອອກ, ບໍ່ຈອງບ່ອນຈອດລົດສາທາລະນະດ້ວຍວັດຖຸ ແລະ ບໍ່ຫຼົບຫຼີກການຊຳລະຄ່າບໍລິການ.

ການຊອກຫາບ່ອນຈອດລົດໃນຕົວເມືອງຍັງກາຍເປັນບັນຫາທີ່ສ້າງຄວາມຫຍຸ້ງຍາກໃຫ້ແກ່ຜູ້ຂັບຂີ່ ໂດຍສະເພາະ ການຈອດລົດບໍ່ເປັນລະບຽບ, ທັງກີດຂວາງການສັນຈອນ ແລະ ສ່ຽງຕໍ່ການເກີດອຸບັດຕິເຫດ ເພື່ອແກ້ໄຂບັນຫາດັ່ງກ່າວ. ດັ່ງນັ້ນນະຄອນຫຼວງວຽງຈັນ (ນວ) ຈຶ່ງໄດ້ຮ່າງຂໍ້ຕົກລົງວ່າດ້ວຍ ການຄຸ້ມຄອງ ແລະ ພັດທະນາສະຖານທີ່ຈອດລົດ ເພື່ອວາງລະບຽບການຈອດລົດໃຫ້ເປັນລະບົບ...