spot_img
Homeສຸຂະພາບ ແລະ ສີ່ງແວດລ້ອມລ້າງສານພິດໃນຮ່າງກາຍພຽງ 1 ມື້ງ່າຍໆດ້ວຍຕົນເອງ!!

ລ້າງສານພິດໃນຮ່າງກາຍພຽງ 1 ມື້ງ່າຍໆດ້ວຍຕົນເອງ!!

Published on

ຄົງຈະຮູ້ກັນມາແລ້ວວ່າ ການລ້າງສານພິດ ຈະເຮັດໃຫ້ຮ່າງກາຍແຂງແຮງ, ເລືອດເດີນສະດວກ, ຖ້າເຮັດເປັນປະຈຳ ກໍຈະຊ່ວຍຟື້ນຟູສຸຂະພາບ ແລະຮັກສາພະຍາດຮ້າຍໂດຍສະເພາະມະເຮັງ, ພະຍາດພູມຄຸ້ມກັນ ຫອບຫືດ, ເບົາ ຫວານ, ລວມຮອດຫຼຸດຫຸ່ນໄດ້ອີກ

ຫົວໃຈສຳຄັນໃນການລ້າງສານພິດໃນ 1 ມື້ຄື: ຈະຕ້ອງກິນແຄລໍລີ່ໃຫ້ໄດ້ໜ້ອຍກວ່າ 800 ແຄລໍລີ່, ເພື່ອໃຫ້ລະບົບຍ່ອຍ ແລະຕັບໄດ້ພັກຜ່ອນ, ຈາກນັ້ນຕັບຈະຂັບສານພິດອອກມາໄດ້ ແລະອາຫານທີ່ເຈົ້າຈະກິນໃນວັນນັ້ນ ຈະຕ້ອງບໍ່ມີຊີ້ນເຂົ້າມາປົນເດັດຂາດ

  1. ເລືອກໝາກໄມ້ທີ່ເຈົ້າມັກມາ 1 ຊະນິດເຊັ່ນ: ໝາກຫຸ່ງ, ໝາກແອັບເປິ່ນ, ໝາກກ້ຽງໃຫຍ່, ໝາກມ່ວງ ແລະອື່ນໆ ຍົກເວັ້ນຢູ່ 2 ຊະນິດຄື ໝາກທຸລຽນ ແລະໝາກນັດ, ເພາະໝາກທຸລຽນມີແຄລໍລີ່ສູງເກີນໄປ ແລະຍ່ອຍຍາກ ກິນແລ້ວຈະເປັນພາລະກັບລະບົບຍ່ອຍອາຫານ, ສ່ວນໝາກນັດ ມີກົດສູງ ຖ້າກິນໝົດມື້ຈະເຮັດໃຫ້ທ້ອງອືດໄດ້
  2. ກິນແຕ່ໝາກໄມ້ຊະນິດດຽວຕະຫຼອດມື້: ໂດຍອາດຈະປັບປ່ຽນຮູບແບບໄດ້ເຊັ່ນ: ຖ້າເລືອກໝາກຫຸ່ງ ກໍອາດຈະກິນເປັນໝາກຫຸ່ງສຸກ ຫຼືຕຳໝາກຫຸ່ງດິບ ໃສ່ແຕ່ໝາກຫຸ່ງກັບນໍ້າປາເທົ່ານັ້ນ ບໍ່ໃສ່ເຄື່ອງປະກອບຢ່າງອື່ນເດັດຂາດ
  3. ພໍມາຮອດຕອນສວາຍກໍກິນໝາກຫຸ່ງອີກ: ແຕ່ກໍອາດຈະເປັນນໍ້າປັ່ນໝາກຫຸ່ງ ໃສ່ນໍ້າຕານໜ້ອຍທີ່ສຸດ ຫຼືນໍ້າໝາກຫຸ່ງສົດ
  4. ຕອນແລງກໍຍັງຕ້ອງກິນໝາກຫຸ່ງອີກຄັ້ງເປັນຕອນສຸດທ້າຍຂອງມື້: ໂດຍອາດຈະບີບໝາກນາວລົງໃສ່ໜ້ອຍໜຶ່ງ ໂດຍເພີ່ມລົດຊາດເລັກໜ້ອຍ
  5. ມື້ຕໍ່ມາກ່ອນທີ່ຈະເລີ່ມກິນເຂົ້າເຊົ້າ ເຈົ້າຈະຕ້ອງດື່ມນໍ້າໝາກນາວປະສົມນໍ້າອຸ່ນປະມານ 2 ຕຸກ: ເພາະເມື່ອເຮົາລ້າງສານພິດ ຕັບຈະຂັບສານພິດໃຫ້ມາລວມໂຕກັນຢູ່ລຳໄສ້ແກ່ບ່ອນສຸດ ຈຶ່ງຕ້ອງດື່ມນໍ້າອຸ່ນປະສົມນໍ້າໝາກນາວເຂົ້າໄປກະຕຸ້ນໃຫ້ລຳໄສ້ບີບໂຕ ເພື່ອໃຫ້ສານພິດໄດ້ຖືກດັນອອກມາພ້ອມກັບເວລາຖ່າຍໜັກ ຫຼັງຈາກທີ່ດື່ມນໍ້າອຸ່ນແລ້ວ ເຈົ້າຈະຮູ້ສຶກຢາກເຂົ້າທັນທີ ແຕ່ຖ້າບໍ່ມີການດື່ມນໍ້າກະຕຸ້ນ ແລະໄປກິນອາຫານເຊົ້າ ສານພິດກໍຈະຖືກດູດກັບ ເຂົ້າໄປໃນກະແສເລືອດຄືເກົ່າ ເຮັດໃຫ້ການອົດອາຫານລ້າງສານພິດຂອງເຮົາຕ້ອງບໍ່ສຳເລັດ
  • ວິທີກຽມນໍ້າອຸ່ນປະສົມນໍ້າໝາກນາວ

