spot_img
Homeຂ່າວທ້ອງຖິ່ນຜູ້ໂດຍສານຫາຍຫ່ວງຂຶ້ນເໜືອທຸກເສັ້ນທາງເຖິງຈຸດໝາຍ

ຜູ້ໂດຍສານຫາຍຫ່ວງຂຶ້ນເໜືອທຸກເສັ້ນທາງເຖິງຈຸດໝາຍ

Published on

ຈາກສະພາບຝົນຕົກໜັກໃນລະ ຫວ່າງວັນທີ 19-20 ສິງຫາຜ່ານມານີ້ ເຮັດໃຫ້ສະພາບເສັ້ນທາງໂດຍສະເພາະເຂດພາກເໜືອ

ມີດິນເຈື່ອນຖົມທາງ ແລະ ເກີດນໍ້າຖ້ວມບໍ່ສາມາດສັນຈອນໄປ-ມາໄດ້ໃນບາງບ່ອນ ແຕ່ມາຮອດປະຈຸ ບັນສະພາບເສັ້ນທາງໄດ້ກັບສູ່ສະພາບປົກກະຕິແລ້ວ ແລະເຖິງຈະເກີດທາງເພ ສຸກເສີນກໍມີໜ່ວຍງານກ່ຽວຂ້ອງພ້ອມລົດກົນຈັກໝັກປະຈໍາຕາມແຕ່ລະຈຸດ ພ້ອມແກ້ໄຂ 24 ຊົ່ວໂມງຈິ່ງໝັ້ນໃຈວ່າການເດີນທາງຂຶ້ນເໜືອຈະເຖິງຈຸດໝາຍຢ່າງປອດໄພຫາຍຫ່ວງ.

ທ່ານ ແກ້ວວິໄຊ ມົວ ປະທານສະມາຄົມລົດຂົນສົ່ງສາຍເໜືອ ນະຄອນຫຼວງວຽງຈັນ ໃຫ້ສໍາພາດໃນວັນທີ 22 ສິງຫາຜ່ານມານີ້ຮູ້ວ່າ: ການຂົນສົ່ງໂດຍ ສານພາກເໜືອໃນໄລຍະວັນທີ 19-20 ສິງຫາ 2016 ຖືວ່າໄດ້ຮັບຄວາມເດືອດ  ຮ້ອນ ເນື່ອງຈາກມີຝົນຕົກໜັກ ຊຶ່ງໄດ້ເຮັດໃຫ້ດິນເຈື່ອນລົງໃສ່ເສັ້ນທາງມີບາງພື້ນທີ່ກໍຂາດ ຊຶ່ງຈຸດທີ່ໄດ້ຮັບຄວາມເສຍຫາຍໜັກແມ່ນເຂດພູຄູນຫາຫຼວງພະບາງ, ສະນັ້ນຈິ່ງເຮັດໃຫ້ສະພາບການ ສັນຈອນຕິດຂັດລົດທີ່ອອກເດີນທາງແຕ່ ວັນດັ່ງກ່າວທັງຂາໄປ ແລະຂາມາແມ່ນໄປຄ້າງຢູ່ເຂດພູຄູນໝົດ ຊຶ່ງລວມໆມີລົດ ຕິດຍາວຝ່າຍລະປະມານ 5-6 ກິໂລແມັດ ແຕ່ມາຮອດປະຈຸບັນການນໍາພັກ-ລັດ ກໍຄືກະຊວງໂຍທາທິການ ແລະຂົນສົ່ງ ໄດ້ສົມທົບກັບບັນດາພາກສ່ວນກ່ຽວຂ້ອງນຳເອົາລົດກົນຈັກມາແກ້ໄຂເບື້ອງຕົ້ນແລະໃຫ້ປະຈໍາຢູ່ເຂດທີ່ມີຄວາມສ່ຽງຈິ່ເຮັດໃຫ້ຕອນແລງວັນທີ 20 ສາມາດແກ້ໄຂບັນຫາສະພາບ ດັ່ງກ່າວໄດ້ເສັ້ນທາງແມ່ນສະດວກດີ ແລ້ວສາມາດປ່ອຍລົດເປັນປົກກະຕິມີ ພຽງບາງສາຍທາງທີ່ເຫັນວ່າມັນຮຸນ ແຮງເຮົາກໍໄດ້ສັ່ງຊະລໍລົດ ຖ້າຜູ້ໂດຍສານບໍ່ເຂົ້າໃຈກໍໄດ້ມີການອະທິບາຍ ຫຼື ຖ້າມັນຕິດຂັດແທ້ເຮົາກໍໄດ້ປ່ຽນການເດີນລົດເຊັ່ນ: ຖ້າໄປຊຽງຂວາງໄປທາງ ປາກຊັນກໍໄດ້ ແຕ່ມັນເກີດມີເສັ້ນທາງຕັດ ຂາດເຮົາກໍຈະແນະນໍາຜູ້ໂດຍສານໄປ ທາງພູຄູນ, ສ່ວນຮູບພາບທີ່ເຫັນທາງສື່ ອອນລາຍນັ້ນແມ່ນເປັນພຽງການພົບ ເຫັນ ຊຶ່ງໜ້າເຊັ່ນ: ພົບດິນເຈື່ອນລົງມາ ໃນລະຫວ່າງຂີ່ລົດກໍຖ່າຍພາບແລ້ວໂພດ ລົງທາງສື່ອອນລາຍ ຊຶ່ງມັນບໍ່ແມ່ນດິນ ເຈື່ອນທີ່ໃຫຍ່ຈົນລົດບໍ່ສາມາດສັນຈອນ ໄປໄດ້.