ອຸປະກອນ:

  1. ຕຸກນໍ້າຂະໜາດ 1 ລິດ 2 ຕຸກ
  2. ໝາກນາວ 4 ໜ່ວຍ
  3. ເກືອ 2 ບ່ວງແກງ

ວິທີເຮັດ

  1. ໃສ່ນໍ້າດື່ມໃຫ້ເຕັມຕຸກ ຈາກນັ້ນບີບໝາກນາວໃສ່ລົງໄປໃນຕຸກລະ 2 ໜ່ວຍ ແລະເກືອ 1 ບ່ວງແກງ ແລ້ວເຍົ່າໃຫ້ເຂົ້າກັນ
  2. ໝາກນາວຈະໄປກະຕຸ້ນໃຫ້ລຳໄສ້ເຮັດວຽກ ສ່ວນເກືອກໍຈະຊ່ວຍອົມນໍ້າໄວ້ ບໍ່ໃຫ້ຖືກຮ່າງກາຍດູດຊຶມເຂົ້າໄປໝົດ ນໍ້າຈະໄດ້ເຫຼືອໄປຈົນຮອດຮູທະວານເພື່ອຂັບຖ່າຍເອົາສານພິດອອກ
  3. ຫຼັງຈາກດື່ມນໍ້າໝາກນາວປະມານ 10-20 ນາທີ ເຈົ້າຈະຮູ້ສຶກເຈັບທ້ອງ ຢາກເຂົ້າຫ້ອງນໍ້າ ນັ້ນຄືອາການປົກກະຕິ ຫຼັງຈາກຖ່າຍໜັກຮຽບຮ້ອຍແລ້ວ ກໍເລີ່ມກິນອາຫານເຊົ້າໄດ້

ທີ່ມາ: health.kapook.

ສຳຫຼັບທ່ານທີ່ຮັກສຸຂະພາບ ຕິດຕາມເລື່ອງດີດີ ກົດໄລຄ໌ເລີຍ!

ifram FB ວິທະຍາສຶກສາ

ບົດຄວາມຫຼ້າສຸດ

ສົ່ງເສີມການທ່ອງທ່ຽວທາງທຳມະຊາດໃນລາວ ໂອກາດການທ່ອງທ່ຽວໃນເຂດປ່າໄມ້ຂອງລາວແບບເປີດກວ້າງ ພ້ອມກັບສ້າງວຽກເຮັດງານທຳໃຫ້ກັບແມ່ຍິງເຖິງ 75,000 ຄົນ

ກະຊວງ ກະສິກໍາ ແລະ ສິ່ງແວດລ້ອມ ໄດ້ອອກຂໍ້ຕົກລົງ ສະບັບ ເລກທີ 1926/ກປ,ລົງວັນທີ 03 ມິຖຸນາ 2025. ຊຶ່ງຂໍ້ຕົກສະບັບດັ່ງກ່າວນີ້ໄດ້ເປັນປັດໃຈພື້ນຖານໃນການຊຸກຍູ້ ແລະ ສົ່ງເສີມການທ່ອງທ່ຽວທຳມະຊາດ...

ສະຫາຍນາງ ວຽງທອງ ສີພັນດອນ ໄດ້ຮັບເລືອກເປັນເລຂາຄະນະບໍລິຫານງານພັກ ສປສສ

ຂໍສະແດງຄວາມຊົມເຊີຍ ສະຫາຍນາງ ວຽງທອງ ສີພັນດອນ ໄດ້ຮັບເລືອກຕັ້ງເປັນເລຂາຄະນະບໍລິຫານງານພັກສານປະຊາຊົນສູງສຸດ (ສປສສ) ກອງປະຊຸມໃຫຍ່ສະມາຊິກພັກ ຄັ້ງທີ V ອົງຄະນະພັກສານປະຊາຊົນສູງສຸດ ປິດລົງດ້ວຍຜົນສຳ ເລັດຢ່າງຈົບງາມໃນວັນທີ 11 ກັນຍານີ້ ທີ່ນະຄອນຫຼວງວຽງຈັນ...

ຖືກກັກໂຕແລ້ວ ຈາກກໍລະນີແພດທຳຮ້າຍຮ່າງກາຍຄົນເຈັບ ຢູ່ຫວຽດນາມ ພົບເຄື່ອງມືບໍ່ໄດ້ມາດຕະຖານ ແລະ ບໍ່ມີໃບອະນຸຍາດ

ໃນວັນທີ 11 ກັນຍາ 2025 ທີ່ຜ່ານມາ, ເຈົ້າໜ້າທີ່ຕຳຫຼວດນະຄອນໂຮຈິມິນ ປະເທດຫວຽດນາມ ໄດ້ຈັບກຸມ ນາງ ຫວຽນ ຖິ ຕ່ວນ ຈິງ (Nguyen...

ຮູ້ຈັກກັບ Nepo Kids ກະແສຈາກລູກຫຼານນັກການເມືອງເນປານ ໃຊ້ຊີວິດອວດລວຍທ່າມກາງຄວາມລຳບາກຂອງປະຊາຊົນ

ເມື່ອບໍ່ດົນມານີ້ໄດ້ມີເຫດການປະທ້ວງລັດທະບານໃນປະເທດເນປານ ໃນວັນທີ 09/09/2025, ເຊິ່ງສາເຫດແມ່ນເກີດຈາກການອອກມາດຕະການຫ້າມປະຊາຊົນນໍາໃຊ້ສື່ສັງຄົມອອນລາຍ ແລະ ອີກໜຶ່ງສາເຫດຄືລັດຖະບານ ມີການສໍ້ລາດບັງຫຼວງ ເຮັດໃຫ້ຄົນນລຸ້ນໃໝ່ເກີດຄວາມບໍ່ພໍໃຈ. Nepo Kids ຫຼື ລູກເຈົ້າຫຼານເພິ່ນ ເຊິ່ງປະຊາຊົນວິພາກວິຈານລູກຫຼານນັກງານເມືອງ ເພາະພວກເຂົານັ້ນໄດ້ໃຊ້ຊີວິດຫຼູຫຼາ ແລະ...