ຢ່າງໃດກໍຕາມ ໃນລະຫວ່າງມີສະພາບດັ່ງກ່າວ ພວກເຮົາກໍໄດ້ມີບໍລິການທາງ ໂທລະສັບ 24 ຊົ່ວໂມງ ຈໍານວນ 4 ເບີ ຄື: 021612384,021612385,02055999956,02055607052 ໄວ້ຄອຍໃຫ້ລາຍລະອຽດກ່ຽວກັບເສັ້ນ ທາງແກ່ພໍ່ແມ່ປະຊາຊົນກໍຄື ຜູ້ໂດຍສານ ຊຶ່ງກໍເຫັນວ່າມີຫຼາຍສາຍໂທເຂົ້າມາສອບ ຖາມເປັນປະຈຳ ນອກນີ້ຍັງມີໜ່ວຍງານ ປ້ອງກັນໄປກັບລົດເພື່ອເກັບກໍາສະພາບກ່ຽວກັບເສັ້ນທາງ, ມີການພົວພັນກັບ ໂຊເຟີລົດທຸກຄັນໃນຂະນະເດີນທາງເຮັດໃຫ້ຜູ້ໂດຍສານສາມາດເດີນທາງ ຢ່າງໝັ້ນໃຈ ແລະເຫັນວ່າມີຜູ້ໂດຍສານ ໄປ-ມາໃນຈໍານວນປົກກະຕິ ແຕ່ສ່ວນໃຫຍ່ແມ່ນຈະເລືອກເດີນທາງໃນຕອນ ເຊົ້າ, ຕອນແລງແມ່ນຂ້ອນຂ້າງເບົາບາງ ລົງ.

 

ຂ່າວຈາກ: 

ບົດຄວາມຫຼ້າສຸດ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ

TECNO CAMON 40 Pro ຈະເປີດໂຕໃນລາວໃນວັນທີ 21 ເດືອນ 04 ນຳເທຣນ ໃໝ່ແຫ່ງການຖ່າຍຮູບດ້ວຍໂທລະສັບ TECNO CAMON 40 Pro ສະມາດໂຟນ...

ລວມພາບບັນຍາກາດສຸດຮ້ອນແຮງຈາກ Mistine ມາຝາກ

ພາບບັນຍາກາດສຸດມ່ວນຈາກ Mistine ໃນເທດສະການປີໃໝ່ລາວ 2025. Mistine ແບຣນເຄື່ອງສຳອາງດຽວທີ່ມາແຈກຄວາມມ່ວນ ຄວາມມັນໃຫ້ທຸກຄົນໃນເທດສະການປີໃໝ່ລາວ 2025 ເພາະໃນບູດມີແຈກຄີມກັນແດດ ແລະ ລິບສະຕິກຟຣີ!! ພ້ອມກັບຈຸດເຕີມນ້ຳ ແລະ DJ ເປີດເພງໃຫ້ໄດ້ເຕັ້ນຈົນລືມຮ້ອນບອກເລີຍວ່າເຖິງຈະບໍ່ມີເຄື່ອງດື່ມ...

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ.

ລັດຖະບານ ໂດນັລ ທຣຳ ປະທານາທິບໍດີແຫ່ງສະຫະລັດ ພິຈາລະນາປິດສະຖານທູດ-ສະຖານກົງສຸນຕ່າງປະເທດ ເກຶອບ 30 ແຫ່ງ. ສຳນັກຂ່າວຕ່າງປະເທດລາຍງານໃນວັນທີ 16 ເມສາ 2025 ນີ້ວ່າ: ລັດທະບານຂອງປະທານາທິບໍດີ ໂດນັລ...

“ປະຫວັດຄວາມເປັນມາຂອງບຸນປີໃໝ່ລາວ” (ປະຫວັດນາງສັງຂານເທບພະທິດາທັງ 07)

"ປະຫວັດຄວາມເປັນມາຂອງບຸນປີໃໝ່ລາວ"(ປະຫວັດນາງສັງຂານເທບພະທິດາທັງ 07) ຄວາມເປັນມາຂອງນາງສັງຂານ (ບຸນປີໃໝ່ລາວ) ໃນອະດີດຕະການດົນນານມາແລ້ວ... ໃນສະໄໝນັ້ນມີເຈົ້າຜູ້ຄອງເມືອງສະຫວັນອົງໜື່ງຊື່ "ພະຍາກະບິນລະພຣົມ" ເປັນຄົນມີພູມປັນຍາສະຫຼາດອາດຫານເກັ່ງກ້າສາມາດບໍ່ມີຜູ້ໃດມາທຽມໄດ້ເປັນເທບແຫ່ງສວງສະຫວັນວິມານຊັ້ນຟ້າ (ຊັ້ນພຣົມ), ຢູ່ມາມື້ໜຶ່ງບັນດາເສນາອາມາດໄດ້ຮູ້ຂ່າວວ່າມີຊາຍໜຸ່ມຄົນໜື່ງໃນໂລກມະນຸດສະຫຼາດຫຼັກແຫຼມເປັນນັກປຣາດບັນດິດຈື່ງເຊີນເຂົ້າມາໃນເມືອງສະຫວັນເພື່ອທ້າສະໝອງລອງປັນຍາດ້ວຍເຫດເລົ່າກັນມາມີດັ່ງນີ້: "ພະຍາກະບິນລະພຣົມ" ຈຶ່ງໄດ້ທ້າສະໝອງລອງປັນຍາ ກັບທ່ານນັກປຣາດຜູ້ຮຽນຈົບໄຕຼເພດ (ຄວາມຮູ້ຂັ້ນສູງສາມຢ່າງ ໄດ້ແກ່...